മുണ്ടക്കൈ-ചൂരല് മല ഉരുള്പ്പൊട്ടലിന് ശേഷവും വയനാട് തുരങ്ക പാതയുമായി മുന്നോട്ട് പോകാനുള്ള തീരുമാനത്തിലാണ് സർക്കാർ. ഇതിനെതിരെ സാമൂഹ്യ പ്രവർത്തകയായ മേധ പട്കർ രംഗത്തെത്തിയിരിക്കുകയാണ്. സർക്കാരിന്റെ തുരങ്കപാത നശീകരണ പദ്ധതിയാണെന്നും, ഉത്തരാഖണ്ഡിൽ അടക്കം അത് തെളിഞ്ഞതാണെന്നും അവർ ചൂണ്ടിക്കാട്ടി.
ഈ പദ്ധതിയിൽ നിന്നും സർക്കാർ പിന്മാറണമെന്നും സിപിഎം പിബി അംഗങ്ങളോട് പദ്ധതി പുനർ ആലോചിക്കണമെന്നും മേധ പട്കർ ആവശ്യപ്പെട്ടു. കേന്ദ്രസർക്കാർ ഉരുൾപൊട്ടലിൽ അടിയന്തരസഹായം നൽകണമെന്നും, പാർട്ടിയും വോട്ട് ബാങ്കും നോക്കിയല്ല സഹായം ചെയ്യേണ്ടതെന്നും മേധാ പട്കർ വ്യക്തമാക്കി. ബിജെപി ഭരണമില്ലാത്ത സംസ്ഥാനങ്ങൾക്ക് ആവശ്യമായ സഹായങ്ങൾ കിട്ടുന്നില്ലെന്നും അവർ കൂട്ടിച്ചേർത്തു.
കോർപ്പറേറ്റുകളുടെ കോടികളുടെ കടം എഴുതിത്തള്ളുന്ന സർക്കാർ ദുരന്തബാധിതരുടെ കടവും എഴുതിത്തള്ളണമെന്നും, പരിസ്ഥിതി നിയമങ്ങൾ ദുർബലമാക്കരുതെന്നും അവർ ആവശ്യപ്പെട്ടു. കർഷക സമരത്തിൽ സിപിഎം ഒപ്പമുണ്ടായിരുന്നുവെങ്കിലും കേരളത്തിലും കർഷക ആത്മഹത്യകൾ ഉണ്ടെന്നും മേധാ പട്കർ ചൂണ്ടിക്കാട്ടി. സിപിഐയുടെ എതിര്പ്പ് കൂടി മറികടന്നാണ് സര്ക്കാര് തുരങ്കപാത പദ്ധതിയുമായി മുന്നോട്ട് പോകുന്നത്.
ടണല് പാതയുടെ പ്രവര്ത്തി രണ്ട് പാക്കേജുകളിലായി ടെന്ഡര് ചെയ്തു. പാലവും അപ്രോച്ച് റോഡും ഒന്നാമത്തെ പാക്കേജിലും ടണല്പാത നിര്മ്മാണം രണ്ടാമത്തെ പാക്കേജിലും ഉള്പ്പെടുത്തിയിട്ടുണ്ട്. ഉരുള്പൊട്ടലിന്റെ പശ്ചാത്തലത്തില് വയനാട് തുരങ്കപാതയെപ്പറ്റി മൂന്ന് വട്ടം ചിന്തിക്കണമെന്നും ശാസ്ത്രീയ പഠനം വേണമെന്നുമാണ് സിപിഐ സംസ്ഥാന സെക്രട്ടറി ബിനോയ് വിശ്വത്തിന്റെ നിലപാട്.
പദ്ധതിക്ക് 2043 കോടി രൂപയുടെ ഭരണാനുമതിയും 2134 കോടി രൂപയുടെ സാമ്പത്തികാനുമതിയും നേരത്തെ നല്കിയിരുന്നു. തുരങ്കപാതയ്ക്കായി ആകെ ഏറ്റെടുക്കേണ്ടതിന്റെ 90% ഭൂമിയും വയനാട് കോഴിക്കോട് ജില്ലകളിലായി ഏറ്റെടുത്ത് നിര്വഹണ ഏജന്സിയായ കൊങ്കണ് റെയില്വേ കോര്പ്പറേഷന് ലിമിറ്റഡിന് കൈമാറിയതായി സംസ്ഥാന സര്ക്കാര് നിയമസഭയില് അറിയിച്ചിരുന്നു.
Story Highlights: Medha Patkar criticizes Kerala government’s decision to proceed with Wayanad tunnel project despite landslide risks
വയനാട്ടിൽ യുഡിഎഫ് സ്ഥാനാർത്ഥിയുടെ വീട്ടിൽ നിന്ന് ഭക്ഷ്യക്കിറ്റുകൾ പിടികൂടി. കൽപ്പറ്റ നഗരസഭയിലെ അഞ്ചാം Read more
ആരോഗ്യ വകുപ്പ് മന്ത്രി വീണാ ജോർജ്ജ് മിത്ര 181 ഹെൽപ്പ് ലൈനിന്റെ പ്രാധാന്യം Read more
സംസ്ഥാനത്ത് സർക്കാർ ഓഫീസുകളുടെ പ്രവൃത്തി ദിനങ്ങൾ കുറയ്ക്കുന്നതുമായി ബന്ധപ്പെട്ട് ചർച്ചകൾ ആരംഭിക്കുന്നു. ഇതിന്റെ Read more
വയനാട്ടിലെ വനത്തിൽ അതിക്രമിച്ചു കയറിയ യൂട്യൂബർമാർക്കെതിരെ വനം വകുപ്പ് കേസെടുത്തു. അനുമതിയില്ലാതെ വന്യജീവികൾ Read more
വയനാട് കമ്പളക്കാട്, പറമ്പിൽ കോഴി കയറിയതിനെ ചൊല്ലിയുള്ള തർക്കത്തിൽ വയോദമ്പതികൾക്ക് അയൽവാസിയുടെ മർദ്ദനം. Read more
വയനാട് ബത്തേരിയിൽ യുവാവിനെ വെട്ടിക്കൊലപ്പെടുത്താൻ ശ്രമിച്ച കേസിൽ ഒരാൾ അറസ്റ്റിലായി. ബത്തേരി പൊലീസ് Read more
വയനാട് വെള്ളമുണ്ടിൽ ആദിവാസി സ്ത്രീകൾക്ക് വെട്ടേറ്റ സംഭവത്തിൽ പ്രതിയായ രാജുവിനെ പോലീസ് പിടികൂടി. Read more
വയനാട് പുൽപ്പള്ളി ചേകാടി ഗവ. എ.യു.പി സ്കൂളിലെ വിദ്യാർത്ഥികൾക്ക് ഭക്ഷ്യവിഷബാധ. കണ്ണൂരിൽ നിന്ന് Read more
വയനാട്ടിൽ രണ്ട് ആദിവാസി സ്ത്രീകൾക്ക് വെട്ടേറ്റു. കൊച്ചാറ ആദിവാസി ഉന്നതിയിലെ മാധവിക്കും മകൾ Read more
സംസ്ഥാനത്ത് ക്ഷേമപെൻഷൻ വിതരണം ചെയ്യുന്നതിനായി 1500 കോടി രൂപയുടെ വായ്പയെടുക്കാൻ സർക്കാർ തീരുമാനിച്ചു. Read more
