New Color Discovered: Never Before Seen by Human Eye

മനുഷ്യനേത്രങ്ങൾക്ക് ഇതുവരെ കാണാൻ കഴിയാതിരുന്ന പുതിയൊരു നിറം കണ്ടെത്തിയതായി ശാസ്ത്രലോകം അറിയിക്കുന്നു. കാലിഫോർണിയ സർവകലാശാലയിലെ അഞ്ച് ശാസ്ത്രജ്ഞരാണ് ഈ അപൂർവ്വ നിറം കാണാൻ ഭാഗ്യം ലഭിച്ചവർ. റെറ്റിനയിലെ പ്രത്യേക കോശങ്ങളെ ലേസർ ഉപയോഗിച്ച് ഉത്തേജിപ്പിച്ചാണ് ഈ നേട്ടം കൈവരിച്ചത്. ‘oz’ എന്ന് വിളിക്കപ്പെടുന്ന ഈ പുതിയ രീതി, മനുഷ്യനേത്രങ്ങൾക്ക് അതിന്റെ സ്വാഭാവിക പരിധിക്കപ്പുറമുള്ള നിറങ്ങൾ കാണാൻ കഴിയുമെന്ന് തെളിയിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുതിയ നിറം കണ്ടെത്തുന്നതിനൊപ്പം, കണ്ണിനെ ബാധിക്കുന്ന രോഗങ്ങൾക്ക് ചികിത്സ കണ്ടെത്താനും വർണ്ണാന്ധതയുടെ കാരണം കണ്ടെത്താനും ഈ പരീക്ഷണം സഹായിക്കുമെന്ന് ശാസ്ത്രജ്ഞർ അഭിപ്രായപ്പെടുന്നു. പ്രകൃതി സൃഷ്ടിച്ച അതിരുകൾ ഭേദിച്ച് പുതിയ നിറങ്ങളുടെ ലോകം സൃഷ്ടിക്കാൻ സാധിക്കുമെന്നും സയൻസ് അഡ്വാൻസസ് എന്ന ജേണലിൽ പ്രസിദ്ധീകരിച്ച പഠനം വ്യക്തമാക്കുന്നു. പീകോക്ക് ബ്ലൂ, ടീൽ എന്നീ നിറങ്ങളെ പോലെയാണ് ഈ പുതിയ നിറമെന്നും കണ്ടവർ വിശേഷിപ്പിക്കുന്നു.

പുതിയ നിറം 'ഓളോ' കണ്ടെത്തി ശാസ്ത്രലോകം

റെറ്റിനയെ ഉത്തേജിപ്പിക്കാൻ ഉപയോഗിച്ച ഉപകരണത്തിന് ഓസ് വിഷൻ എന്നാണ് പേര്. ഓളോ എന്ന് വിളിക്കപ്പെടുന്ന ഈ നിറം ഇന്നുവരെ നാം കാണാത്തതും അത്ര പെട്ടെന്നൊന്നും ഉണ്ടാക്കിയെടുക്കാൻ സാധിക്കാത്തതുമാണ്. അതിനാൽ തന്നെ ഈ നിറം നിത്യജീവിതത്തിലേക്ക് ഉടൻ എത്താൻ വിദൂര സാധ്യത പോലുമില്ല. കാലിഫോർണിയ സർവകലാശാലയിലെ അഞ്ച് ശാസ്ത്രജ്ഞർ മാത്രമാണ് ഇതുവരെ ഈ നിറം കണ്ടിട്ടുള്ളത്.

ഇൻസ്റ്റാഗ്രാം റീലുകളിൽ പുതിയ ഫീച്ചർ; ലോക്ക് ചെയ്ത റീലുകൾ കാണാൻ രഹസ്യ കോഡ്

Story Highlights: Scientists have discovered a new color, never before seen by the human eye, by stimulating specific cells in the retina with lasers.