Nazriya-Basil Joseph's 'Sookshmadharshini' to release on November 22

നസ്രിയയും ബേസിൽ ജോസഫും കേന്ദ്ര കഥാപാത്രങ്ങളായി എത്തുന്ന ‘സൂക്ഷ്മദർശിനി’ എന്ന ചിത്രത്തിന്റെ റിലീസ് തീയതി പ്രഖ്യാപിച്ചു. എംസി ജിതിൻ സംവിധാനം ചെയ്യുന്ന ഈ ചിത്രം നവംബർ 22-ന് തിയറ്ററുകളിൽ എത്തും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നാലു വർഷത്തെ ഇടവേളയ്ക്കു ശേഷം നസ്രിയ മലയാളത്തിലേക്ക് തിരിച്ചെത്തുന്ന സിനിമ കൂടിയാണിത്. നസ്രിയയും ബേസിലും ആദ്യമായി ഒന്നിക്കുന്ന ചിത്രം എന്ന പ്രത്യേകതയും ഇതിനുണ്ട്.

ഹാപ്പി അവേഴ്സ് എന്റർടെയ്ൻമെന്റിന്റെയും എ വി എ പ്രൊഡക്ഷൻസിന്റെയും ബാനറിൽ സമീർ താഹിർ, ഷൈജു ഖാലിദ്, എവി അനൂപ് എന്നിവർ ചേർന്നാണ് സൂക്ഷ്മദർശിനി നിർമിച്ചിരിക്കുന്നത്. ബേസിൽ ജോസഫ്, നസ്രിയ നസീം ഫഹദ് എന്നിവർക്കൊപ്പം, സിദ്ധാർത്ഥ് ഭരതൻ, ദീപക് പറമ്പോൽ, അഖില ഭാർഗവൻ, കോട്ടയം രമേഷ്, മെറിൻ ഫിലിപ്പ്, പൂജ മോഹൻരാജ്, മനോഹരി ജോയ്, ഗോപൻ മങ്ങാട് തുടങ്ങിയ താരനിരയും ചിത്രത്തിലുണ്ട്.

കലാഭവൻ നവാസിന്റെ അവസാന സിനിമകൾ വിജയിപ്പിക്കണം; മക്കളുടെ അഭ്യർത്ഥന

ശരൺ വേലായുധനാണ് ഛായാഗ്രാഹകൻ. ക്രിസ്റ്റോ സേവ്യറാണ് ഗാനങ്ങളും ഒറിജിനൽ സ്കോറും ഒരുക്കിയിരിക്കുന്നത്.

ചിത്രത്തിന്റെ ഔദ്യോഗിക ടീസർ ഏതാനും ദിവസങ്ങൾക്കുള്ളിൽ പുറത്തുവരുമെന്ന് റിപ്പോർട്ടുകൾ സൂചിപ്പിക്കുന്നു. സിനിമയുടെ മോഷൻ പോസ്റ്റർ അടുത്തിടെ പുറത്തിറങ്ങിയിരുന്നത് ഏറെ ശ്രദ്ധ നേടിയിരുന്നു.

Story Highlights: Nazriya and Basil Joseph star in ‘Sookshmadharshini’, directed by MC Jithin, releasing on November 22

കലാഭവൻ നവാസിന്റെ അവസാന സിനിമകൾ വിജയിപ്പിക്കണം; മക്കളുടെ അഭ്യർത്ഥന