Maranamaas: Basil Joseph's dark comedy to release on April 10

ഏപ്രിൽ 10 ന് തിയേറ്ററുകളിൽ എത്തുന്ന ‘മരണമാസ്’ എന്ന ചിത്രത്തിന്റെ റിലീസ് പ്രഖ്യാപിച്ചു. നവാഗതനായ ശിവപ്രസാദ് സംവിധാനം ചെയ്യുന്ന ഈ ചിത്രം ടോവിനോ തോമസ് പ്രൊഡക്ഷൻസിന്റെ ബാനറിൽ നിർമ്മിക്കുന്നു. ബേസിൽ ജോസഫ് ആണ് ചിത്രത്തിലെ നായകൻ. ഡാർക്ക് ഹ്യൂമർ ജോണറിൽ ഒരുങ്ങുന്ന ചിത്രത്തിൽ സിജു സണ്ണി, സുരേഷ് കൃഷ്ണ എന്നിവരും പ്രധാന വേഷങ്ങളിൽ എത്തുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സിജു സണ്ണി കഥ രചിച്ച ചിത്രത്തിന്റെ തിരക്കഥയും സംഭാഷണവും സിജു സണ്ണിയും സംവിധായകൻ ശിവപ്രസാദും ചേർന്നാണ് നിർവഹിച്ചിരിക്കുന്നത്. ആദ്യം മുതൽ അവസാനം വരെ ഹാസ്യത്തിന് പ്രാധാന്യം നൽകുന്ന ചിത്രമായിരിക്കും ഇതെന്ന് ട്രെയിലർ സൂചന നൽകുന്നു. ചിത്രത്തിന്റെ പ്രമോഷന്റെ ഭാഗമായി പുറത്തിറങ്ങിയ സുരേഷ് കൃഷ്ണയുടെ നൃത്തരംഗങ്ങൾ സമൂഹമാധ്യമങ്ങളിൽ വൈറലായിരുന്നു.

1990 ൽ ദൂരദർശനിൽ സംപ്രേക്ഷണം ചെയ്ത ‘നൊമ്പരം’ എന്ന സീരിയലിലൂടെയാണ് സുരേഷ് കൃഷ്ണ അഭിനയരംഗത്തേക്ക് കടന്നുവരുന്നത്. തുടർന്ന് നിരവധി ജനപ്രിയ പരമ്പരകളിലും സിനിമകളിലും അദ്ദേഹം അഭിനയിച്ചു. മലയാളത്തിനു പുറമെ തമിഴിലും തെലുങ്കിലും സുരേഷ് കൃഷ്ണ അഭിനയിച്ചിട്ടുണ്ട്.

‘ക്രിസ്ത്യൻ ബ്രദേഴ്സ്’, ‘പഴശ്ശിരാജ’, ‘കുട്ടിസ്രാങ്ക്’ തുടങ്ങിയ ചിത്രങ്ങളിലെ വേഷങ്ങൾ ശ്രദ്ധേയമാണ്. ട്രെൻഡിങ് ലിസ്റ്റിൽ കയറിയ കൺവിൻസിങ് സ്റ്റാർ കൂടിയാണ് സുരേഷ് കൃഷ്ണ. ക്രിസ്ത്യൻ ബ്രദേഴ്സിലെ ജോർജ് കുട്ടി എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.

2007 ൽ ഗുജറാത്ത് കലാപത്തെ വിമർശിച്ച മമ്മൂട്ടി; സിനിമാ പോസ്റ്ററിൽ കരി ഓയിൽ ഒഴിച്ചും അധിക്ഷേപിച്ചും അന്ന് പ്രതികരിച്ച യുവ മോർച്ച

റിലീസ് തിയതി പ്രഖ്യാപിച്ച പോസ്റ്ററിൽ ചിരിച്ചുകൊണ്ട് ബസിനകത്ത് നിൽക്കുന്ന സുരേഷ് കൃഷ്ണയുടെയും സിജു സണ്ണിയുടെയും ദേഹത്ത് രക്തക്കറ പറ്റിയിരിക്കുന്നത് കാണാം. ബസിന്റെ സീറ്റിനടിയിൽ ഒരു മൃതദേഹവും കിടപ്പുണ്ട്. കോമഡി സസ്പെൻസ് ത്രില്ലറാകാം ചിത്രമെന്ന സൂചനയാണ് ഇത് നൽകുന്നത്.

ടോവിനോ തോമസ്, റാഫേൽ പൊഴോലിപറമ്പിൽ, ടിങ്സ്റ്റൺ തോമസ്, തൻസീർ സലാം എന്നിവർ ചേർന്നാണ് ചിത്രം നിർമ്മിക്കുന്നത്. ബേസിൽ ജോസഫിനൊപ്പം രാജേഷ് മാധവൻ, പുളിയൻ പൗലോസ്, ബാബു ആന്റണി, അനിഷ്മ അനിൽകുമാർ തുടങ്ങിയവരും ചിത്രത്തിൽ അഭിനയിക്കുന്നു. ഗോകുൽനാഥ് ജിയാണ് എക്സിക്യൂട്ടീവ് പ്രൊഡ്യൂസർ.

ഛായാഗ്രഹണം നീരജ് രവിയും സംഗീതം ജയ് ഉണ്ണിത്താനും എഡിറ്റിംഗ് ചമൻ ചാക്കോയും നിർവഹിക്കുന്നു. വിനായക് ശശികുമാർ ആണ് ഗാനരചന. ഐക്കൺ സിനിമാസ് ആണ് ചിത്രത്തിന്റെ വിതരണം.

Story Highlights: Basil Joseph starrer ‘Maranamaas’, directed by debutant Sivaprasad and produced by Tovino Thomas, is set to release on April 10.

ബേസിൽ ജോസഫിന്റെ ‘മരണമാസ്’ ഏപ്രിൽ 10 ന് തിയേറ്ററുകളിൽ