Munambam Land Issue: Archbishop Warns Against Dividing Communities

മുനമ്പം ഭൂമി പ്രശ്നത്തിൽ മുസ്ലിം സമുദായത്തിന്റെ പേര് പറഞ്ഞ് പാവപ്പെട്ട കർഷകരെയും ന്യൂനപക്ഷങ്ങളെയും തമ്മിലടിപ്പിക്കാൻ ബോധപൂർവ്വമായ ശ്രമം നടക്കുന്നുവെന്ന് തലശ്ശേരി ആർച്ച് ബിഷപ്പ് മാർ ജോസഫ് പാംപ്ലാനി ആരോപിച്ചു. സമുദായത്തിന്റെ സ്വത്ത് സംരക്ഷിക്കാൻ വഖഫിനെ ആശ്രയിക്കുന്നതിൽ എതിർപ്പില്ലെന്നും, എന്നാൽ മുനമ്പത്ത് സാധാരണക്കാരന്റെ ഭൂമി പിടിച്ചെടുക്കാമെന്ന് വ്യാമോഹിക്കരുതെന്നും അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുസ്ലിം സമുദായത്തിന്റെ ന്യായമായ ആവശ്യങ്ങൾ നേടിയെടുക്കാനുള്ള എല്ലാ പരിശ്രമങ്ങൾക്കും കത്തോലിക്ക കോൺഗ്രസ് നൂറ് ശതമാനം പിന്തുണ നൽകുന്നുവെന്ന് മാർ ജോസഫ് പാംപ്ലാനി വ്യക്തമാക്കി. എന്നാൽ, മുനമ്പത്ത് മാത്രമല്ല, നാട്ടിലെ ഒരു കർഷകന്റെയും സാധാരണക്കാരന്റെയും ഭൂമി ഒന്നിന്റെയും പേരിൽ പിടിച്ചെടുക്കാമെന്ന് ആരും വ്യാമോഹിക്കരുതെന്നും അദ്ദേഹം കൂട്ടിച്ചേർത്തു.

അതേസമയം, മുനമ്പം ഭൂമി പ്രശ്നത്തിൽ നിയമപരമായ നിലപാട് മാത്രമേ സർക്കാർ സ്വീകരിക്കൂ എന്ന് മുഖ്യമന്ത്രി പിണറായി വിജയൻ വ്യക്തമാക്കി. നികുതി അടയ്ക്കുന്നതിലെ സ്റ്റേ നീക്കാൻ സർക്കാർ ഹൈക്കോടതിയെ സമീപിക്കുമെന്നും, കാലങ്ങളായി മുനമ്പത്ത് താമസിക്കുന്ന കുടുംബങ്ങളുടെ സംരക്ഷണം ഉറപ്പുവരുത്തുമെന്നും അദ്ദേഹം പറഞ്ഞു. വിഷയം സംസ്ഥാന സർക്കാർ പ്രത്യേക വിഷയമായി പരിഗണിക്കുന്നുവെന്നും, നിയമപരമായ വശങ്ങൾ പരിശോധിക്കാൻ കമ്മീഷനെ നിയമിച്ചിട്ടുണ്ടെന്നും മൂന്ന് മാസത്തിനകം റിപ്പോർട്ട് ലഭിക്കുമെന്നും മുഖ്യമന്ത്രി വിശദമാക്കി.

സുരേഷ് ഗോപിക്കെതിരെ പരാതിയുമായി ടി എൻ പ്രതാപൻ; അന്വേഷണം ആരംഭിച്ചു

Story Highlights: Thalassery Arch Bishop Joseph Pamplany accuses deliberate attempt to divide farmers and minorities over Munambam land issue

പാംപ്ലാനിക്കെതിരായ വിമർശനം; സി.പി.ഐ.എമ്മിന് താക്കീതുമായി സിറോ മലബാർ സഭ