Mohanlal, Mammootty mourn actor Meghanadhan's demise

നടൻ മേഘനാഥന്റെ മരണത്തിൽ മലയാള സിനിമാ ലോകം ദുഃഖിതരാണ്. പ്രമുഖ നടന്മാരായ മമ്മൂട്ടിയും മോഹൻലാലും അദ്ദേഹത്തിന് ആദരാഞ്ജലികൾ അർപ്പിച്ചു. മേഘനാഥന്റെ ചിത്രം പങ്കുവച്ചുകൊണ്ട് മമ്മൂട്ടി ഫെയ്സ്ബുക്കിൽ അനുശോചനം രേഖപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മോഹൻലാൽ തന്റെ ഫേസ്ബുക്ക് പോസ്റ്റിൽ മേഘനാഥനെ അനുസ്മരിച്ചു. “പ്രിയപ്പെട്ട മേഘനാഥൻ നമ്മോടു വിടപറഞ്ഞു. ചെയ്ത വേഷങ്ങളിൽ എല്ലാം സ്വതസിദ്ധമായ ശൈലി കൊണ്ടുവന്ന പ്രതിഭയുള്ള നടനായിരുന്നു അദ്ദേഹം. പഞ്ചാഗ്നി, ചെങ്കോൽ, മുന്തിരിവള്ളികൾ തളിർക്കുമ്പോൾ തുടങ്ങിയ ചിത്രങ്ങളിൽ ഞങ്ങൾ ഒന്നിച്ചിട്ടുണ്ട്. അദ്ദേഹത്തിന്റെ വേർപാടിൽ വേദനയോടെ ആദരാഞ്ജലികൾ” എന്ന് മോഹൻലാൽ കുറിച്ചു.

കേന്ദ്രമന്ത്രി സുരേഷ് ഗോപിയും മേഘനാഥന് ആദരാഞ്ജലികൾ അർപ്പിച്ചു. “എനിക്ക് ഏറ്റവും പ്രിയപ്പെട്ട മേഘനാദന് ആദരാഞ്ജലികൾ” എന്ന അടിക്കുറിപ്പോടെ മേഘനാഥന്റെ ചിത്രം പങ്കുവച്ചാണ് സുരേഷ് ഗോപി അനുശോചനം അറിയിച്ചത്. ശ്വാസകോശസംബന്ധമായ അസുഖത്തെത്തുടർന്ന് കോഴിക്കോട് സ്വകാര്യ ആശുപത്രിയിലായിരുന്നു മേഘനാഥന്റെ അന്ത്യം. നടൻ ബാലൻ കെ. നായരുടെയും ശാരദാ നായരുടെയും മകനായ അദ്ദേഹം ചെങ്കോൽ, ഈ പുഴയും കടന്ന്, ഒരു മറവത്തൂർ കനവ്, ചന്ദ്രനുദിക്കുന്ന ദിക്കിൽ തുടങ്ങി നിരവധി ചിത്രങ്ങളിൽ അഭിനയിച്ചിട്ടുണ്ട്.