High Court Questions Munambam Commission Appointment

മുനമ്പം ഭൂമി തർക്കവുമായി ബന്ധപ്പെട്ട് ജുഡീഷ്യൽ കമ്മിഷൻ നിയമിച്ച സംസ്ഥാന സർക്കാരിന്റെ നടപടി ചോദ്യം ചെയ്ത് ഹൈക്കോടതി രംഗത്തെത്തി. കമ്മിഷൻ ഓഫ് എൻക്വയറീസ് ആക്ട് പ്രകാരമാണ് ജുഡീഷ്യൽ കമ്മീഷനെ നിയമിച്ചതെന്നാണ് സർക്കാരിന്റെ വിശദീകരണം. എന്നാൽ, ഇത്തരമൊരു നിയമനത്തിന് സർക്കാരിന് എന്ത് അധികാരമുണ്ടെന്ന് കോടതി ചോദിച്ചു. കേവലം കണ്ണിൽ പൊടിയിടാനുള്ള നീക്കമാണിതെന്നും കോടതി വിമർശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ വിഷയത്തിൽ സർക്കാർ വിശദീകരണം നൽകണമെന്ന് ഹൈക്കോടതി നിർദേശിച്ചു. ഭൂമി സംബന്ധിച്ച വിഷയം സംസ്ഥാന സർക്കാരിന്റെ അധികാര പരിധിയിൽ വരുമെന്നാണ് സർക്കാരിന്റെ വാദം. മുനമ്പം ഭൂമി തർക്കത്തിൽ ജുഡീഷ്യൽ കമ്മീഷനെ നിയമിച്ചതിനെതിരെ വക്കം സംരക്ഷണ വേദിയാണ് ഹൈക്കോടതിയെ സമീപിച്ചത്. ജസ്റ്റിസ് സി.

എൻ. രാമചന്ദ്രൻ നായരാണ് ജുഡീഷ്യൽ കമ്മിഷൻ അധ്യക്ഷൻ. മൂന്ന് പ്രധാന വിഷയങ്ങളാണ് കമ്മിഷൻ പരിശോധിക്കുന്നത്: ഭൂമിയുടെ നിലവിലെ സ്വഭാവം, സ്ഥിതി, വ്യാപ്തി എന്നിവ. ഭൂമിയുടെ ഉടമസ്ഥതയെക്കുറിച്ച് ശാശ്വത പരിഹാരം കണ്ടെത്തുന്നതിനും സർക്കാർ സ്വീകരിക്കേണ്ട നടപടികൾ ശുപാർശ ചെയ്യുന്നതിനുമാണ് കമ്മിഷൻ.

വ്യാജ രേഖകളുമായി രാസ കുങ്കുമം വിറ്റ കേസിൽ ഹൈക്കോടതിയുടെ ഇടപെടൽ

വഖഫ് വിഷയങ്ങൾ കൈകാര്യം ചെയ്യാൻ ജസ്റ്റിസ് സി. എൻ. രാമചന്ദ്രൻ കമ്മിഷന് അധികാരമില്ലെന്നും കമ്മിഷന്റെ പ്രവർത്തനം നിർത്തിവയ്ക്കണമെന്നും ഹർജിയിൽ ആവശ്യപ്പെട്ടിരുന്നു. മനസ്സിരുത്തിയല്ല ഈ നിയമനമെന്നും ഹൈക്കോടതി വിമർശിച്ചു.

ബുധനാഴ്ചയ്ക്കകം സർക്കാർ മറുപടി നൽകണമെന്നും കോടതി നിർദേശം നൽകി.

Story Highlights: Kerala High Court questions the state government’s authority in appointing a judicial commission for the Munambam land dispute.

രാഹുൽ മാങ്കൂട്ടത്തിലിന്റെ അറസ്റ്റ് ഹൈക്കോടതി തടഞ്ഞു; ഒളിവിൽ തുടരാൻ സാധ്യത