CPIM Leaders React to 'Masappadi' Case Allegations

മാസപ്പടി കേസിൽ സിപിഐഎം സംസ്ഥാന സെക്രട്ടറി എം വി ഗോവിന്ദൻ പ്രതികരിച്ചു. പാർട്ടിക്ക് ഈ വിഷയത്തിൽ ഒരു പ്രശ്നവുമില്ലെന്നും പാർട്ടിക്കെതിരെ ഉപയോഗിക്കുമ്പോഴാണ് രാഷ്ട്രീയമായി നേരിടുന്നതെന്നും അദ്ദേഹം വ്യക്തമാക്കി. കേസ് എന്ന നിലയിൽ തന്നെ കൈകാര്യം ചെയ്യുമെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പാർട്ടിയെ ആക്രമിക്കാനാണ് ബിജെപി ഈ നടപടിക്ക് ഇത്രയും കാലം കാത്തുനിന്നതെന്ന് പോളിറ്റ് ബ്യൂറോ അംഗം എംഎ ബേബി പറഞ്ഞു. ഓരോ കേസിനെയും അതിൻ്റെ സാഹചര്യത്തിൽ വേണം മനസ്സിലാക്കാനും അഭിമുഖീകരിക്കാനും. കേരളത്തിലെ ഇടതുപക്ഷ ജനാധിപത്യ മുന്നണി ഗവൺമെന്റിനെയും സിപിഐഎമ്മിനെയും ആക്രമിക്കാനുള്ള പദ്ധതിയുടെ ഭാഗമാണിത്. സിപിഐഎമ്മിന്റെ ഏറ്റവും സമുന്നതനായ നേതാവിനുമെതിരെയുള്ള ആക്രമണമാണിതെന്നും അദ്ദേഹം കൂട്ടിച്ചേർത്തു.

സിപിഐഎമ്മിനെ എതിർക്കാൻ യുഡിഎഫിനും ബിജെപിക്കും മറ്റായുധങ്ങളില്ലാത്തതിനാലാണ് ഈ കേസ് കൊണ്ടുവരുന്നതെന്ന് എ വിജയരാഘവൻ പറഞ്ഞു. സിപിഐഎമ്മിനെ നേരിട്ട് തോൽപ്പിക്കാൻ കഴിയാത്ത സാഹചര്യത്തിൽ അവർ ഉപയോഗിക്കുന്ന പൊതുരീതിയാണിതെന്നും അദ്ദേഹം കൂട്ടിച്ചേർത്തു. ഇതിന് മുന്നിൽ തോറ്റു വഴങ്ങാൻ ആരും ഉദ്ദേശിക്കുന്നില്ലെന്നും അദ്ദേഹം വ്യക്തമാക്കി.

മൂന്ന് കോടതി അഴിമതിയില്ലെന്ന് പറഞ്ഞതാണെന്നും കേസ് രാഷ്ട്രീയ പ്രേരിതമാണെന്നും എ കെ ബാലൻ പറഞ്ഞു. ഇതിൽ കെണിയിൽ പോകുന്നത് പിണറായി വിജയനോ വീണയോ ആയിരിക്കില്ലെന്നും മറ്റു ചിലരായിരിക്കുമെന്നും അദ്ദേഹം കൂട്ടിച്ചേർത്തു. നിലവിലെ കേസ് ഡൽഹി ഹൈക്കോടതിയുടെ മുൻപാകെ പരിഗണനയിലിരിക്കുന്നതാണ്. ആ കേസിന്റെ ഉത്തരവ് വരുന്നതിന് മുൻപാണ് എസ്എഫ്ഐഒ കുറ്റപത്രം കൊടുത്തതെന്നും അദ്ദേഹം വ്യക്തമാക്കി.

വീണാ വിജയൻ വിവാദം: മുഖ്യമന്ത്രി രാജിവയ്ക്കണമെന്ന് വിഡി സതീശൻ

മുഖ്യമന്ത്രിയുടെ മകൾ വീണ വിജയനെയും സി.എം.ആർ.എൽ എം.ഡി ശശിധരൻ കർത്തയെയും പ്രതി ചേർത്താണ് എസ്.എഫ്.ഐ.ഒയുടെ കുറ്റപത്രം. സേവനമൊന്നും നൽകാതെ വീണാ വിജയൻ 2.70 കോടി രൂപ കൈപ്പറ്റിയെന്നാണ് കണ്ടെത്തൽ. കേസിൽ വീണ വിജയൻ, ശശിധരൻ കർത്ത എന്നിവർക്ക് പുറമേ സി.എം.ആർ.എൽ സി.ജി.എം ഫിനാൻസ് പി സുരേഷ് കുമാറിനെതിരെയും കേന്ദ്ര കമ്പനി കാര്യമന്ത്രാലയം പ്രോസിക്യൂഷന് അനുമതി നൽകി.

കമ്പനി കാര്യ ചട്ടം 447 ആം വകുപ്പ് ചുമത്തിയാണ് ഇവർക്കെതിരെ കേസെടുത്തിരിക്കുന്നത്. ആറുമാസം മുതൽ 10 വർഷം വരെ തടവ് ശിക്ഷ കിട്ടാവുന്ന കുറ്റമാണിത്. വെട്ടിപ്പ് നടത്തിയ തുകയോ അതിന്റെ മൂന്നിരട്ടിയോ പിഴയായും ചുമത്താമെന്നും കുറ്റപത്രത്തിൽ പറയുന്നു.

Story Highlights: CPIM leaders react to the ‘Masappadi’ case involving Veena Vijayan, stating the party will address it politically and legally.

വീണാ വിജയനെതിരെ രൂക്ഷവിമർശനവുമായി എൻ കെ പ്രേമചന്ദ്രൻ എംപി