ചരിത്രം കുറിച്ച് മരക്കാർ ; റിലീസിന് മുൻപ് 100 കോടി ക്ലബ്ബിൽ ഇടം നേടി.

റിലീസിന് മുൻപ് 100 കോടി ക്ലബ്ബിൽ ഇടം നേടി ചരിത്രം കുറിച്ചിരിക്കയാണ്  മരക്കാർ അറബിക്കടലിന്റെ സിംഹം.റിസർവേഷനിലൂടെ മാത്രം 100 കോടി നേടാൻ ചിത്രത്തിന് കഴിഞ്ഞു.

ലോകമെമ്പാടുമുള്ള 4100 തീയറ്ററുകളിലൂടെയാണ് മരക്കാർ നാളെ മുതൽ പ്രദർശനത്തിനെത്തുന്നത്.അഞ്ച് ഭാഷകളിലാണ് ചിത്രം പ്രേക്ഷകരിലേക്കെത്തുന്നത്.ദിവസേന 16,000 ഷോകളാണ് ചിത്രത്തിന് ഉണ്ടാവുക.

ലോകമെമ്പാടുമുള്ള പ്രീബുക്കിംഗ് കളക്ഷനിൽ നിന്നാണ് ഈ നേട്ടം കൈവരിക്കാൻ കഴിഞ്ഞത്.മരക്കാർ റിലീസ് തീയതി പ്രഖ്യാപിച്ചതു മുതൽ തന്നെ പ്രീ ബുക്കിംഗ് ആരംഭിച്ചിരുന്നു.അങ്ങനെയാണ് റിസർവേഷനിലൂടെ മാത്രമായി മരക്കാർ ഈ നേട്ടം കരസ്ഥമാക്കിയത്.

‘നാളെ കുഞ്ഞാലിയുടേയും മലയാള സിനിമയുടേയും ചരിത്ര ദിവസമാണെന്ന് നടൻ മോഹൻലാലും ഫെയ്‌സ്ബുക്കിൽ കുറിച്ചു.കേരളത്തിലെ 631 റിലീസിങ് സ്‌ക്രീനുകളിൽ 626 സ്‌ക്രീനുകളിലും നാളെ മരക്കാർ ആണ് റിലീസ് ചെയ്യുന്നത്.കേരളത്തിൽ ഇത്രധികം സ്‌ക്രീനുകളിൽ ഒരു സിനിമ റിലീസ് ചെയ്യുന്നത് ഇതാദ്യമായാണ്.

കഴിഞ്ഞ വർഷം റിലീസിന് എത്തേണ്ടിയിരുന്ന ചിത്രമായ മരക്കാർ ഏറെ നാളത്തെ കാത്തിരിപ്പിന് വിരാമമിട്ടാണ് നാളെ തീയേറ്ററുകളിൽ എത്തുന്നത്.പ്രിയദർശന്റെ സംവിധാന മികവിൽ ഒരുങ്ങിയ ചിത്രം ആറ് ദേശീയ പുരസ്‌കാരങ്ങൾ സ്വന്തമാക്കിയിട്ടുണ്ട്.

ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ്  ചിത്രം നിർമിച്ചിരിക്കുന്നത്. പ്രണവ് മോഹൻലാൽ, അർജുൻ, സുനിൽ ഷെട്ടി, പ്രഭു, മഞ്ജു വാര്യർ, സുഹാസിനി, കല്യാണി പ്രിയദർശൻ, ഫാസിൽ, സിദ്ദിഖ്, നെടുമുടി വേണു, ഇന്നസെന്റ് തുടങ്ങി വൻ താരനിര ചിത്രത്തിൽ അണിനിരക്കുന്നു.

Story highlight : ‘Marakkar Arabikkadalinte Simham’ gets a place in 100 crore club before its release.