നടി നയന്‍താരയുടെ എക്സ് അക്കൗണ്ട് ഹാക്ക് ചെയ്യപ്പെട്ടതായി വെളിപ്പെടുത്തി താരം രംഗത്തെത്തി. വെള്ളിയാഴ്ച വൈകുന്നേരത്തോടെയാണ് നയന്‍താര ഇക്കാര്യം എക്‌സിലൂടെ അറിയിച്ചത്. “എന്റെ അക്കൗണ്ട് ഹാക്ക് ചെയ്യപ്പെട്ടു. അനാവശ്യമോ വിചിത്രമോ ആയ ട്വീറ്റുകള്‍ പോസ്റ്റ് ചെയ്യപ്പെട്ടാല്‍, ദയവായി അവഗണിക്കുക” എന്നാണ് താരം കുറിച്ചിരിക്കുന്നത്.
നയന്‍താരയുടെ അവസാനത്തെ എക്സ് പോസ്റ്റ് എത്തിയത് സെപ്റ്റംബര്‍ 7 നായിരുന്നു. കഴിഞ്ഞ വര്‍ഷം പുറത്തിറങ്ങിയ ഹിറ്റ് ചിത്രം ജവാന്റെ ഒന്നാം വാര്‍ഷികത്തോടനുബന്ധിച്ചായിരുന്നു ആ പോസ്റ്റ്. താരത്തിന് പിന്തുണയുമായി നിരവധി ആരാധകരാണ് രംഗത്തെത്തിയിരിക്കുന്നത്.
“വെരിഫൈഡ് അക്കൗണ്ട് ഹാക്ക് ചെയ്യുന്നത് എങ്ങനെയാണെന്ന്” എലോണ്‍ മസ്‌കിനെ ടാഗ് ചെയ്ത് ചിലര്‍ ചോദിച്ചിരിക്കുന്നത്. “ഈ ബ്ലൂ ടിക്കിന് എന്ത് സുരക്ഷയാണ് നിങ്ങള്‍ ഉറപ്പ് നല്‍കുന്നതെന്ന്” ചോദിക്കുന്നവരുമുണ്ട്. ഇതിനിടെ, നയന്‍താരയുടെ ഹാക്ക് ചെയ്യപ്പെട്ട അക്കൗണ്ടില്‍ നിന്നുള്ള ട്വീറ്റ് താഴെ കാണാം.
Account has been hacked. Please ignore any unnecessary or strange tweets being posted.
— Nayanthara✨ (@NayantharaU) September 13, 2024
Story Highlights: Actress Nayanthara’s X account hacked, fans question platform security
