ലോകമെമ്പാടുമുള്ള സിനിമാ പ്രേമികൾ ആകാംക്ഷയോടെ കാത്തിരിക്കുന്ന മോഹൻലാൽ ചിത്രം ‘എമ്പുരാൻ’ മാർച്ച് 27ന് തിയേറ്ററുകളിലെത്തും. 2019ൽ റിലീസ് ചെയ്ത് വൻ വിജയമായ ‘ലൂസിഫറി’ന്റെ രണ്ടാം ഭാഗമാണ് ‘എമ്പുരാൻ’. പൃഥ്വിരാജ് സുകുമാരൻ സംവിധാനം ചെയ്യുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് മുരളി ഗോപിയാണ്. ലൈക്ക പ്രൊഡക്ഷൻസ്, ആശിർവാദ് സിനിമാസ്, ശ്രീ ഗോകുലം മൂവീസ് എന്നിവയുടെ ബാനറിൽ സുഭാഷ്കരൻ, ആന്റണി പെരുമ്പാവൂർ, ഗോകുലം ഗോപാലൻ എന്നിവർ ചേർന്നാണ് ചിത്രം നിർമ്മിക്കുന്നത്. മൂന്ന് ഭാഗങ്ങളായി ഒരുക്കുന്ന സിനിമാ പരമ്പരയുടെ രണ്ടാം ഭാഗമാണ് ‘എമ്പുരാൻ’.
ഖുറേഷി- അബ്രാം/ സ്റ്റീഫൻ നെടുമ്പള്ളി എന്ന കഥാപാത്രത്തെയാണ് മോഹൻലാൽ ചിത്രത്തിൽ അവതരിപ്പിക്കുന്നത്. പൃഥ്വിരാജ്, മഞ്ജു വാര്യർ, ടൊവിനോ തോമസ്, ഇന്ദ്രജിത്ത് സുകുമാരൻ, സുരാജ് വെഞ്ഞാറമൂട് തുടങ്ങി വമ്പൻ താരനിരയാണ് ചിത്രത്തിലുള്ളത്. ഗെയിം ഓഫ് ത്രോൺസ് എന്ന പരമ്പരയിലൂടെ ലോകപ്രശസ്തനായ ജെറോം ഫ്ലിൻ ‘എമ്പുരാ’ന്റെ ഭാഗമാകുന്നതോടെ ചിത്രത്തിന് അന്താരാഷ്ട്ര തലത്തിൽ ശ്രദ്ധ നേടാനാകുമെന്നാണ് പ്രതീക്ഷ.
2023 ഒക്ടോബർ 5ന് ഫരീദാബാദിൽ ചിത്രീകരണം ആരംഭിച്ച ‘എമ്പുരാൻ’, യുണൈറ്റഡ് സ്റ്റേറ്റ്സ്, യു കെ, യു എ ഇ , ചെന്നൈ, മുംബൈ, ഗുജറാത്ത്, ലഡാക്ക്, കേരളം, ഹൈദരാബാദ്, ഷിംല, ലേ എന്നിവിടങ്ങളിലായാണ് ചിത്രീകരിച്ചത്. ദീപക് ദേവ് ആണ് ചിത്രത്തിന്റെ സംഗീത സംവിധായകൻ. സുജിത് വാസുദേവ് ഛായാഗ്രഹണവും അഖിലേഷ് മോഹൻ എഡിറ്റിംഗും നിർവഹിച്ചിരിക്കുന്നു. മോഹൻദാസ് ആണ് ചിത്രത്തിന്റെ കലാസംവിധായകൻ. സ്റ്റണ്ട് സിൽവ ആക്ഷൻ രംഗങ്ങൾ ഒരുക്കിയിരിക്കുന്ന ചിത്രത്തിന്റെ ക്രിയേറ്റീവ് ഡയറക്ടർ നിർമൽ സഹദേവാണ്. പൂർണമായും അനാമോർഫിക് ഫോർമാറ്റിൽ ചിത്രീകരിച്ച ‘എമ്പുരാ’ന്റെ മൂന്നാം ഭാഗവും ഇതേ ഫോർമാറ്റിൽ തന്നെയായിരിക്കുമെന്ന് പൃഥ്വിരാജ് വ്യക്തമാക്കിയിരുന്നു.
