Tovino's 'Nariveta' Wraps Filming After 65-Day Schedule

കുട്ടനാട്ടിലെ കായൽവാരങ്ങളിൽ നിന്ന് വയനാട്ടിലെ മലഞ്ചെരുവുകളിലേക്ക്, ടോവിനോ തോമസിന്റെ പുതിയ ചിത്രം ‘നരിവേട്ട’യുടെ ചിത്രീകരണം പൂർത്തിയായി. 65 ദിവസത്തെ ചിത്രീകരണത്തിന്റെ ഓർമ്മകൾ പങ്കുവെച്ചുകൊണ്ട് ടോവിനോ സോഷ്യൽ മീഡിയയിൽ കുറിപ്പ് പങ്കുവെച്ചു. കുട്ടനാട്, കാവാലം, പുളിങ്കുന്ന്, ചങ്ങനാശ്ശേരി, വയനാട് എന്നിവിടങ്ങളിലായിരുന്നു ചിത്രീകരണം. നൂറുകണക്കിന് ആർട്ടിസ്റ്റുകളും അണിയറപ്രവർത്തകരും ചേർന്നുള്ള ഈ ചിത്രം ഒരു ഫുട്ബോൾ മാച്ചിനോട് ഉപമിച്ചാണ് ടോവിനോ വിശേഷിപ്പിച്ചത്. ടീം വർക്കിന്റെ പ്രാധാന്യം ടോവിനോ ഊന്നിപ്പറഞ്ഞു. ഒരു ഫുട്ബോൾ മാച്ചിലെന്ന പോലെ, സിനിമയിലും എല്ലാവരുടെയും ഒത്തൊരുമയും സഹകരണവും അത്യാവശ്യമാണെന്ന് അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

‘കളങ്കാവൽ’ ധീരമായ പരീക്ഷണം; മമ്മൂട്ടിയെ പ്രശംസിച്ച് മന്ത്രി വി. ശിവൻകുട്ടി

‘നരിവേട്ട’യുടെ സെറ്റിൽ എല്ലാവരും സ്നേഹത്തിലും ബഹുമാനത്തിലും ജോലി ചെയ്തതാണ് ചിത്രം പൂർത്തിയാക്കാൻ സഹായിച്ചതെന്ന് ടോവിനോ കൂട്ടിച്ചേർത്തു. ഒരു രാഷ്ട്രീയ ത്രില്ലറാണ് ‘നരിവേട്ട’. ധൈര്യപൂർവ്വം ചർച്ച ചെയ്യേണ്ട ഒരു വിഷയമാണ് ചിത്രം കൈകാര്യം ചെയ്യുന്നതെന്ന് ടോവിനോ പറഞ്ഞു. തീയറ്ററിൽ നിറഞ്ഞ മനസോടെ ആസ്വദിക്കാനും ചിന്തിക്കാനും പ്രേരിപ്പിക്കുന്ന ഒരു ചിത്രമായിരിക്കുമിതെന്ന് അദ്ദേഹം പ്രതീക്ഷ പ്രകടിപ്പിച്ചു. അനുരാജ് മനോഹർ സംവിധാനം ചെയ്യുന്ന ചിത്രത്തിൽ സുരാജ് വെഞ്ഞാറമൂട്, പ്രിയംവദ കൃഷ്ണ, ആര്യ സലിം, റിനി ഉദയകുമാർ തുടങ്ങിയവരും അഭിനയിക്കുന്നു. തമിഴ് താരം ചേരൻ ആദ്യമായി മലയാള സിനിമയിൽ അരങ്ങേറ്റം കുറിക്കുന്നതും ഈ ചിത്രത്തിലൂടെയാണ്.

ഇന്ത്യൻ സിനിമാ കമ്പനിയുടെ ബാനറിൽ ഷിയാസ് ഹസ്സനും ടിപ്പു ഷാനും ചേർന്നാണ് ചിത്രം നിർമ്മിക്കുന്നത്. കേന്ദ്ര സാഹിത്യ അക്കാദമി അവാർഡ് ജേതാവ് അബിൻ ജോസഫ് ആണ് തിരക്കഥ ഒരുക്കിയിരിക്കുന്നത്. ഷമീർ മുഹമ്മദ് എഡിറ്റിംഗും ജേക്സ് ബിജോയ് സംഗീതവും നിർവഹിക്കുന്നു.