തൃശൂർ : തന്റെ ബന്ധുക്കൾ കരിവന്നൂർ ബാങ്ക് തട്ടിപ്പിലെ പ്രതികളിൽ ഇല്ലെന്ന് മന്ത്രി എ സി മൊയ്‌തീൻ പറഞ്ഞു. പ്രതി ബിജു കരീമിനെ തനിക്ക് അറിയില്ലെന്നുമാണ് വിശദീകരണം.
ബി ജെ പിയുടെ ആരോപണം അടിസ്ഥാനരഹിതമാണെന്നും, ഏത് ബന്ധുവാണ് തട്ടിപ്പില്‍ ഇടപെട്ടതെനന്നും വ്യക്തമാക്കണമെന്ന് അദ്ദേഹം പറഞ്ഞു. എന്നാൽ ബിജെപി സംസ്ഥാന അധ്യക്ഷൻ കെ.സുരേന്ദ്രൻ തട്ടിപ്പിന്റെ ബുദ്ധികേന്ദ്രം എ.സി.മൊയ്തീന്റെ ബന്ധുക്കളാണെന്ന് ആരോപിച്ചു.
ബന്ധുവാരാണെന്നു വെളിപ്പെടുത്താനുള്ള മാന്യതയും സത്യസന്ധതയും കാട്ടണമെന്നും, പേര് പറയാതെ കാടടച്ച് വെടിവയ്ക്കുന്ന സമീപനം രാഷ്ട്രീയ പ്രവര്‍ത്തകര്‍ക്കു ചേരുന്നതല്ല എന്നും മന്ത്രി കുറ്റപ്പെടുത്തി.
വിഷയത്തിൽ സർക്കാരിന്റെ നയം വ്യക്തമാക്കിയിട്ടുണ്ടെന്നും, കുറ്റവാളികളെ രക്ഷപെടാൻ അനുവദിക്കുകയില്ലെന്നും, സി പി എമ്മിലെ ആരെങ്കിലും തട്ടിപ്പിൽ ഉൾപ്പെട്ടുണ്ടെങ്കിൽ പാർട്ടിയെന്ന നിലയിൽ നടപടികൾ സ്വീകരിക്കുമെന്നും മൊയ്‌തീൻ വ്യക്തമാക്കി.
Story highlight: Moideen rejects BJP in Karuvannur bank fraud.