കഴിഞ്ഞ ജനുവരി 26ന് പുറത്തിറങ്ങിയ ചിത്രത്തിന്റെ ആദ്യ ടീസർ വലിയ സ്വീകാര്യതയാണ് നേടിയത്. ഫെബ്രുവരി ഒന്നു മുതൽ ചിത്രത്തിലെ കഥാപാത്രങ്ങളെ പരിചയപ്പെടുത്തുന്ന വീഡിയോകൾ പുറത്തിറക്കിയിരുന്നു. ഫെബ്രുവരി 26ന് മോഹൻലാലിന്റെ കഥാപാത്ര പോസ്റ്ററും വീഡിയോയും പുറത്തിറക്കിയതോടെയാണ് ഈ പരമ്പര അവസാനിച്ചത്. ഓരോ ദിവസവും രണ്ട് കഥാപാത്രങ്ങളെ വീതം പരിചയപ്പെടുത്തിക്കൊണ്ട് 18 ദിവസം കൊണ്ട് ചിത്രത്തിലെ 36 കഥാപാത്രങ്ങളെയാണ് പ്രേക്ഷകർക്ക് മുന്നിൽ അവതരിപ്പിച്ചത്.
മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിൽ മാർച്ച് 27ന് റിലീസ് ചെയ്യുന്ന ‘എമ്പുരാൻ’ ഒരു മലയാള ചിത്രത്തിന് ലഭിക്കുന്ന ഏറ്റവും വലിയ പാൻ ഇന്ത്യൻ, ആഗോള റിലീസുകളിൽ ഒന്നായിരിക്കുമെന്നാണ് പ്രതീക്ഷിക്കുന്നത്. ചിത്രത്തിന്റെ മൂന്നാം ഭാഗവും മോഹൻലാൽ, പൃഥ്വിരാജ്, മുരളി ഗോപി, ആന്റണി പെരുമ്പാവൂർ എന്നിവരുടെ സാന്നിധ്യത്തിൽ ഒരുങ്ങുമെന്ന് സ്ഥിരീകരിച്ചിട്ടുണ്ട്.
Story Highlights: Mohanlal-starrer Empuraan, the sequel to the blockbuster Lucifer, is set for a grand pan-Indian release on March 27.
മോഹൻലാൽ ചിത്രം എമ്പുരാന്റെ റിലീസ് തീയതി പ്രഖ്യാപിച്ചു. മാർച്ച് 27ന് പുലർച്ചെ 6 Read more
ലൈക്കയിൽ നിന്നും ഗോകുലം മൂവീസ് എമ്പുരാന്റെ റൈറ്റ്സ് ഏറ്റെടുത്തു. മാർച്ച് 27ന് ചിത്രം Read more
മോഹൻലാൽ നായകനായ പൃഥ്വിരാജ് ചിത്രം എമ്പുരാൻ മാർച്ച് 27ന് തിയേറ്ററുകളിൽ. പുതിയ പോസ്റ്റർ Read more
മോഹൻലാൽ, പൃഥ്വിരാജ് എന്നിവർ പ്രധാന വേഷങ്ങളിൽ എത്തുന്ന എമ്പുരാൻ മാർച്ച് 27 ന് Read more
രാജമൗലി സംവിധാനം ചെയ്യുന്ന മഹേഷ് ബാബു ചിത്രം 'ssmb29' ന്റെ മേക്കിങ് വീഡിയോ Read more
ലൂസിഫർ സിനിമയിലേക്കുള്ള തന്റെ വരവിനെക്കുറിച്ച് പൃഥ്വിരാജ് സുകുമാരൻ വെളിപ്പെടുത്തൽ നടത്തി. മുരളി ഗോപിയുമായുള്ള Read more
മോഹൻലാൽ നായകനായ ദേവദൂതനിൽ നായികയായി അഭിനയിക്കാൻ ആദ്യം ക്ഷണം ലഭിച്ചെങ്കിലും പിന്നീട് ചെറിയ Read more
വിമാന യാത്രക്കിടെ പൃഥ്വിരാജിനെ കണ്ടതിന്റെ സന്തോഷം പങ്കുവെച്ച് നടി അഹാന കൃഷ്ണ. സൂര്യോദയത്തിന്റെ Read more
മലൈക്കോട്ടൈ വാലിബനിലെ ചമതകൻ എന്ന കഥാപാത്രത്തിനായി ജീവയെ ആദ്യം പരിഗണിച്ചിരുന്നു. എന്നാൽ കഥാപാത്രത്തിന്റെ Read more
മലൈക്കോട്ടൈ വാലിബനിൽ മോഹൻലാലിന്റെ വില്ലനാകാൻ ജീവയ്ക്ക് ക്ഷണം ലഭിച്ചിരുന്നു. എന്നാൽ കഥാപാത്രത്തിന്റെ ഗെറ്റപ്പ് Read more
