മേജര്‍ ലീഗ് സോക്കറില്‍ ലയണല്‍ മെസ്സിയുടെ ഇന്റര്‍ മിയാമിക്ക് വന്‍ തിരിച്ചടി നേരിട്ടു. അറ്റ്‌ലാന്റ യുണൈറ്റഡിനോട് 3-2 എന്ന സ്കോറിന് പരാജയപ്പെട്ട് ആദ്യ റൗണ്ടില്‍ തന്നെ ഇന്റര്‍മിയാമി പുറത്തായി. എംഎല്‍എസ് പ്ലേ ഓഫ് ചരിത്രത്തിലെ ഏറ്റവും വലിയ തിരിച്ചടിയായി ഈ തോല്‍വി വിലയിരുത്തപ്പെടുന്നു.
രണ്ടാം പകുതിയില്‍ മെസി ഹെഡറിലൂടെ സമനില നേടിയെങ്കിലും 76ാം മിനിറ്റില്‍ ബര്‍ടോസ് സ്ലീസിന്റെ ഹെഡറിലൂടെ അറ്റ്‌ലാന്റ ലീഡ് സ്വന്തമാക്കി. മെസ്സിക്ക് കൂടുതല്‍ ഗോളുകള്‍ നേടാന്‍ അവസരമുണ്ടായിരുന്നെങ്കിലും അദ്ദേഹത്തിന്റെ ഫ്രീകിക്കുകള്‍ അറ്റ്‌ലാന്റയുടെ പ്രതിരോധ മതില്‍ തടഞ്ഞു.
കഴിഞ്ഞ സീസണില്‍ ഏറ്റവും കൂടുതല്‍ പോയിന്റ് നേടിയ റെക്കോര്‍ഡുമായാണ് മിയാമി കളത്തിലിറങ്ങിയത്. എന്നാല്‍ മിയാമിയേക്കാള്‍ 34 പോയിന്റ് പിന്നിലുള്ള അറ്റ്‌ലാന്റ, ഈസ്‌റ്റേണ്‍ കോണ്‍ഫറന്‍സില്‍ ഒമ്പതാം സ്ഥാനത്തായിരുന്നു. വൈല്‍ഡ് കാര്‍ഡ് എന്‍ട്രിയിലൂടെയാണ് അവര്‍ പോസ്റ്റ്‌സീസണിലെത്തിയത്.
Story Highlights: Lionel Messi’s Inter Miami suffers major setback in MLS playoffs, losing to Atlanta United 3-2 in the first round.
