Land Assignment Act Amendment to be Effective from August: Minister K Rajan

ഭൂപതിവ് നിയമഭേദഗതി ഓഗസ്റ്റില് പ്രാബല്യത്തില് വരുമെന്ന് റവന്യൂമന്ത്രി കെ. രാജന് പ്രഖ്യാപിച്ചു. നിയമ വകുപ്പിന്റെ അഭിപ്രായവും നിലവിലുള്ള കേസുകളും പരിഗണിച്ചാകും ചട്ടങ്ങള് തയാറാക്കുക എന്നും അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പട്ടയഭൂമിയിലെ കെട്ടിടങ്ങള് നിയമവിധേയമാക്കാന് ജനങ്ങളില് നിന്നും ഫീസ് ഈടാക്കില്ലെന്നും മന്ത്രി അറിയിച്ചു. ഇതു സര്ക്കാരിന്റെ താല്പര്യമാണെന്നും അദ്ദേഹം കൂട്ടിച്ചേര്ത്തു. ഭൂപതിവ് നിയമം അനുസരിച്ച് പതിച്ചുനല്കിയ ഭൂമിയില് മറ്റ് നിര്മ്മാണ പ്രവര്ത്തനങ്ങള് നടത്തുന്നത് ഹൈക്കോടതി വിലക്കിയിരുന്നു.

ഇതു മറികടക്കാനാണ് നിയമഭേദഗതി കൊണ്ടുവന്നത്. ബില്ലിന് ഗവര്ണറുടെ അംഗീകാരം ലഭിച്ചതോടെ ചട്ട നിര്മ്മാണത്തിലേക്ക് കടക്കുമെന്നും മന്ത്രി വ്യക്തമാക്കി. വീടു നിര്മ്മാണത്തിനും കൃഷിക്കുമായി പതിച്ചു നല്കിയ ഭൂമിയില് ജീവനോപാധിക്കായി നടത്തിയ നിര്മ്മാണങ്ങള് ഹൈക്കോടതി വിധിയോടെ അനധികൃതമായി മാറിയിരുന്നു.

ഇതു പതിനായിരക്കണക്കിനാളുകളുടെ ജീവിതം പ്രതിസന്ധിയിലാക്കി. ഇടുക്കി, വയനാട് തുടങ്ങിയ മലയോരമേഖലകളില് ജനജീവിതം ബുദ്ധിമുട്ടിലായ സാഹചര്യത്തിലാണ് നിയമഭേദഗതിക്ക് തീരുമാനിച്ചതെന്നും റവന്യൂമന്ത്രി കെ. രാജന് വിശദീകരിച്ചു.

ക്യാൻസർ ചികിത്സയിൽ നെല്ല് വിപ്ലവം

രണ്ടാം പിണറായി സർക്കാരിന്റെ നാലാം വാർഷികാഘോഷം: ഏപ്രിൽ 21 മുതൽ മെയ് 21 വരെ