കൊച്ചി◾: പഹൽഗാം ആക്രമണത്തിന് ശക്തമായ തിരിച്ചടി നൽകിയ ഇന്ത്യൻ സൈന്യത്തിന്റെ നീക്കത്തെ പ്രശംസിച്ച് മോഹൻലാൽ ഫേസ്ബുക്കിൽ പോസ്റ്റിട്ടതിന് പിന്നാലെ സൈബർ ആക്രമണം. ഇന്ത്യൻ സൈന്യം നടത്തിയ പ്രവൃത്തിയെ രാജ്യം ഒറ്റക്കെട്ടായി പ്രശംസിക്കുമ്പോഴാണ് താരത്തിനെതിരെ സംഘപരിവാർ അനുകൂലികളുടെ സൈബർ ആക്രമണം ശക്തമാകുന്നത്. മോഹൻലാലിന്റെ പോസ്റ്റിന് താഴെ അധിക്ഷേപകരമായ കമന്റുകളാണ് പ്രത്യക്ഷപ്പെടുന്നത്.
ഇന്ത്യൻ സൈന്യം പാകിസ്ഥാനിൽ നടത്തിയ നടപടികൾക്ക് പിന്നാലെ ‘ഓപ്പറേഷൻ സിന്ദൂർ’ എന്ന ദൗത്യത്തിന്റെ പോസ്റ്റർ മോഹൻലാൽ തന്റെ ഫേസ്ബുക്ക് പേജിൽ കവർ ഫോട്ടോ ആക്കിയിരുന്നു. ഇതിനു പിന്നാലെ താരം പങ്കുവെച്ച പോസ്റ്റിന് താഴെയും സംഘപരിവാർ അനുകൂലികൾ അധിക്ഷേപകരമായ കമന്റുകളുമായി രംഗത്തെത്തി. എമ്പുരാൻ സിനിമ ഇറങ്ങിയ സമയത്ത് താരം നേരിട്ട അതേ രീതിയിലുള്ള സൈബർ ആക്രമണമാണ് ഇപ്പോളും ഉണ്ടായിരിക്കുന്നത്.
നിരവധി പേരാണ് ഇന്ത്യൻ നീക്കത്തെ പ്രകീർത്തിച്ച് പോസ്റ്റുകൾ പങ്കുവെച്ചത്. “ഒരു പാരമ്പര്യം എന്ന നിലയിൽ മാത്രമല്ല, നമ്മുടെ അചഞ്ചലമായ ദൃഢനിശ്ചയത്തിന്റെ പ്രതീകമായിട്ടാണ് ഞങ്ങൾ സിന്ദൂരം ധരിക്കുന്നത്,” എന്ന് മോഹൻലാൽ ഫേസ്ബുക്കിൽ കുറിച്ചു. “ഞങ്ങളെ വെല്ലുവിളിക്കൂ, ഞങ്ങൾ എക്കാലത്തേക്കാളും നിർഭയരും ശക്തരുമായി ഉയരും. ഇന്ത്യൻ കരസേന, നാവികസേന, വ്യോമസേന, ബിഎസ്എഫ് എന്നിവയുടെ ഓരോ ധീരഹൃദയത്തെയും അഭിവാദ്യം ചെയ്യുന്നു,” എന്നും അദ്ദേഹം കൂട്ടിച്ചേർത്തു.
ALSO READ: ഓപ്പറേഷൻ സിന്ദൂർ: യഥാർഥ ഹീറോകൾക്ക് സല്യൂട്ട്: മമ്മൂട്ടി
അതേസമയം, മോഹൻലാലിനെതിരെ നിരവധി വിമർശനങ്ങളും ഉയരുന്നുണ്ട്. ‘ഇതെല്ലാം പറഞ്ഞ് ഇനി രായപ്പന്റെ കൂടെ കൂടി തീവ്രവാദികളെ വെളുപ്പിക്കുന്ന സിനിമയും ചെയ്യും…. നാണമില്ലേ…..’, കഥ മാറ്റി സിനിമ ഒന്നും എടുത്തേക്കരുത്🙏🙏🙏അപേക്ഷ ആണ്, ഒപ്പേറഷൻ സിന്ദൂർ നടത്തിയത് സംഘികൾ ആണെന്നും അതിന് പ്രതികാരം ചെയ്യാൻ മസൂദ് അസറിന്റെ കൊച്ചുമകൻ വരുന്നു എന്നുപറഞ്ഞു ഏതെങ്കിലും രാജ്യവിരുദ്ധർ സിനിമ ഇറക്കിയാൽ അതിൽ പോയി അഭിനയിച്ചക്കരുത്. എല്ലാ സിനിമയെയും സിനിമയായി മാത്രം കാണാൻ കഴിയില്ല , അതുകൊണ്ടാണ്.., ഈ പോസ്റ്റ് കണ്ട് കലികേറിയ പൃഥ്വിരാജ് എമ്പുരാന് 3 ല് നിന്ന് ഏട്ടനെ ഒഴിവാക്കുന്നു. പകരം എബ്രഹാം ഖുറേഷി ഒരു ഹെലികോപ്ടര് അപകടത്തില് മരിച്ചതായും, പിന്ഗാമിയായി സായിദ് മസൂദ് വരുന്നതായും കാണിക്കുന്നു.’ എന്നിങ്ങനെ പോകുന്നു കമന്റുകൾ.
