Kerala Cabinet Meeting on Mundakkai-Chooralmala Disaster Rehabilitation

മുണ്ടക്കൈ-ചൂരൽമല ദുരന്തബാധിതരുടെ പുനരധിവാസം സംബന്ധിച്ച് ഇന്ന് പ്രത്യേക മന്ത്രിസഭാ യോഗം ചേരുന്നു. ഉച്ചയ്ക്ക് 3.30ന് ഓൺലൈനായി നടക്കുന്ന യോഗത്തിൽ, പുനരധിവാസവുമായി ബന്ധപ്പെട്ട് ഉയർന്നുവന്ന വിമർശനങ്ගൾക്ക് പരിഹാരം കാണാനാണ് ശ്രമം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്ഥലമേറ്റെടുക്കൽ, വീടുകളുടെ നിർമ്മാണം എന്നിവയിൽ അന്തിമ തീരുമാനമെടുക്കുമെന്നാണ് പ്രതീക്ഷ. പുനരധിവാസം രണ്ട് ഘട്ടങ്ങളിലായി നടപ്പിലാക്കുന്നതും യോഗം പരിഗണിക്കും. ഉറ്റവരെയും വീടും സ്ഥലവും നഷ്ടപ്പെട്ടവർക്ക് ആദ്യഘട്ടത്തിൽ മുൻഗണന നൽകും. അപകടമേഖലയിൽ ഉൾപ്പെട്ടവരുടെ പുനരധിവാസം രണ്ടാം ഘട്ടത്തിലായിരിക്കും നടപ്പിലാക്കുക.

സർക്കാർ പുറത്തുവിട്ട കരട് പട്ടികയിൽ 388 കുടുംബങ്ങളെ ഉൾപ്പെടുത്തിയിരുന്നു. എന്നാൽ, ഈ പട്ടികയെ ചൊല്ലി ദുരന്തബാധിതർ പ്രതിഷേധിച്ചിരുന്നു. അനർഹർ പട്ടികയിൽ കടന്നുകൂടിയെന്നും, യഥാർത്ഥ ദുരന്തബാധിതർ ചിലർ ഒഴിവാക്കപ്പെട്ടെന്നുമാണ് ആക്ഷേപം. പഞ്ചായത്തിലെ കെട്ടിട നമ്പർ പ്രകാരം 520 വീടുകളെയാണ് ദുരന്തം ബാധിച്ചതെങ്കിലും, കരട് പട്ടികയിൽ 388 കുടുംബങ്ങൾ മാത്രമാണ് ഉൾപ്പെട്ടത്. കൂടാതെ, പ്രസിദ്ധീകരിച്ച ലിസ്റ്റിൽ പല പേരുകളും ആവർത്തിച്ചു വന്നതായും ആക്ഷേപമുണ്ട്. ഈ വിഷയങ്ങളെല്ലാം മന്ത്രിസഭാ യോഗത്തിൽ ചർച്ചയാകുമെന്നാണ് പ്രതീക്ഷ.

ക്യാപറ്റനാകാനില്ലെന്ന് ബുംറ; ജോലി ഭാരമില്ലാതെ കളിക്കാനാണ് തനിക്കിഷ്ടമെന്ന് ബിസിസിഐയെ അറിയച്ചതായി വിവരം

Story Highlights: Kerala cabinet to discuss rehabilitation of Mundakkai-Chooralmala disaster victims in special meeting

എൽസ്റ്റൺ എസ്റ്റേറ്റ് ഹർജിയിൽ സുപ്രീം കോടതി ഇടപെടുന്നില്ല