MV Govindan clarifies CPIM stance on trolley bag controversy

പാലക്കാട് ഉപതെരഞ്ഞെടുപ്പിൽ ട്രോളി ബാഗ് വിവാദം ചർച്ചയാകുന്നതിനിടെ സിപിഐഎം സംസ്ഥാന സെക്രട്ടറി എം.വി ഗോവിന്ദൻ പാർട്ടിയുടെ നിലപാട് വ്യക്തമാക്കി. ട്രോളി ബാഗ് വിഷയം ഉപേക്ഷിക്കേണ്ട കാര്യമല്ലെന്നും ശരിയായി അന്വേഷിക്കേണ്ട വിഷയമാണെന്നും അദ്ദേഹം പറഞ്ഞു. നീല ബാഗും ചുവന്ന ബാഗും എല്ലാം കുഴൽ പണ വിഷയവുമായി ബന്ധപ്പെട്ടതാണെന്നും അത് ചർച്ച ചെയ്യേണ്ടതാണെന്നും ഗോവിന്ദൻ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പെട്ടി വിഷയം അടഞ്ഞ അധ്യായമല്ലെന്നും അത് മണ്ഡലത്തിലെ പ്രധാന വിഷയമാണെന്നും എം.വി ഗോവിന്ദൻ പറഞ്ഞു. ജനകീയ വിഷയങ്ങൾ ഉൾപ്പെടെ ചർച്ച ചെയ്യണമെന്ന് അദ്ദേഹം ആവശ്യപ്പെട്ടു. പാർട്ടിയിൽ അഭിപ്രായ ഭിന്നതയില്ലെന്നും ഒറ്റ അഭിപ്രായമേ ഉള്ളൂവെന്നും താൻ പറഞ്ഞതാണ് പാർട്ടി അഭിപ്രായമെന്നും ഗോവിന്ദൻ വ്യക്തമാക്കി.

പാലക്കാട് ഉപതെരഞ്ഞെടുപ്പ് ഇഞ്ചോടിഞ്ച് മത്സരമാണെന്നും അത് ഇടത് മുന്നണിക്ക് ആവേശകരമാണെന്നും എം.വി ഗോവിന്ദൻ പറഞ്ഞു. ഇ.ശ്രീധരൻ പിടിച്ച വോട്ട് ബിജെപിക്കും ഷാഫി പറമ്പിൽ പിടിച്ച വോട്ട് രാഹുലിനും കിട്ടാൻ പോകുന്നില്ലെന്ന് അദ്ദേഹം അഭിപ്രായപ്പെട്ടു. നേരത്തെ പാർട്ടി സംസ്ഥാന കമ്മിറ്റി അംഗം എൻഎൻ കൃഷ്ണദാസ് നീല പെട്ടിയും മഞ്ഞ പെട്ടിയും അല്ല, ജനകീയ വിഷയങ്ങളാണ് പ്രധാനമെന്ന് പറഞ്ഞിരുന്നു. എന്നാൽ ജില്ലാ സെക്രട്ടറി ഇ എൻ സുരേഷ് ബാബു കൃഷ്ണദാസിനെ തിരുത്തി യുഡിഎഫിനെ പ്രതിരോധത്തിലാക്കുന്ന കള്ളപ്പണ ആരോപണവും ചർച്ച ചെയ്യണമെന്ന നിലപാടാണ് പാർട്ടിക്കുള്ളതെന്ന് വ്യക്തമാക്കിയിരുന്നു.