Navakerala Bus Idle in Kozhikode Workshop for a Month

നവകേരള ബസ് കോഴിക്കോട് റീജിയണൽ വർക്ക് ഷോപ്പിൽ ഒരു മാസമായി അറ്റകുറ്റപ്പണികളുടെ പേരിൽ കിടക്കുകയാണ്. ജൂലായ് 21-ന് അറ്റകുറ്റപ്പണിക്കെന്ന പേരിൽ ബസ് വർക്ക് ഷോപ്പിലെത്തിച്ചെങ്കിലും, ഒരു മാസത്തിലേറെയായി യാതൊരു പണികളും നടന്നിട്ടില്ല. സർവീസ് നടത്തുന്നത് കോഴിക്കോട് നിന്നാണെങ്കിലും തീരുമാനങ്ങൾ തിരുവനന്തപുരത്ത് നിന്നുമാണ് എടുക്കുന്നതെന്ന് ഉദ്യോഗസ്ഥർ അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നവകേരള യാത്രയ്ക്കുശേഷം കോഴിക്കോട്-ബെംഗളൂരു റൂട്ടിലാണ് ബസ് സർവീസ് നടത്തിയത്. മെയ് അഞ്ചുമുതൽ ഈ റൂട്ടിൽ സർവീസ് ആരംഭിച്ചു. 1171 രൂപയായിരുന്നു ടിക്കറ്റ് നിരക്ക്.

എസി ബസിൽ 26 പുഷ് ബാക്ക് സീറ്റുകൾ, ഹൈഡ്രോളിക് ലിഫ്റ്റ്, ശുചിമുറി, ടെലിവിഷൻ, മ്യൂസിക് സിസ്റ്റം, മൊബൈൽ ചാർജർ തുടങ്ങിയ സൗകര്യങ്ങളുമുണ്ടായിരുന്നു. എന്നാൽ, ഉയർന്ന ചാർജും സമയക്രമവും കാരണം യാത്രക്കാരുടെ എണ്ണം കുറഞ്ഞു. ബസിലെ ബാത്ത് റൂം മാറ്റി സീറ്റ് വയ്ക്കാനാണ് വർക്ക് ഷോപ്പിലേക്ക് മാറ്റിയതെന്നാണ് ഔദ്യോഗിക വിശദീകരണം.

എന്നാൽ, കെഎസ്ആർടിസി ആസ്ഥാനത്ത് നിന്ന് തുടർനടപടികൾ ഉണ്ടായിട്ടില്ല. ഇതോടെ ബസ് മൂലയിലായി. ബാത്ത്റൂം ടാങ്കിൽ ചോർച്ച വന്നതിനെ തുടർന്നാണ് ബസ് വർക്ക്ഷോപ്പിലേക്ക് മാറ്റിയത്.

കെഎസ്ആർടിസി ബസിൽ കഞ്ചാവ് കടത്ത്; രണ്ട് ഒഡിഷ സ്വദേശിനികൾ പിടിയിൽ

ഇപ്പോൾ ബസ് പൊടിപിടിച്ച് കിടക്കുകയാണ്. നവകേരള യാത്ര കഴിഞ്ഞ് ബസ് പിന്നീട് ഒന്നിനും ഉപയോഗിച്ചിരുന്നില്ല എന്നതും ശ്രദ്ധേയമാണ്.

Story Highlights: Navakerala bus maintenance service stopped in Kozhikode

കെഎസ്ആർടിസിയിൽ വീണ്ടും ബ്രത്ത് അനലൈസർ വിവാദം; ഡ്രൈവർ കുടുംബസമേതം പ്രതിഷേധിച്ചു