ഏപ്രിൽ 10 ന് തിയേറ്ററുകളിൽ എത്തുന്ന ‘മരണമാസ്’ എന്ന ചിത്രത്തിന്റെ റിലീസ് പ്രഖ്യാപിച്ചു. നവാഗതനായ ശിവപ്രസാദ് സംവിധാനം ചെയ്യുന്ന ഈ ചിത്രം ടോവിനോ തോമസ് പ്രൊഡക്ഷൻസിന്റെ ബാനറിൽ നിർമ്മിക്കുന്നു. ബേസിൽ ജോസഫ് ആണ് ചിത്രത്തിലെ നായകൻ. ഡാർക്ക് ഹ്യൂമർ ജോണറിൽ ഒരുങ്ങുന്ന ചിത്രത്തിൽ സിജു സണ്ണി, സുരേഷ് കൃഷ്ണ എന്നിവരും പ്രധാന വേഷങ്ങളിൽ എത്തുന്നു.
സിജു സണ്ണി കഥ രചിച്ച ചിത്രത്തിന്റെ തിരക്കഥയും സംഭാഷണവും സിജു സണ്ണിയും സംവിധായകൻ ശിവപ്രസാദും ചേർന്നാണ് നിർവഹിച്ചിരിക്കുന്നത്. ആദ്യം മുതൽ അവസാനം വരെ ഹാസ്യത്തിന് പ്രാധാന്യം നൽകുന്ന ചിത്രമായിരിക്കും ഇതെന്ന് ട്രെയിലർ സൂചന നൽകുന്നു. ചിത്രത്തിന്റെ പ്രമോഷന്റെ ഭാഗമായി പുറത്തിറങ്ങിയ സുരേഷ് കൃഷ്ണയുടെ നൃത്തരംഗങ്ങൾ സമൂഹമാധ്യമങ്ങളിൽ വൈറലായിരുന്നു.
1990 ൽ ദൂരദർശനിൽ സംപ്രേക്ഷണം ചെയ്ത ‘നൊമ്പരം’ എന്ന സീരിയലിലൂടെയാണ് സുരേഷ് കൃഷ്ണ അഭിനയരംഗത്തേക്ക് കടന്നുവരുന്നത്. തുടർന്ന് നിരവധി ജനപ്രിയ പരമ്പരകളിലും സിനിമകളിലും അദ്ദേഹം അഭിനയിച്ചു. മലയാളത്തിനു പുറമെ തമിഴിലും തെലുങ്കിലും സുരേഷ് കൃഷ്ണ അഭിനയിച്ചിട്ടുണ്ട്.
‘ക്രിസ്ത്യൻ ബ്രദേഴ്സ്’, ‘പഴശ്ശിരാജ’, ‘കുട്ടിസ്രാങ്ക്’ തുടങ്ങിയ ചിത്രങ്ങളിലെ വേഷങ്ങൾ ശ്രദ്ധേയമാണ്. ട്രെൻഡിങ് ലിസ്റ്റിൽ കയറിയ കൺവിൻസിങ് സ്റ്റാർ കൂടിയാണ് സുരേഷ് കൃഷ്ണ. ക്രിസ്ത്യൻ ബ്രദേഴ്സിലെ ജോർജ് കുട്ടി എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.
റിലീസ് തിയതി പ്രഖ്യാപിച്ച പോസ്റ്ററിൽ ചിരിച്ചുകൊണ്ട് ബസിനകത്ത് നിൽക്കുന്ന സുരേഷ് കൃഷ്ണയുടെയും സിജു സണ്ണിയുടെയും ദേഹത്ത് രക്തക്കറ പറ്റിയിരിക്കുന്നത് കാണാം. ബസിന്റെ സീറ്റിനടിയിൽ ഒരു മൃതദേഹവും കിടപ്പുണ്ട്. കോമഡി സസ്പെൻസ് ത്രില്ലറാകാം ചിത്രമെന്ന സൂചനയാണ് ഇത് നൽകുന്നത്.
