NASA's Artemis mission advances, VIPER rover project cancelled

ചന്ദ്രനിലേക്ക് മനുഷ്യനെ വീണ്ടും എത്തിക്കുന്ന നാസയുടെ ആർട്ടിമിസ് ദൗത്യം അരനൂറ്റാണ്ടിനു ശേഷം സജീവമായി മുന്നോട്ടു പോകുകയാണ്. എസ്എൽഎസ് എന്ന മെഗാറോക്കറ്റിലാണ് ആർട്ടിമിസ് പുറപ്പെടുന്നത്. നാസയുടെ ബഹിരാകാശ പദ്ധതിയിൽ നിർണായക വഴിത്തിരിവാകുന്ന ഈ ദൗത്യത്തിന്റെ പ്രാധാന്യം കണക്കിലെടുത്ത് വളരെ ബൃഹത്തായി മികവുറ്റ രീതിയിലാണ് എസ്എൽഎസ് റോക്കറ്റ് തയാറാക്കിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

1972 വരെ തുടർന്ന അപ്പോളോ ദൗത്യങ്ങളിലൂടെ 12 പേർ ചന്ദ്രനെ തൊട്ടെങ്കിലും പിന്നീട് മനുഷ്യർ ചന്ദ്രനിലേക്ക് പോയിട്ടില്ല. എന്നാൽ, ചന്ദ്രനിൽ ജലസാന്നിധ്യം കണ്ടെത്താനായി നാസ പദ്ധതിയിട്ടിരുന്ന വൈപ്പർ റോവർ ദൗത്യം റദ്ദാക്കിയിരിക്കുകയാണ്. ആസ്ട്രോബയോട്ടിക് ടെക്നോളജി എന്ന സ്വകാര്യകമ്പനിയുടെ ലാൻഡറുമായി ബന്ധിപ്പിച്ച് റോവർ അയയ്ക്കാനായിരുന്നു നാസയുടെ ലക്ഷ്യം.

45 കോടി യുഎസ് ഡോളർ ഇതിനകം ചെലവാക്കിയെങ്കിലും വീണ്ടും വലിയ തോതിൽ ചെലവും കാലതാമസവും വരുമെന്ന അവസ്ഥ വന്നതോടെയാണ് പദ്ധതി റദ്ദാക്കിയത്. എന്നാൽ ചാന്ദ്രപര്യവേക്ഷണത്തിൽ യാതൊരു വിട്ടുവീഴ്ചയുമില്ലെന്നും മറ്റു പദ്ധതികൾ തുടരുമെന്നും നാസ വ്യക്തമാക്കിയിട്ടുണ്ട്. അപ്പോളോ ദൗത്യങ്ങൾ അമേരിക്കയുടെ സാങ്കേതിക കരുത്തിന്റെ പ്രദർശനമായിരുന്നെങ്കിൽ, ആർട്ടിമിസ് സൗരയൂഥത്തെ പ്രായോഗികമായും ഗവേഷണപരമായും ഉപയോഗിക്കാനുള്ള ശ്രമങ്ങളുടെ തുടക്കമാണ്.

ഞെട്ടിക്കുന്ന കണ്ടെത്തൽ! സമുദ്രത്തിനടിയിൽ ഒരു ലക്ഷത്തിലധികം മലനിരകളെന്ന് നാസ

ചന്ദ്രനിൽ സ്ഥിരമായ മനുഷ്യസാന്നിധ്യം ഉറപ്പിക്കാനും, ചൊവ്വ ഉൾപ്പെടെയുള്ള മറ്റിടങ്ളിലേക്കുള്ള ദൗത്യങ്ങൾക്ക് ഇടത്താവളമാകാനും ലക്ഷ്യമിടുന്നു. ഇന്ത്യൻ ബഹിരാകാശ ദൗത്യമായ ‘ചന്ദ്രയാൻ– 2’ ലക്ഷ്യംവച്ച, ജലസാന്നിധ്യം ഉൾപ്പെടെയുള്ള അനുകൂല ഘടകങ്ങളുള്ള ചന്ദ്രന്റെ ദക്ഷിണധ്രുവത്തിലാണ് ആർട്ടിമിസ് മനുഷ്യനെ എത്തിക്കുക. ഗേറ്റ്വേ എന്ന ഒരു ചാന്ദ്രനിലയം ചന്ദ്രന്റെ ഭ്രമണപഥത്തിൽ സൃഷ്ടിക്കപ്പെടുമെന്നതാണ് പുതിയ നീക്കത്തിന്റെ ഏറ്റവും വലിയ പ്രത്യേകത.