MPox Suspected in Malappuram: 38-Year-Old Man Under Treatment

മലപ്പുറം ജില്ലയിൽ എം പോക്സ് രോഗ ലക്ഷണങ്ങളോടെ ഒരാൾ ചികിത്സയിലാണ്. എടവണ്ണ സ്വദേശിയായ 38 വയസ്സുകാരനാണ് മഞ്ചേരി മെഡിക്കൽ കോളജിൽ ചികിത്സ തേടിയിരിക്കുന്നത്. ഒരാഴ്ച മുമ്പ് യുഎഇയിൽ നിന്ന് കേരളത്തിലെത്തിയ ഇദ്ദേഹം ഇന്നലെയാണ് കടുത്ത പനിയെ തുടർന്ന് ആശുപത്രിയിലെത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രോഗിയുടെ സാമ്പിൾ പരിശോധനയ്ക്കായി കോഴിക്കോട് വൈറോളജി ലാബിലേക്ക് അയച്ചിട്ടുണ്ട്. ചിക്കൻപോക്സിന് സമാനമായ ലക്ഷണങ്ങൾ കാണിച്ചതിനെ തുടർന്നാണ് എം പോക്സ് സംശയം ഉണ്ടായത്. കടുത്ത പനി, പേശീവേദന, ലിംഫ് നോഡുകളിലെ വീക്കം, തലവേദന, ത്വക്കിൽ പഴുപ്പും ചൊറിച്ചിലും വേദനയുമുള്ള കുമിളകൾ, തടിപ്പുകൾ എന്നിവയാണ് എം പോക്സിന്റെ പ്രധാന ലക്ഷണങ്ങൾ.

അണുബാധിതരായവരുമായോ രോഗം ബാധിച്ച മൃഗങ്ങളുമായുള്ള ശാരീരിക സമ്പർക്കത്തിലൂടെയാണ് രോഗം പകരുന്നത്. വസൂരിക്ക് കാരണമാകുന്ന ഓർത്തോപോക്സ് വൈറസ് ജനുസ്സിൽപ്പെട്ടതാണ് മങ്കിപോക്സ് വൈറസ്. വൈറൽ രോഗമായതിനാൽ എംപോക്സിന് പ്രത്യേക ചികിത്സയില്ല.

എന്നാൽ, ലോകാരോഗ്യസംഘടന നിർദ്ദേശിച്ചിട്ടുള്ള മൂന്ന് വാക്സിനുകൾ – എം വി എ-ബി എൻ, എൽ സി 16, എ സി എ എം 2000 – എം പോക്സിനെതിരെ ഉപയോഗിക്കാൻ ശുപാർശ ചെയ്യപ്പെട്ടിട്ടുണ്ട്. രാജ്യത്ത് നേരത്തെ ഒരാൾക്ക് എം പോക്സ് സ്ഥിരീകരിച്ചിരുന്നു, ലോകാരോഗ്യ സംഘടന ആരോഗ്യ അടിയന്തരാവസ്ഥ പ്രഖ്യാപിച്ച ശേഷം ഇന്ത്യയിൽ ആദ്യമായാണ് ഇത് സംഭവിച്ചത്.

കുടിശ്ശിക കിട്ടാത്തതിൽ പ്രതിഷേധം; ഹൃദയ ശസ്ത്രക്രിയ ഉപകരണങ്ങൾ തിരിച്ചെടുക്കാൻ വിതരണക്കാർ

Story Highlights: Man with MPox symptoms under treatment in Malappuram, Kerala

വികസന സദസ്സിൽ പ്രതിനിധികളുടെ ഇറങ്ങിപ്പോക്ക്: മലപ്പുറത്ത് നാടകീയ രംഗങ്ങൾ