ന്യൂഡൽഹി: ഇന്ത്യാ ടുഡേ ടൂറിസം സർവേ 2025 അവാർഡിൽ മൂന്നാർ മുതൽ തേക്കടി വരെയുള്ള റോഡിന് ഏറ്റവും മനോഹരമായ റോഡ് (മോസ്റ്റ് സീനിക് റോഡ്) എന്ന വിഭാഗത്തിൽ ഇന്ത്യാ ടുഡേ എഡിറ്റേഴ്സ് ചോയ്സ് അവാർഡ് കേരളത്തിന് ലഭിച്ചു. ടൂറിസം രംഗത്ത് മികച്ച പ്രകടനം കാഴ്ചവെച്ച സംസ്ഥാനത്തിനുള്ള പുരസ്കാരം 2022-ലും പങ്കാളിത്ത സൗഹൃദ കാരവാൻ ടൂറിസം പദ്ധതിയായ ‘കാരവാൻ കേരള’യ്ക്ക് 2023 ലും ഇന്ത്യാ ടുഡേ പുരസ്കാരം കേരളത്തിന് ലഭിച്ചിരുന്നു.
കേരള ടൂറിസത്തിന്റെ മികവിനുള്ള അംഗീകാരമാണ് ഈ പുരസ്കാരമെന്ന് ടൂറിസം ഡയറക്ടർ ശിഖ സുരേന്ദ്രൻ അഭിപ്രായപ്പെട്ടു. സഞ്ചാരികളുടെ മാറിവരുന്ന അഭിരുചികൾക്കനുസരിച്ച് നൂതനവും വ്യത്യസ്തവുമായ ടൂറിസം ഉത്പന്നങ്ങളും പദ്ധതികളും ആവിഷ്കരിക്കുകയാണ് കേരളത്തിന്റെ ലക്ഷ്യമെന്നും അവർ ചൂണ്ടിക്കാട്ടി.
ന്യൂഡൽഹിയിൽ നടന്ന ഇന്ത്യാ ടുഡേ വാർഷിക ടൂറിസം സമ്മേളനത്തിൽ കേന്ദ്ര ടൂറിസം സാംസ്കാരിക മന്ത്രി ഗജേന്ദ്ര സിംഗ് ഷെഖാവത്തിൽ നിന്ന് കേരള ടൂറിസം ഡയറക്ടർ ശിഖ സുരേന്ദ്രൻ അവാർഡ് ഏറ്റുവാങ്ങി. ടൂറിസം മേഖലയിൽ മികച്ച പ്രകടനം കാഴ്ചവയ്ക്കുന്ന സംസ്ഥാനങ്ങൾക്ക് ഇന്ത്യാ ടുഡേ നൽകുന്ന വാർഷിക പുരസ്കാരമാണിത്.
പ്രകൃതിയോടിണങ്ങിയുള്ള കേരളത്തിന്റെ തനത് വിനോദസഞ്ചാര അനുഭവങ്ങൾക്ക് ലഭിക്കുന്ന സ്വീകാര്യതയ്ക്കൊപ്പം, ടൂറിസം മേഖലയിൽ കേരളം നടപ്പാക്കുന്ന നൂതന പദ്ധതികൾക്കും ആകർഷണങ്ങൾക്കുമുള്ള അംഗീകാരം കൂടിയാണ് ഈ പുരസ്കാരമെന്ന് ടൂറിസം പൊതുമരാമത്ത് മന്ത്രി പി.എ മുഹമ്മദ് റിയാസ് പറഞ്ഞു. ഈ പുരസ്കാര നേട്ടം കൂടുതൽ ആഭ്യന്തര, വിദേശ വിനോദസഞ്ചാരികളെ കേരളത്തിലേക്ക് ആകർഷിക്കുമെന്നും അദ്ദേഹം കൂട്ടിച്ചേർത്തു.
രാജ്യത്തെ പ്രധാന ടൂറിസം കേന്ദ്രമെന്ന നിലയിൽ കേരളത്തിന്റെ സ്ഥാനം ഈ പുരസ്കാരം വീണ്ടും ഉറപ്പിക്കുന്നു. പശ്ചാത്തല മേഖലയിലെ വികസനം കേരളത്തിലെ ടൂറിസത്തിന് കൂടുതൽ മുതൽക്കൂട്ടാകുമെന്നും മന്ത്രി പറഞ്ഞു.
ഇന്ത്യാ ടുഡേ മാഗസിന്റെ ഇന്ത്യാ ടുഡേ ടൂറിസം സർവേ 2025 അവാർഡാണ് കേരള ടൂറിസത്തിന് ലഭിച്ചത്. മൂന്നാർ മുതൽ തേക്കടി വരെയുള്ള റോഡാണ് കേരളത്തെ പുരസ്കാരത്തിന് അർഹമാക്കിയത്.
Story Highlights: Munnar-Thekkady road wins India Today’s Most Scenic Road Award.
സെലിബ്രിറ്റികൾ കമന്റ് ചെയ്താൽ ടാസ്ക് ചെയ്യാമെന്ന് പറയുന്ന ട്രെൻഡിൽ ഒരു പുതുമയുമായി ഒരു Read more
കേരള ടൂറിസം വകുപ്പിന് കീഴിൽ കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ Read more
കേരള ടൂറിസം വെബ്സൈറ്റ് ഇന്ത്യയിലെ ഏറ്റവും കൂടുതല് ആളുകള് സന്ദര്ശിക്കുന്ന ട്രാവല് വെബ്സൈറ്റായി Read more
നെഹ്റു ട്രോഫി വള്ളംകളിക്ക് സ്ഥിരം തീയതി വേണമെന്ന് ആവശ്യപ്പെട്ട് സംഘാടകർ ടൂറിസം വകുപ്പിന് Read more
ഏപ്രിൽ 27 ന് വള്ളിയൂർക്കാവ് ഗ്രൗണ്ടിൽ വയനാട് വൈബ്സ് എന്ന സംഗീതോത്സവം നടക്കും. Read more
കേരളത്തിന്റെ ടൂറിസം പദ്ധതികൾക്ക് കേന്ദ്രസർക്കാർ 169 കോടി രൂപ അനുവദിച്ചു. മലമ്പുഴ ഗാർഡൻ Read more
മൂന്നാർ മുതൽ തേക്കടി വരെയുള്ള റോഡിന് ഇന്ത്യാ ടുഡേ ടൂറിസം സർവേ 2025 Read more
തിരുവനന്തപുരം ജില്ലയിലെ തൊളിക്കോട് പഞ്ചായത്തിലെ ചിറ്റീപ്പാറ ടൂറിസം ഭൂപടത്തിൽ ഇടം നേടാൻ ഒരുങ്ങുന്നു. Read more
ഐടിബി ബെർലിനിൽ നടന്ന ഗോൾഡൻ സിറ്റി ഗേറ്റ് അവാർഡ് 2025ൽ കേരള ടൂറിസത്തിന് Read more
കേരളത്തിലെ 79 മലയോര വിനോദസഞ്ചാര കേന്ദ്രങ്ങളെ പ്ലാസ്റ്റിക് മുക്തമാക്കാൻ സർക്കാർ തീരുമാനിച്ചു. 11 Read more
