കൊച്ചി: ഇ ഡി ബിജെപിയുടെ താൽപര്യങ്ങൾക്ക് വേണ്ടി പ്രവർത്തിക്കുന്ന ഏജൻസിയാണെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദൻ ആരോപിച്ചു. കൊടകര കുഴൽപ്പണക്കേസിലെ കുറ്റപത്രം രാഷ്ട്രീയ പ്രേരിതമാണെന്നും അദ്ദേഹം കൂട്ടിച്ചേർത്തു. ബിജെപി മുൻ ഓഫീസ് സെക്രട്ടറി തന്നെ സംഭവത്തിൽ പരസ്യ പ്രതികരണം നടത്തിയിട്ടും തിരൂർ സതീഷിൻെറ മൊഴി എടുക്കാൻ പോലും ഇ ഡി തയ്യാറായില്ല എന്നത് വിചിത്രമാണെന്നും അദ്ദേഹം ചൂണ്ടിക്കാട്ടി. കുഴൽപ്പണക്കേസിൽ കോൺഗ്രസും ബിജെപിയും എല്ലാം ഇ ഡിയുടെ സംരക്ഷണയിലാണെന്നും അവർക്ക് എതിരാളി സിപിഐഎം മാത്രമാണെന്നും അദ്ദേഹം പറഞ്ഞു.
ഇ ഡിയുടെ കുറ്റപത്രം കൊടകര കുഴൽപ്പണ കേസ് ശാസ്ത്രീയമായി എങ്ങനെ ഇല്ലാതാക്കാം എന്നതിന്റെ തെളിവാണെന്ന് എം വി ഗോവിന്ദൻ വിമർശിച്ചു. കോടതികളിൽ നിന്ന് സ്ഥിരമായി വിമർശനം കേട്ടിട്ടും ഇ ഡിക്ക് ഒരു മാറ്റവുമില്ലെന്നും അദ്ദേഹം കൂട്ടിച്ചേർത്തു. സംസ്ഥാന സർക്കാർ വസ്തുതകളെല്ലാം വെളിച്ചത്ത് കൊണ്ടുവന്നിട്ടും ഇ ഡി അതെല്ലാം അട്ടിമറിച്ചുവെന്നും അദ്ദേഹം ആരോപിച്ചു. കളളപ്പണ കേസിന്റെ രൂപം തന്നെ മാറിപ്പോയെന്നും ആലപ്പുഴയിലെ ട്രാവൻകൂർ പാലസ് ഭൂമി വാങ്ങാൻ പണം കൊണ്ടുവന്നതാണ് എന്ന പുതിയ ഭാഷ്യം ബിജെപിക്ക് ക്ലീൻ ചിറ്റ് നൽകാനാണെന്നും എം വി ഗോവിന്ദൻ പറഞ്ഞു.
കരുവന്നൂർ ബാങ്ക് കേസിൽ സിപിഐഎമ്മിനെ കുരുക്കാൻ ഇ ഡി ശ്രമിച്ചുവെന്നും അദ്ദേഹം ആരോപിച്ചു. തികച്ചും തെറ്റായ കാര്യങ്ങൾ മുന്നോട്ടുവെച്ച് സിപിഐഎമ്മിനെതിരെ നീങ്ങാൻ ഒരു മനസാക്ഷിക്കുത്തും ഇ ഡിക്ക് ഉണ്ടായില്ലെന്നും അദ്ദേഹം കൂട്ടിച്ചേർത്തു. ഇ ഡി ബിജെപിയുടെ താൽപര്യത്തിന് വേണ്ടി കുറ്റപത്രം തിരുത്തിയെഴുതിയെന്നും എം വി ഗോവിന്ദൻ ആരോപിച്ചു. കുഴൽപ്പണക്കേസിൽ ബിജെപിയെ രക്ഷിക്കുകയാണ് ഇ ഡി ചെയ്തതെന്നും അദ്ദേഹം വ്യക്തമാക്കി.
