Nicholas Pooran Announces Retirement from International Cricket

ക്രിക്കറ്റ് ലോകത്തെ ഞെട്ടിച്ചുകൊണ്ട് വെസ്റ്റ് ഇൻഡീസ് താരം നിക്കോളാസ് പൂരൻ അന്താരാഷ്ട്ര ക്രിക്കറ്റിൽ നിന്ന് വിരമിച്ചു. 29 വയസ്സുള്ള വിക്കറ്റ് കീപ്പർ ബാറ്ററുടെ അപ്രതീക്ഷിത തീരുമാനത്തിന്റെ ഞെട്ടലിലാണ് ആരാധകർ. ഇൻസ്റ്റാഗ്രാം പോസ്റ്റിലൂടെയാണ് താരം വിരമിക്കൽ പ്രഖ്യാപിച്ചത്. കരീബിയൻ ടീമിൻ്റെ മുൻ നായകനുമാണ് പൂരൻ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വെസ്റ്റിൻഡീസിനെ പ്രതിനിധീകരിക്കാൻ കഴിഞ്ഞത് തനിക്ക് ലഭിച്ച ഏറ്റവും വലിയ അംഗീകാരമാണെന്ന് നിക്കോളാസ് പൂരൻ പറഞ്ഞു. രാജ്യത്തിനായി മെറൂൺ ജേഴ്സി അണിഞ്ഞ് കളിക്കാൻ കഴിഞ്ഞതിൽ അതിയായ സന്തോഷമുണ്ട്. ദേശീയ ഗാനത്തിനായി നിൽക്കുമ്പോൾ തനിക്ക് ലഭിച്ചതെല്ലാം നൽകാൻ കഴിഞ്ഞു. ഈ അനുഭവം വാക്കുകളിൽ ഒതുക്കാൻ കഴിയില്ലെന്നും പൂരൻ കൂട്ടിച്ചേർത്തു.

ക്യാപ്റ്റനെന്ന നിലയിൽ ടീമിനെ നയിക്കാൻ കഴിഞ്ഞത് ഹൃദയത്തോട് ചേർത്തു വയ്ക്കുന്ന ഒരനുഭവമാണ്. വളരെയധികം ആലോചിച്ചതിനു ശേഷമാണ് വിരമിക്കൽ പ്രഖ്യാപിക്കാൻ തീരുമാനിച്ചതെന്നും അദ്ദേഹം വ്യക്തമാക്കി. തൻ്റെ കരിയറിൽ പിന്തുണച്ച എല്ലാവർക്കും നന്ദിയുണ്ടെന്നും പൂരൻ പറഞ്ഞു.

അദ്ദേഹം 167 മത്സരങ്ങളിൽ രാജ്യത്തെ പ്രതിനിധീകരിച്ചു. ഏകദിനത്തിൽ 99.15 സ്ട്രൈക്ക് റേറ്റിൽ 1983 റൺസ് നേടിയിട്ടുണ്ട്. അതുപോലെ, 106 ടി20 മത്സരങ്ങളിൽ നിന്ന് 2,275 റൺസും പൂരൻ നേടിയിട്ടുണ്ട്.

2024 ഡിസംബറിലാണ് നിക്കോളാസ് അവസാനമായി വെസ്റ്റിൻഡീസിനുവേണ്ടി കളിച്ചത്. ടി20യിൽ മികച്ച പ്രകടനം കാഴ്ചവെച്ച താരങ്ങളിൽ ഒരാളാണ് പൂരൻ. അദ്ദേഹത്തിന്റെ അപ്രതീക്ഷിത വിരമിക്കൽ ക്രിക്കറ്റ് ലോകത്ത് വലിയ ചർച്ചയായിരിക്കുകയാണ്.

അന്താരാഷ്ട്ര ക്രിക്കറ്റിൽ നിന്ന് വിരമിച്ചെങ്കിലും, ലോകമെമ്പാടുമുള്ള വിവിധ ലീഗ് മത്സരങ്ങളിൽ പൂരൻ സജീവമായി ഉണ്ടാകും. കൂടുതൽ ഊർജ്ജത്തോടെ കളിക്കളത്തിൽ തിരിച്ചെത്താൻ സാധിക്കട്ടെ എന്ന് ആശംസിക്കുന്നു.

Also read: ലെജന്റുകളുടെ കൂടെ ഇനി ധോണിയും: ഐസിസി ഹാൾ ഓഫ് ഫെയിമിൽ ഇടംനേടി എംഎസ്ഡി

Story Highlights: വെസ്റ്റ് ഇൻഡീസ് താരം നിക്കോളാസ് പൂരൻ അന്താരാഷ്ട്ര ക്രിക്കറ്റിൽ നിന്ന് വിരമിച്ചു.