ടോവിനോ തോമസ്, റാഫേൽ പൊഴോലിപറമ്പിൽ, ടിങ്സ്റ്റൺ തോമസ്, തൻസീർ സലാം എന്നിവർ ചേർന്നാണ് ചിത്രം നിർമ്മിക്കുന്നത്. ബേസിൽ ജോസഫിനൊപ്പം രാജേഷ് മാധവൻ, പുളിയൻ പൗലോസ്, ബാബു ആന്റണി, അനിഷ്മ അനിൽകുമാർ തുടങ്ങിയവരും ചിത്രത്തിൽ അഭിനയിക്കുന്നു. ഗോകുൽനാഥ് ജിയാണ് എക്സിക്യൂട്ടീവ് പ്രൊഡ്യൂസർ.
ഛായാഗ്രഹണം നീരജ് രവിയും സംഗീതം ജയ് ഉണ്ണിത്താനും എഡിറ്റിംഗ് ചമൻ ചാക്കോയും നിർവഹിക്കുന്നു. വിനായക് ശശികുമാർ ആണ് ഗാനരചന. ഐക്കൺ സിനിമാസ് ആണ് ചിത്രത്തിന്റെ വിതരണം.
Story Highlights: Basil Joseph starrer ‘Maranamaas’, directed by debutant Sivaprasad and produced by Tovino Thomas, is set to release on April 10.
നടനും സംവിധായകനുമായ ബേസിൽ ജോസഫ്, മമ്മൂട്ടിയുടെ വീട്ടിൽ കുടുംബത്തോടൊപ്പം ചിലവഴിച്ച മനോഹരമായ നിമിഷങ്ങൾ Read more
"വേഫറെർ ഫിലിംസ് നിർമ്മിച്ച "ലോകം ചാപ്റ്റർ ടു" വിൻ്റെ പ്രൊമോ വീഡിയോ യൂട്യൂബിൽ Read more
മലയാള സിനിമയുടെ അഭിമാനമായ ലോകം (ചാപ്റ്റർ 1: ചന്ദ്ര) രണ്ടാം ഭാഗത്തിലേക്ക്. ചിത്രത്തിൻ്റെ Read more
ദുൽഖർ സൽമാൻ നിർമ്മിച്ച് കല്ല്യാണി പ്രിയദർശൻ അഭിനയിച്ച ലോകം ചാപ്റ്റർ വൺ എന്ന Read more
മലയാളികളുടെ പ്രിയപ്പെട്ട നടനും സംവിധായകനുമായ ബേസിൽ ജോസഫ് പുതിയ സംരംഭത്തിന് തുടക്കം കുറിച്ചു. Read more
ബോക്സോഫീസിൽ തരംഗം സൃഷ്ടിച്ച് മുന്നേറുന്ന 'ലോക: ചാപ്റ്റർ വൺ- ചന്ദ്ര' എന്ന സിനിമയിൽ Read more
പ്രശാന്ത് നീൽ സംവിധാനം ചെയ്യുന്ന പുതിയ ചിത്രത്തിൽ ടൊവിനോ തോമസും ബിജു മേനോനും Read more
'നരിവേട്ട' കൂടാതെ 'മൂൺവാക്ക്' എന്ന ചിത്രവും ഈ മാസം ഒടിടിയിൽ എത്തുന്ന ശ്രദ്ധേയമായ Read more
സിനിമ മേഖലയിൽ ലഹരിയുടെ ഉപയോഗം വലിയ വിപത്താണെന്ന് പൃഥ്വിരാജ് സുകുമാരൻ. ലഹരി ഉപയോഗിച്ചാൽ Read more
ബേസിൽ ജോസഫ് തന്റെ കരിയറിനെക്കുറിച്ചും കുഞ്ഞിരാമായണം സിനിമയെക്കുറിച്ചും സംസാരിക്കുന്നു. വിനീത് ശ്രീനിവാസന്റെ സിനിമയിൽ Read more
