സന്ദീപ് വാര്യർ ബിജെപി വിടുമെന്ന റിപ്പോർട്ടുകൾ: എൻഡിഎ, എൽഡിഎഫ് സ്ഥാനാർത്ഥികൾ പ്രതികരിച്ചു

പാലക്കാട് എൻഡിഎ സ്ഥാനാർത്ഥി സി കൃഷ്ണകുമാർ ബിജെപി സംസ്ഥാന കമ്മിറ്റിയംഗം സന്ദീപ് വാര്യർ പാർട്ടി വിടുമെന്ന റിപ്പോർട്ടുകളോട് പ്രതികരിച്ചു. സന്ദീപ് വാര്യർക്ക് ബിജെപി വിടാൻ കഴിയില്ലെന്ന് കൃഷ്ണകുമാർ‌ ട്വന്റിഫോറിനോട് പറഞ്ഞു. താനും സന്ദീപും ആർഎസ്എസ് ശാഖയിലൂടെ വളർന്നവരാണെന്നും കൺവെൻഷനിൽ സന്ദീപിന് യാതൊരു അവഗണനയും ഉണ്ടായിട്ടില്ലെന്നും അദ്ദേഹം വ്യക്തമാക്കി. എൽഡിഎഫ് സ്ഥാനാർത്ഥി ഡോ. പി സരിൻ സന്ദീപ് വാര്യരെ പ്രശംസിച്ച് രംഗത്തെത്തി. സന്ദീപ് വാര്യർ കഴിവുള്ള നേതാവാണെന്ന് സരിൻ പറഞ്ഞു. ബിജെപിയിൽ സന്ദീപിന് അടക്കം അതൃപ്തി ഉള്ളതായി അനുഭവപ്പെട്ടിട്ടുണ്ടെന്നും ബിജെപി ആശയവും സന്ദീപിന്റെ ആശയങ്ങളും രണ്ടും രണ്ടാണെന്ന് തോന്നിയിട്ടുണ്ടെന്നും സരിൻ ട്വന്റിഫോറിനോട് പ്രതികരിച്ചു. സന്ദീപിനെ പാർട്ടിയിലേക്ക് ക്ഷണിക്കണോ വേണ്ടയോ എന്നത് മുതിർന്ന നേതാക്കൾ തീരുമാനിക്കേണ്ട കാര്യമാണെന്നും അദ്ദേഹം കൂട്ടിച്ചേർത്തു. ബിജെപി നേതാക്കളുടെ അനുനയ നീക്കം പാളിയതിനെ തുടർന്നാണ് സന്ദീപ് പാർട്ടി വിടാനൊരുങ്ങുന്നതെന്ന് റിപ്പോർട്ടുകളുണ്ട്. ബിജെപിയിൽ തുടരാൻ മാനസികമായി തനിക്ക് സാധിക്കില്ലെന്ന് സന്ദീപ് ഉറപ്പിച്ച് നേതാക്കളോട് പറഞ്ഞുകഴിഞ്ഞെന്നാണ് വിവരം. കഴിഞ്ഞ ദിവസം ഉന്നതനായ ഒരു സിപിഐഎം നേതാവ് ചെത്തല്ലൂരിൽ വച്ച് സന്ദീപ് വാര്യരുമായി കൂടിക്കാഴ്ച നടത്തിയെന്നും റിപ്പോർട്ടുകളുണ്ട്. Story Highlights: NDA and LDF candidates react to reports of Sandeep Varier potentially leaving BJP