Kerala's 108-member team at National Junior Athletic Meet

കേരളത്തിൽ നിന്നുള്ള യുവ അത്ലറ്റുകൾ ഉൾപ്പെടെ രാജ്യത്തിന്റെ വിവിധ ഭാഗങ്ങളിൽ നിന്നുള്ള മികച്ച കായിക താരങ്ങൾ ഒഡിഷയിലെ ഭുവനേശ്വറിൽ എത്തിച്ചേർന്നിരിക്കുകയാണ്. നാളെ മുതൽ കലിംഗ സ്റ്റേഡിയത്തിൽ ആരംഭിക്കുന്ന ദേശീയ ജൂനിയർ അത്ലറ്റിക് മീറ്റിൽ പങ്കെടുക്കാനാണ് ഇവരുടെ വരവ്. തണുപ്പുള്ള കാലാവസ്ഥയാണ് ഒഡിഷയിൽ നിലനിൽക്കുന്നതെങ്കിലും, കലിംഗ സ്റ്റേഡിയത്തിൽ മത്സരങ്ങൾ നടക്കുമ്പോൾ അന്തരീക്ഷം തീപാറുന്നതാകും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

98 ഇനങ്ങളിലായി രണ്ടായിരത്തിലധികം താരങ്ങളാണ് ഈ മത്സരത്തിൽ പങ്കെടുക്കുന്നത്. ട്രാക്കിലും ഫീൽഡിലും പുതിയ വേഗവും ഉയരവും ദൂരവും കണ്ടെത്താൻ ഇവർ മാറ്റുരയ്ക്കും. കേരളത്തിൽ നിന്നുള്ള താരങ്ങൾ നേരത്തെ തന്നെ മത്സരസ്ഥലത്തെത്തി പരിശീലനം ആരംഭിച്ചിരുന്നു. ഐഎസ്എൽ മത്സരം നടന്നതിനാൽ, അത്ലീറ്റുകൾ പ്രധാന സ്റ്റേഡിയത്തിനു സമീപമുള്ള സിന്തറ്റിക് ട്രാക്കിലാണ് പരിശീലനം നടത്തിയത്. സന്ധ്യയോടെ ഇരുട്ടു വീണപ്പോൾ, ഫ്ലഡ്ലൈറ്റുകളുടെ വെളിച്ചത്തിൽ പരിശീലനം തുടർന്നു.

കുട്ടികളുടെ ഓൺലൈൻ സുരക്ഷ: രക്ഷിതാക്കൾ ജാഗ്രത പാലിക്കണം

കേരളത്തിൽ നിന്ന് 108 അംഗ സംഘമാണ് മത്സരത്തിൽ പങ്കെടുക്കുന്നത്. കോഴിക്കോട് ഉഷ സ്കൂളിലെ മൂന്നു താരങ്ങളും ദേശീയ ജൂനിയർ സ്കൂൾ മീറ്റ് കഴിഞ്ഞ് ലഖ്നൗവിൽ നിന്ന് നേരിട്ടെത്തിയ താരങ്ങളും ഉൾപ്പെടെയുള്ളവർ പരിശീലനത്തിനിറങ്ങി. തിരുവനന്തപുരം സായി സെന്ററിലെ താരങ്ങളും എത്തി രജിസ്ട്രേഷൻ പൂർത്തിയാക്കി. 39-ാമത് മീറ്റ് 11 വരെ നീണ്ടുനിൽക്കും. ശനിയാഴ്ച രാവിലെ 6 മണിക്ക് അണ്ടർ 20 പുരുഷ വിഭാഗം 10,000 മീറ്റർ ഓട്ടത്തോടെയാണ് മത്സരങ്ങൾക്ക് തുടക്കമാകുന്നത്. ആദ്യ ദിനം തന്നെ 12 ഇനങ്ങളിൽ ഫൈനൽ മത്സരങ്ങൾ നടക്കും.