Unseen Photo of Mohanlal from 'Namukku Parkkan Munthirithoppukal' Set

1986 നവംബർ 27-ന് പുറത്തിറങ്ങിയ ‘നമുക്ക് പാർക്കാൻ മുന്തിരിത്തോപ്പുകൾ’ എന്ന ചിത്രം പി. പത്മരാജൻ തിരക്കഥയെഴുതി സംവിധാനം നിർവഹിച്ചതാണ്. പത്മരാജന്റെ മറ്റ് സിനിമകളെപ്പോലെ, ഈ ചിത്രവും പ്രണയത്തിൽ ഊന്നൽ നൽകിക്കൊണ്ടുള്ളതായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൂർണമായും ക്രിസ്ത്യൻ പശ്ചാത്തലത്തിൽ ഒരുക്കിയ ഈ സിനിമ മലയാള സിനിമയിലെ ഏറ്റവും ശക്തവും വ്യത്യസ്തവുമായ നായകസങ്കല്പത്തിന് തുടക്കം കുറിച്ചു. ശക്തവും സൂക്ഷ്മവുമായ തിരക്കഥ, മികച്ച ഛായാഗ്രഹണം, മനോഹരമായ സംഗീതം എന്നിവ കൊണ്ട് ചിത്രം വളരെയധികം ശ്രദ്ധിക്കപ്പെട്ടു. തിലകൻ, മോഹൻലാൽ, ശാരി തുടങ്ങിയവരുടെ മികച്ച അഭിനയവും ചിത്രത്തിന്റെ മാറ്റ് കൂട്ടി.

ഇപ്പോൾ, പത്മരാജന്റെ മകൻ അനന്തപത്മനാഭൻ സിനിമയുമായി ബന്ധപ്പെട്ട് ഇതുവരെ പുറത്തുവന്നിട്ടില്ലാത്ത ഒരു ചിത്രം പങ്കുവച്ചിരിക്കുന്നു. സിനിമയുടെ ലൊക്കേഷനിൽ നായകൻ മോഹൻലാൽ വളർത്തുനായയുമായി നിൽക്കുന്ന ഒരു ചിത്രമാണ് അദ്ദേഹം തന്റെ ഫെയ്സ്ബുക്കിലൂടെ പങ്കുവച്ചത്.

“ശരിക്കും തീപ്പൊരി!

അതാണ് ലാൽ’ നമുക്ക് പാർക്കാൻ മുന്തിരിത്തോപ്പുകളിലെ മോഹൻലാലിന്റെ ഇതുവരെ പുറത്തുവരാത്ത ചിത്രം” എന്ന തലക്കെട്ടോടു കൂടിയാണ് അനന്തപത്മനാഭൻ ചിത്രം ഷെയർ ചെയ്തത്. യുവത്വം തുളുമ്പുന്ന മോഹൻലാലിന്റെ ഈ ‘പഴയ’ ചിത്രം ഇതിനോടകം തന്നെ വൈറലായി. ചിലർ വാട്ടർമാർക്ക് വേണ്ടിയിരുന്നു എന്ന് അഭിപ്രായപ്പെട്ടപ്പോൾ, മറ്റു ചിലർ സിനിമയിലെ ‘പവിഴം പോൽ’ എന്ന ഗാനരംഗത്തിൽ ഈ വേഷവിധാനത്തിൽ മോഹൻലാൽ വരുന്നുണ്ടോ എന്ന സംശയവും പ്രകടിപ്പിച്ചു.

മമ്മൂട്ടിക്ക് ജന്മദിനാശംസകളുമായി മോഹൻലാൽ

Story Highlights: Anantha Padmanabhan shares unseen photo of Mohanlal from ‘Namukku Parkkan Munthirithoppukal’ set, sparking nostalgia and discussions among fans.

വേണു നാഗവള്ളിയുടെ ഓർമകൾ പങ്കുവെച്ച് അനന്ത പത്മനാഭൻ