Barge Accident at Mudalapozhi: Two Injured, Rescue Operation Underway

തിരുവനന്തപുരം മുതലപ്പൊഴിയിൽ ഇന്ന് രാവിലെ പത്തരയോടെ ഒരു കൂറ്റൻ ബാർജ് പുലിമുട്ടിലേക്ക് ഇടിച്ചുകയറി അഴിമുഖത്ത് കുടുങ്ങിക്കിടക്കുന്ന സംഭവം ഉണ്ടായി. വിഴിഞ്ഞത്തേക്ക് പുറപ്പെട്ട ബാർജ് അഴിമുഖത്തുണ്ടായ ശക്തമായ തിരയിൽപ്പെട്ട് നിയന്ത്രണം നഷ്ടപ്പെട്ടാണ് അപകടത്തിൽപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബാർജിലുണ്ടായിരുന്ന അഞ്ച് ജീവനക്കാരെ വടംക്കെട്ടി രക്ഷപ്പെടുത്തി. അപകടത്തിൽ സാബിർ ഷൈക്ക്, സാദഅലിഗഞ്ചി എന്നീ രണ്ട് ജീവനക്കാർക്ക് പരിക്കേറ്റു.

ഇവരെ ചിറയിൻകീഴ് താലൂക്ക് ആശുപത്രിയിൽ പ്രവേശിപ്പിച്ചു. അദാനി ഗ്രൂപ്പാണ് ഈ ബാർജ് മുതലപ്പൊഴിയിൽ എത്തിച്ചത്.

അഴിമുഖത്ത് നിന്നും നീക്കുന്ന മണൽ പുറംകടലിൽ നിക്ഷേപിക്കുന്നതിനായാണ് മാസങ്ങൾക്ക് മുമ്പ് ബാർജ് ഇവിടെ എത്തിച്ചത്. കാലാവസ്ഥ പ്രതികൂലമായതിനാൽ മണൽ നീക്കം നിലച്ചതോടെയാണ് ബാർജ് വിഴിഞ്ഞത്തേക്ക് പുറപ്പെട്ടത്.

അപകടത്തിൽപ്പെട്ട ബാർജിനെ വേലിയേറ്റ സമയത്ത് കടലിലേക്ക് നീക്കാൻ സാധിക്കുമെന്നാണ് അധികൃതരുടെ പ്രതീക്ഷ. ഈ സംഭവം തീരദേശ മേഖലയിലെ സുരക്ഷാ പ്രശ്നങ്ങൾ വീണ്ടും ചർച്ചയാക്കിയിരിക്കുകയാണ്.

അഭിനയത്തിന് പുറമെ നൃത്തത്തിലും താരം; വൈറലായി ഷൈൻ ടോം ചാക്കോയുടെ ഡാൻസ് വീഡിയോ

Story Highlights: Huge barge crashes into pulimoot at Mudalapozhi, Thiruvananthapuram, injuring two crew members

തിരുവനന്തപുരത്ത് നാളെ ജലവിതരണം മുടങ്ങും