Vizhinjam Port Trial Run Next Week: Minister VN Vasavan

വിഴിഞ്ഞം തുറമുഖത്തിന്റെ ട്രയൽ റൺ അടുത്ത ആഴ്ച നടക്കുമെന്ന് മന്ത്രി വി എൻ വാസവൻ അറിയിച്ചു. ഏറ്റവും വലിയ മദർഷിപ്പുകളിൽ ഒന്ന് ട്രയൽ റണ്ണിന് എത്തുമെന്നും അദ്ദേഹം പറഞ്ഞു. തുറമുഖത്തെ ദേശീയപാതയുമായി ബന്ധിപ്പിക്കുന്ന ബൈപ്പാസ് നിർമ്മാണം ഉടൻ പൂർത്തിയാകുമെന്നും റെയിൽ തുരങ്കപാതയ്ക്ക് സ്ഥലമേറ്റെടുപ്പ് ആരംഭിച്ചതായും മന്ത്രി വ്യക്തമാക്കി. തുറമുഖത്തിന്റെ 92 ശതമാനം നിർമ്മാണ പ്രവർത്തനങ്ങളും പൂർത്തീകരിച്ചതായി മന്ത്രി അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

3000 മീറ്റർ പുലിമുട്ടിൽ 2960 മീറ്ററും പൂർത്തിയാക്കി. 32 ക്രെയിനുകളിൽ 31 എണ്ണം ചൈനയിൽ നിന്ന് എത്തിയതായും മുഴുവൻ ക്രെയ്നുകളും സ്ഥാപിച്ചതായും അദ്ദേഹം പറഞ്ഞു. കണ്ടെയ്നർ ബർത്തും യാർഡും പ്രവർത്തനക്ഷമമായി. റെയിൽവേ സംവിധാനം കേന്ദ്രം അംഗീകരിച്ചതായി മന്ത്രി അറിയിച്ചു.

ബാലരാമപുരം റെയിൽവേ സ്റ്റേഷനുമായാണ് തുറമുഖത്തെ ബന്ധിപ്പിക്കുന്നത്. 10. 7 കിലോമീറ്റർ റെയിൽവേയിൽ 9. 2 കിലോമീറ്ററും തുരങ്കപാതയാണ്.

ഇതിനായി സ്ഥലം ഏറ്റെടുപ്പ് ആരംഭിച്ചതായും പാരിസ്ഥിതിക പഠനങ്ങൾ പൂർത്തിയായതായും മന്ത്രി വ്യക്തമാക്കി. റിംഗ് റോഡ് നിർമ്മാണം രണ്ട് വർഷത്തിനുള്ളിൽ പൂർത്തിയാക്കുമെന്ന് മന്ത്രി അറിയിച്ചു. തദ്ദേശവാസികൾക്ക് തുറമുഖത്തോട് എതിർപ്പില്ലെന്നും അവരുടെ എല്ലാ പ്രശ്നങ്ങളും പരിഹരിച്ച് മുന്നോട്ട് പോകുമെന്നും അദ്ദേഹം പറഞ്ഞു. ട്രയൽ റണ്ണിനുള്ള ദിവസം നിയമസഭയിൽ മന്ത്രി ഇന്ന് പ്രഖ്യാപിക്കുമെന്നും അറിയിച്ചു.

കേരള സർവകലാശാല എംബിഎ ഉത്തരക്കടലാസുകൾ നഷ്ടമായി; ഗസ്റ്റ് അധ്യാപകന്റെ വിശദീകരണം

വിഴിഞ്ഞം തുറമുഖത്തിന്റെ പ്രവർത്തന മികവ് എസ്കെഎൻ 40 സംഘം നേരിട്ട് കണ്ടു