Mike Tyson Hits Jake Paul at Weigh-In for Texas Boxing Match

ടെക്സസിലെ ആർലിംഗ്ടണിൽ നടക്കാനിരിക്കുന്ന ഹെവിവെയ്റ്റ് ബോക്സിങ് മത്സരത്തിന് മുന്നോടിയായി നാടകീയ രംഗങ്ങൾ അരങ്ങേറി. ഇതിഹാസ ബോക്സർ മൈക്ക് ടൈസൺ എതിരാളി ജെയ്ക്ക് പോളിന്റെ മുഖത്ത് അടിക്കുന്ന വീഡിയോ സോഷ്യൽ മീഡിയയിൽ വൈറലായി. അവസാന ഭാരപരിശോധനയ്ക്ക് ശേഷം ടൈസൺ വേദി വിടുന്നതിനിടെയാണ് സംഭവം നടന്നത്. ജെയ്ക്ക് പോൾ പ്രകോപിപ്പിച്ചപ്പോളാണ് ടൈസൺ അദ്ദേഹത്തിന്റെ മുഖത്തടിച്ചത്. ടൈസൺ ടീം അംഗങ്ങൾ വന്ന് പിടിച്ചുമാറ്റുന്നതും സ്ഥിതിഗതികൾ ശാന്തമാക്കാൻ ശ്രമിക്കുന്നതും വീഡിയോയിൽ കാണാം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രണ്ട് താരങ്ങളുടെയും ഭാരം 230 പൗണ്ടിൽ താഴെയായിരുന്നു. പോളിന്റെ ഭാരം 227.2 പൗണ്ടും ടൈസന്റെത് 228.4 പൗണ്ടുമായിരുന്നു. അതേസമയം ടൈസന്റെ അടിയിൽ തനിക്ക് വേദനിച്ചില്ലെന്നും യഥാർഥ അടിയും ഇടിയും ശനിയാഴ്ച റിങ്ങിൽ കാണാമെന്നും പോൾ പ്രതികരിച്ചു. ലോകമെമ്പാടുമുള്ള ബോക്സിംഗ് ആരാധകർ ഏറെ ആകാംഷയോടെ കാത്തിരിക്കുന്ന മത്സരമാണ് നാളെ നടക്കുന്നത്. 20 വർഷത്തെ ഇടവേളയ്ക്ക് ശേഷം ടൈസൺ വീണ്ടും റിങ്ങിലേക്കെത്തുന്നതിന്റെ ത്രില്ലിലാണ് ഏവരും.

സിംബാബ്‌വെക്കെതിരെ അഫ്ഗാനിസ്ഥാന്‍ കരുത്ത് കാട്ടി; 277 റണ്‍സിന്റെ ലീഡ്

ഈ വർഷം ജൂലൈയിൽ നടത്താൻ നിശ്ചയിച്ച മത്സരമാണ് നാളെ നടക്കാനിരിക്കുന്നത്. ടൈസന്റെ ആരോഗ്യപ്രശ്നങ്ങൾ കാരണമാണ് മത്സരം വൈകിയത്. മത്സരത്തിന് ടൈസന് 20 മില്യൺ ഡോളർ പ്രതിഫലം ലഭിക്കുന്നതായാണ് റിപ്പോർട്ട്. മത്സരത്തിന്റെ തത്സമയ സംപ്രേക്ഷണം നെറ്റ്ഫ്ലിക്സിൽ ഉണ്ടാകും.

MIKE TYSON HITS JAKE PAUL AT THE WEIGH IN #PaulTyson
—
LIVE ON NETFLIX
FRIDAY, NOVEMBER 15
8 PM ET | 5 PM PT pic.twitter.com/kFU40jVvk0

— Netflix (@netflix) November 15, 2024