N Prashanth IAS: Jayathilak's note against file submission revealed

എന് പ്രശാന്ത് ഐഎഎസിന് ഫയല് സമര്പ്പിക്കരുതെന്ന് കീഴുദ്യോഗസ്ഥര്ക്ക് നിര്ദേശം നല്കിയത് അഡീഷണല് ചീഫ് സെക്രട്ടറി ഡോ. ജയതിലകെന്ന് തെളിയിക്കുന്ന രേഖകള് പുറത്തുവന്നിരിക്കുകയാണ്. ഈ വര്ഷം മാര്ച്ച് മാസത്തില് ഡോ. എ ജയതിലക് എഴുതിയ കുറിപ്പിന്റെ പകര്പ്പ് ട്വന്റിഫോറിന് ലഭിച്ചു. മന്ത്രി അംഗീകരിച്ച ഫയല് റൂട്ടിങ്ങിന് വിരുദ്ധമായി ഇറക്കിയ ഈ കുറിപ്പിനെതിരെ എന്.പ്രശാന്ത് ചീഫ് സെക്രട്ടറിക്ക് പരാതി നല്കിയിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ധനവകുപ്പ് അഡീഷനല് ചീഫ് സെക്രട്ടറി ഡോ.എ.ജയതിലകിനെ സമൂഹമാധ്യമത്തില് അധിക്ഷേപിച്ചതിന്റെ പേരില് കൃഷി വകുപ്പ് സ്പെഷല് സെക്രട്ടറിയായ പ്രശാന്തിനെ സസ്പെന്ഡ് ചെയ്തിരിക്കുകയാണ്. സസ്പെന്ഷന് ഉത്തരവില് പറയുന്നത് പ്രശാന്ത് ഗുരുതരമായ അച്ചടക്കലംഘനം കാട്ടിയെന്നും ഭരണസംവിധാനത്തിന്റെ പ്രതിച്ഛായ നശിപ്പിച്ചുവെന്നുമാണ്. ഐഎഎസ് ഉദ്യോഗസ്ഥര്ക്കിടയില് വിഭാഗീയതയും വിരോധവും സൃഷ്ടിക്കാന് പ്രശാന്തിന്റെ നടപടി ഇടയാക്കിയെന്നും ഉത്തരവ് കുറ്റപ്പെടുത്തുന്നു.

സസ്പെന്ഷന് ശേഷമുള്ള പ്രതികരണത്തില്, എന് പ്രശാന്ത് പറഞ്ഞത് ഭരണഘടനയുടെ പരമാധികാരത്തിലാണ് താനെപ്പോഴും വിശ്വസിക്കുന്നതെന്നും ശരിയെന്ന് തോന്നുന്നത് പറയുന്നതില് തെറ്റില്ലെന്നുമാണ്. താന് ബോധപൂര്വം ഇതുവരെ ഒരു ചട്ടവും ലംഘിച്ചതായി അറിയില്ലെന്നും അദ്ദേഹം കൂട്ടിച്ചേര്ത്തു. ഭരണഘടന അനുവദിക്കുന്ന അഭിപ്രായസ്വാതന്ത്ര്യമുണ്ടെന്നും, ഫ്രീഡം ഓഫ് സ്പീച്ച് എന്നത് എല്ലാവരെയും സുഖിപ്പിച്ച് സംസാരിക്കല് മാത്രമല്ലെന്നും അദ്ദേഹം വിശദമാക്കി. സത്യം പറയാന് അവകാശമുണ്ടെന്നും അതിന് ആരും തന്നെ കോര്ണര് ചെയ്യേണ്ട കാര്യമില്ലെന്നും അദ്ദേഹം കൂട്ടിച്ചേര്ത്തു.

മാസപ്പടി വിവാദം: പിണറായി വിജയനെതിരെ രൂക്ഷവിമർശനവുമായി കെ. സുധാകരൻ

Story Highlights: Documents reveal Additional Chief Secretary Dr. Jayathilak instructed subordinates not to submit files to IAS officer N Prashanth

എൻ. പ്രശാന്ത് ഐഎഎസ് സസ്പെൻഷൻ ചോദ്യം ചെയ്യുന്നു; ചീഫ് സെക്രട്ടറിയോട് വിശദീകരണം തേടി