Mohammed Shami returns to cricket through Ranji Trophy

മുഹമ്മദ് ഷമി വീണ്ടും ക്രിക്കറ്റ് കളിക്കളത്തിലേക്ക് മടങ്ങിവരുന്നു. രഞ്ജി ട്രോഫിയിലൂടെയാണ് ഇന്ത്യൻ താരം ക്രിക്കറ്റിലേക്ക് തിരിച്ചെത്തുന്നത്. ഇൻഡോറിൽ മധ്യപ്രദേശിനെതിരെ നടക്കുന്ന മത്സരത്തിനുള്ള പശ്ചിമ ബംഗാൾ ടീമിൽ ഷമിയെ ഉൾപ്പെടുത്തിയിട്ടുണ്ട്. കണങ്കാലിന് പരിക്കേറ്റതിനെ തുടർന്ന് ദീർഘകാലമായി മത്സരങ്ങളിൽ നിന്ന് വിട്ടുനിൽക്കുകയായിരുന്നു താരം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2023 ഏകദിന ലോകകപ്പിനു ശേഷം ഷമിക്ക് ഇന്ത്യൻ ടീമിനായി കളിക്കാൻ കഴിഞ്ഞിരുന്നില്ല. ലോകകപ്പ് ഫൈനലിനിടെ പരിക്കേറ്റ ഷമി ശസ്ത്രക്രിയയ്ക്ക് വിധേയനാവുകയും ചെയ്തിരുന്നു. പരിക്കിനെ തുടർന്ന് ഐപിഎല്ലിലും ടി20 ലോകകപ്പിലും ഷമിക്ക് പങ്കെടുക്കാനായില്ല. ഇതിനിടെ വീണ്ടും പരിശീലനം ആരംഭിച്ച ഷമി, ബംഗ്ലാദേശിനെതിരായ ടെസ്റ്റ് പരമ്പരയ്ക്കുള്ള ഇന്ത്യൻ ടീമിൽ ഇടം ലഭിക്കുമെന്ന വാർത്തകൾ നിഷേധിക്കുകയും ചെയ്തിരുന്നു.

ഓസ്ട്രേലിയയ്ക്കെതിരായ ബോർഡർ-ഗവാസ്കർ ട്രോഫി പരമ്പരയിലൂടെ തിരിച്ചുവരുമെന്ന പ്രതീക്ഷ ഷമി തന്നെ പങ്കുവെച്ചിരുന്നു. എന്നാൽ പരിക്ക് ഭേദമാവാത്തതിനാൽ ആ പരമ്പരയ്ക്കുള്ള ഇന്ത്യൻ ടീമിൽ ഷമിക്ക് പ്രവേശനം ലഭിച്ചില്ല. ന്യൂസിലൻഡിനെതിരായ ഇന്ത്യയുടെ ടെസ്റ്റ് പരമ്പരയ്ക്കിടെ നെറ്റ്സിൽ പരിശീലനം നടത്തുന്ന ഷമിയുടെ വീഡിയോയും പുറത്തുവന്നിരുന്നു. ഇപ്പോൾ രഞ്ജി ട്രോഫിയിലൂടെ താരം കളിക്കളത്തിലേക്ക് മടങ്ങിവരികയാണ്.

ഇംഗ്ലണ്ടിനെതിരെ ഗില്ലിന് ഇരട്ട സെഞ്ചുറി; ഇന്ത്യയ്ക്ക് മികച്ച സ്കോർ

Story Highlights: Indian cricketer Mohammed Shami returns to cricket through Ranji Trophy after long injury layoff

ഇന്ത്യ-ഇംഗ്ലണ്ട് മൂന്നാം ടെസ്റ്റ് ഇന്ന് ലോർഡ്സിൽ