പ്രശസ്ത സംഗീത സംവിധായകൻ മോഹൻ സിതാര ബിജെപിയിൽ അംഗത്വമെടുത്തു. ജില്ലാ പ്രസിഡന്റ് അഡ്വ. കെ.കെ അനീഷ്കുമാർ മോഹൻ സിതാരയ്ക്ക് മെമ്പർഷിപ്പ് നൽകി പാർട്ടിയിലേക്ക് സ്വീകരിച്ചു. ബിജെപിയുടെ ജില്ലാതല അംഗത്വ പ്രചാരണത്തിന്റെ തുടക്കമായാണ് മോഹൻ സിതാരയ്ക്ക് അംഗത്വം നൽകിയത്.
ചടങ്ങിൽ മണ്ഡലം പ്രസിഡന്റ് രഘുനാഥ് സി മേനോൻ, സംസ്ഥാന കമ്മിറ്റി അംഗം മുരളി കൊളങ്ങാട്ട്, മണ്ഡലം ജനറൽ സെക്രട്ടറി സുശാന്ത് അയിനിക്കുന്നത്ത് എന്നിവരും പങ്കെടുത്തു. മലയാളികളുടെ മനം കവർന്ന നിരവധി ഹിറ്റ് ഗാനങ്ങളുടെ സൃഷ്ടാവാണ് മോഹൻ സിതാര.
തൃശൂരിൽ മാത്രം ഏഴ് ലക്ഷത്തിലേറെ പേരെ പാർട്ടിയിലേക്ക് സ്വാഗതം ചെയ്യുമെന്നാണ് ജില്ലാ നേതൃത്വം അറിയിച്ചിരിക്കുന്നത്. ഒക്ടോബർ 15 വരെയാണ് അംഗത്വ പ്രചാരണം നടക്കുന്നത്. ഈ പ്രചാരണത്തിലൂടെ പാർട്ടിയുടെ അംഗബലം വർധിപ്പിക്കാനാണ് ബിജെപി ലക്ഷ്യമിടുന്നത്.
Story Highlights: Popular music director Mohan Sithara joins BJP in Kerala
