മ്യാൻമാർ: മ്യാൻമാറിൽ റിക്ടർ സ്കെയിലിൽ 7.7 തീവ്രത രേഖപ്പെടുത്തിയ വൻ ഭൂചലനത്തിൽ മരണസംഖ്യ 144 ആയി ഉയർന്നു. 732 പേർക്ക് പരിക്കേറ്റതായും റിപ്പോർട്ടുണ്ട്. മ്യാൻമാറിനും ബാങ്കോക്കിനും പുറമെ ചൈന, ഇന്ത്യ തുടങ്ങിയ രാജ്യങ്ങളിലും ഭൂചലനത്തിന്റെ പ്രകമ്പനം അനുഭവപ്പെട്ടു. ദുരന്തത്തിന്റെ വ്യാപ്തി കണക്കിലെടുത്ത് മ്യാൻമാറിലും ബാങ്കോക്കിലും അടിയന്തരാവസ്ഥ പ്രഖ്യാപിച്ചിട്ടുണ്ട്.
മ്യാൻമാറിന് 16 കിലോമീറ്റർ അകലെ സഗൈയ്ങ് ആണ് ഭൂചലനത്തിന്റെ പ്രഭവകേന്ദ്രം. പ്രാദേശിക സമയം 12.50നാണ് ഭൂചലനം ഉണ്ടായത്. 12 മിനിറ്റിന്റെ ഇടവേളയിൽ തുടർചലനങ്ങളും ഉണ്ടായതായി റിപ്പോർട്ടുണ്ട്. മ്യാൻമാറിൽ നിന്ന് 900 കിലോമീറ്റർ അകലെയുള്ള ബാങ്കോക്കിലും ശക്തമായ ഭൂചലനം അനുഭവപ്പെട്ടു.
ഭൂചലനത്തിൽ കെട്ടിടങ്ങൾ തകർന്നടിഞ്ഞു. ദേശീയപാതകൾ തകർന്നു. മ്യാൻമാറിലെ രണ്ടാമത്തെ നഗരമായ മണ്ടാലയിൽ വ്യാപക നാശനഷ്ടമുണ്ടായി. പ്രസിദ്ധമായ ആവ പാലം ഇറവാഡി നദിയിലേക്ക് തകർന്നു വീണു. 70 നിർമ്മാണ തൊഴിലാളികളെ കാണാതായിട്ടുണ്ട്. നിരവധി പേർ കെട്ടിടാവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായും റിപ്പോർട്ടുകളുണ്ട്.
അടിയന്തര യോഗം വിളിച്ചുകൂട്ടി മ്യാൻമാർ പ്രധാനമന്ത്രി സ്ഥിതിഗതികൾ വിലയിരുത്തി. രാജ്യം ഇതുവരെ നേരിടാത്ത പ്രതിസന്ധിയെ ശാന്തതയോടെ നേരിടണമെന്ന് അദ്ദേഹം പറഞ്ഞു. ബാങ്കോക്കിലെ ഓഹരി വിപണികളിലെ വ്യാപാരം നിർത്തിവച്ചു. മെട്രോ റെയിൽ സർവീസുകളും റദ്ദാക്കി.
കൊൽക്കത്ത, ഇംഫാൽ, മേഘാലയയിലെ ഗാരോ കുന്നുകൾ, ബംഗ്ലാദേശ് എന്നിവിടങ്ങളിലും ഭൂചലനത്തിന്റെ പ്രകമ്പനം അനുഭവപ്പെട്ടു. ദുരിതബാധിതർക്കായി പ്രാർത്ഥിക്കുന്നുവെന്നും എല്ലാ സഹായവും വാഗ്ദാനം ചെയ്യുന്നുവെന്നും പ്രധാനമന്ത്രി നരേന്ദ്ര മോദി എക്സിൽ കുറിച്ചു. തായ്ലൻഡിലെ ഇന്ത്യൻ എംബസി ഹെൽപ്പ് ലൈൻ തുറന്നു.
ഫ്രാൻസും യൂറോപ്യൻ യൂണിയനും ദുരിതബാധിത മേഖലകളിൽ സഹായം വാഗ്ദാനം ചെയ്തിട്ടുണ്ട്. ദുരന്തത്തിൽപ്പെട്ടവർക്ക് വേണ്ടിയുള്ള രക്ഷാപ്രവർത്തനം തുടരുകയാണ്.
Story Highlights: A major earthquake of magnitude 7.7 struck Myanmar, resulting in a death toll of 144 and injuries to 732 people, with tremors felt in neighboring countries.
അസമിൽ റിക്ടർ സ്കെയിലിൽ 5.5 തീവ്രത രേഖപ്പെടുത്തിയ ഭൂചലനം ഉണ്ടായി. ഗുവാഹത്തിയിലെ ധേക്കിയജുലിയിൽ Read more
സിക്കിമിലെ യാങ്താങ് അപ്പർ റിമ്പിയിൽ കനത്ത മണ്ണിടിച്ചിലിൽ നാല് പേർ മരിച്ചു. മണ്ണിടിച്ചിലിൽ Read more
അഫ്ഗാനിസ്ഥാനിലെ ഭൂകമ്പത്തിൽ ദുരിതമനുഭവിക്കുന്നവർക്ക് സഹായവുമായി ഇന്ത്യ രംഗത്ത്. ദുരിതാശ്വാസ സാമഗ്രികളുമായി കാബൂളിലേക്ക് ഇന്ത്യ Read more
അഫ്ഗാനിസ്ഥാനിൽ റിക്ടർ സ്കെയിലിൽ 6.1 തീവ്രത രേഖപ്പെടുത്തിയ ഭൂചലനത്തിൽ 800 പേർ മരിച്ചു. Read more
അഫ്ഗാനിസ്ഥാനിലെ കുനാർ പ്രവിശ്യയിൽ റിക്ടർ സ്കെയിലിൽ 6 രേഖപ്പെടുത്തിയ ഭൂചലനത്തിൽ നൂറോളം പേർ Read more
ജമ്മു കശ്മീരിലെ കിഷ്ത്വാറിൽ മിന്നൽ പ്രളയത്തിൽ കാണാതായവർക്കായുള്ള തിരച്ചിൽ തുടരുന്നു. 200-ൽ അധികം Read more
അബൂദബിയിലെ അൽ സിലയിൽ റിക്ടർ സ്കെയിലിൽ 3.5 തീവ്രത രേഖപ്പെടുത്തിയ ഭൂചലനം ഉണ്ടായി. Read more
2020 ഓഗസ്റ്റ് 6-ന് ഇടുക്കി പെട്ടിമുടിയിലുണ്ടായ ഉരുൾപൊട്ടൽ ദുരന്തത്തിൽ 70 പേർക്ക് ജീവൻ Read more
യു.എ.ഇയിൽ നേരിയ ഭൂചലനം അനുഭവപ്പെട്ടു. ഷാർജയിലെ ഖോർഫക്കാനിൽ റിക്ടർ സ്കെയിലിൽ 2.0 തീവ്രത Read more
ഉത്തരാഖണ്ഡിലെ ഉത്തരകാശിയിലുണ്ടായ ഇരട്ട മേഘവിസ്ഫോടനത്തിൽ കാണാതായവരിൽ സൈനികരും ഉൾപ്പെട്ടിട്ടുണ്ടെന്ന് റിപ്പോർട്ടുകൾ. ഖിർ ഗംഗ Read more