എന്തു കേട്ടാലും ഒരു ഉളുപ്പുമില്ലാത്ത ഏജൻസിയാണ് ഇ ഡിയെന്നും അദ്ദേഹം വിമർശിച്ചു. ഇ ഡിയുടെ വിശ്വാസ്യത ജനങ്ങൾ തുറന്നുകാട്ടുമെന്നും അദ്ദേഹം പറഞ്ഞു. ഇ ഡിക്കെതിരെ ശക്തമായ ജനവികാരം ഉയർത്തിക്കൊണ്ടുവരുമെന്നും താഴെത്തട്ടിൽ ശക്തമായ പ്രചാരണ പരിപാടി നടത്തുമെന്നും അദ്ദേഹം വ്യക്തമാക്കി. 29 ന് കൊച്ചി ഇ ഡി ആസ്ഥാനത്തേക്ക് പ്രതിഷേധ മാർച്ച് നടത്താനാണ് തീരുമാനമെന്നും അദ്ദേഹം അറിയിച്ചു.
ഭരണവർഗത്തിന് വേണ്ടി പച്ചയായ ദാസ്യവൃത്തിയാണ് ഇ ഡി നടത്തുന്നതെന്നും എം വി ഗോവിന്ദൻ പറഞ്ഞു.
Story Highlights: CPI(M) state secretary MV Govindan criticizes the Enforcement Directorate, alleging it acts in BJP’s interest and rewrote the Kodakara hawala case chargesheet.
കിഫ്ബി മസാല ബോണ്ട് കേസിൽ മുഖ്യമന്ത്രിക്ക് ഇഡി നോട്ടീസ് അയച്ചതിനെതിരെ എം.വി. ഗോവിന്ദൻ Read more
സ്വർണക്കൊള്ളയിൽ ആരെയും സംരക്ഷിക്കില്ലെന്ന് സി.പി.ഐ.എം സംസ്ഥാന സെക്രട്ടറി എം.വി. ഗോവിന്ദൻ വ്യക്തമാക്കി. കുറ്റക്കാർക്കെതിരെ Read more
ജി. സുധാകരനെ എം.വി. ഗോവിന്ദൻ ആശുപത്രിയിലെത്തി സന്ദർശിച്ചു. അര മണിക്കൂറോളം ഇരുവരും സംസാരിച്ചു. Read more
കെഎഫ്സിയുമായി ബന്ധപ്പെട്ട വിഷയത്തിലാണ് ഇ.ഡി പരിശോധന നടത്തിയതെന്ന് പി.വി. അൻവർ പറഞ്ഞു. എംഎൽഎ Read more
ആന്തൂർ നഗരസഭയിലെ രണ്ട് വാർഡുകളിൽ എൽഡിഎഫ് സ്ഥാനാർത്ഥികൾ എതിരില്ലാതെ തിരഞ്ഞെടുക്കപ്പെട്ടു. എം.വി. ഗോവിന്ദന്റെ Read more
തദ്ദേശ തിരഞ്ഞെടുപ്പിൽ എൽഡിഎഫിന് അനുകൂല സാഹചര്യമാണുള്ളതെന്ന് എം.വി. ഗോവിന്ദൻ അഭിപ്രായപ്പെട്ടു. യുഡിഎഫിന്റെ ജമാഅത്തെ Read more
ശബരിമല സ്വർണ്ണക്കൊള്ളയിൽ എഫ്ഐആർ ആവശ്യപ്പെട്ട് എൻഫോഴ്സ്മെന്റ് ഡയറക്ടറേറ്റ് നൽകിയ ഹർജി ഹൈക്കോടതി ഇന്ന് Read more
ശബരിമല സ്വർണ്ണക്കൊള്ള കേസിൽ എൻഫോഴ്സ്മെൻ്റ് ഡയറക്ടറേറ്റ് അന്വേഷണം ആരംഭിക്കുന്നു. ഇതിന്റെ ഭാഗമായി പ്രത്യേക Read more
തദ്ദേശ തിരഞ്ഞെടുപ്പിൽ ഇടതുപക്ഷം റെക്കോർഡ് വിജയം നേടുമെന്ന് സി.പി.ഐ.എം സംസ്ഥാന സെക്രട്ടറി എം.വി. Read more
മുൻ ക്രിക്കറ്റ് താരങ്ങളായ സുരേഷ് റെയ്നയുടെയും ശിഖർ ധവാന്റെയും 11.14 കോടി രൂപയുടെ Read more