എമ്പുരാൻ സിനിമയിൽ ഗുജറാത്ത് കലാപത്തിലെ ഭാഗങ്ങൾ ചിത്രീകരിച്ചതോടെയാണ് നടന്മാരായ മോഹൻലാലിനും പൃഥ്വിരാജിനുമെതിരെ സംഘപരിവാർ ആക്രമണം ശക്തമായത്. ഇതിന് പിന്നാലെ സിനിമ ബഹിഷ്കരിക്കാൻ വരെ ആഹ്വാനം ഉണ്ടായി. ആർ.എസ്.എസ് മുഖപത്രങ്ങളിൽ മോഹൻലാലിനും പൃഥ്വിരാജിനുമെതിരെ ലേഖനങ്ങൾ പ്രത്യക്ഷപ്പെടുകയും ചെയ്തിരുന്നു.
പഹൽഗാം ഭീകരാക്രമണത്തിന് തിരിച്ചടിയായി ഇന്ത്യ നടത്തിയ മിന്നലാക്രമണത്തിൽ നിരവധി ഭീകരർ കൊല്ലപ്പെട്ടതായാണ് വിവരം. കര, നാവിക, വ്യോമ സേനകൾ സംയുക്തമായാണ് ഓപ്പറേഷൻ സിന്ദൂർ എന്നു പേരിട്ട ആക്രമണം നടത്തിയത്. ഇന്ത്യ തിരിച്ചടിച്ചേക്കുമെന്ന് സൂചനകളുണ്ടായിരുന്നെങ്കിലും ഏറെക്കുറെ അപ്രതീക്ഷിതമായിരുന്നു ഇന്നു പുലർച്ചെ നടത്തിയ ആക്രമണം.
Story Highlights: പഹൽഗാം ആക്രമണത്തിന് പിന്നാലെ സൈബർ ആക്രമണം നേരിട്ട് മോഹൻലാൽ; താരത്തിനെതിരെ അധിക്ഷേപകരമായ കമന്റുകൾ.
ദേശീയ ചലച്ചിത്ര പുരസ്കാര വേദിയിൽ മോഹൻലാലിനെ പ്രശംസിച്ച് കേന്ദ്ര വാർത്താവിതരണ മന്ത്രി അശ്വനി Read more
71-ാമത് ദേശീയ ചലച്ചിത്ര പുരസ്കാര വിതരണ ചടങ്ങിൽ സിനിമാ മേഖലയിലെ പരമോന്നത ബഹുമതിയായ Read more
ദാദാസാഹെബ് ഫാൽക്കെ പുരസ്കാരം സ്വീകരിക്കുന്നതിന് തൊട്ടുമുന്പ് നടന് മോഹന്ലാല് തൻ്റെ പ്രതികരണം അറിയിച്ചു. Read more
മലയാളത്തിന്റെ അതുല്യ നടൻ മധുവിന്റെ 92-ാം ജന്മദിനത്തിൽ മോഹൻലാൽ തൻ്റെ ഓർമ്മകൾ പങ്കുവെക്കുന്നു. Read more
ദാദാസാഹേബ് ഫാൽക്കെ പുരസ്കാരം മോഹൻലാലിന് ലഭിച്ചതിൽ അല്ലു അർജുൻ അഭിനന്ദനം അറിയിച്ചു. ഇന്ത്യൻ Read more
സിപിഐഎം നേതാവ് കെ ജെ ഷൈനെതിരായ സൈബർ ആക്രമണ കേസിൽ പ്രതിയായ കോൺഗ്രസ് Read more
മോഹൻലാൽ-ജീത്തു ജോസഫ് കൂട്ടുകെട്ടിൽ ദൃശ്യം 3-യുടെ ചിത്രീകരണം ആരംഭിച്ചു. സിനിമയുടെ പൂജ ചടങ്ങുകൾ Read more
മോഹൻലാലിന് ദാദാ സാഹിബ് ഫാൽക്കെ അവാർഡ് ലഭിച്ചതിൽ അമിതാഭ് ബച്ചൻ മലയാളത്തിൽ ഫേസ്ബുക്ക് Read more
സിപിഐഎം നേതാവ് കെ ജെ ഷൈനിനെതിരായ സൈബർ ആക്രമണ കേസിൽ പ്രതിയുടെ കുടുംബം Read more
2023-ലെ ദാദാസാഹേബ് ഫാൽക്കെ പുരസ്കാരം മോഹൻലാലിന് ലഭിച്ചു. 48 വർഷത്തെ സിനിമാ ജീവിതത്തിൽ Read more
