കുമളിയിലെ അറുപ്പത്തിയാറാം മൈലിന് സമീപം ഇന്ന് രാത്രി ഒരു ദാരുണ അപകടം സംഭവിച്ചു. ഓടിക്കൊണ്ടിരുന്ന കാറിന് തീപിടിച്ച് ഡ്രൈവർ മരണപ്പെട്ടു. ദൃക്സാക്ഷികളുടെ വിവരണം അനുസരിച്ച്, കാർ ആദ്യം ഒരു ബൈക്കിലിടിച്ച ശേഷമാണ് തീപിടുത്തമുണ്ടായത്.
അപകടത്തിൽപ്പെട്ട ബൈക്ക് യാത്രികനാണ് ഫയർ ഫോഴ്സിനെ വിവരമറിയിച്ചത്. സ്ഥലത്തെത്തിയ ഫയർഫോഴ്സ് തീയണച്ചെങ്കിലും കാർ പൂർണമായും കത്തിനശിച്ചിരുന്നു. കാറിനുള്ളിൽ ഡ്രൈവർ മാത്രമാണ് ഉണ്ടായിരുന്നതെന്നാണ് റിപ്പോർട്ട്. എന്നാൽ മരിച്ചയാളെ ഇതുവരെ തിരിച്ചറിഞ്ഞിട്ടില്ല.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
പൊലീസ് അധികൃതർ സ്ഥലത്തെത്തി പരിശോധന നടത്തി. മൃതദേഹം ആശുപത്രിയിലേക്ക് മാറ്റിയതായി പൊലീസ് അറിയിച്ചു. അപകടത്തിന്റെ കാരണം കണ്ടെത്താനും മരിച്ചയാളെ തിരിച്ചറിയാനുമുള്ള ശ്രമങ്ങൾ തുടരുകയാണ്. ഈ ദുരന്തം ഇടുക്കി ജില്ലയിലെ കുമളി പ്രദേശത്തെ ഞെട്ടിച്ചിരിക്കുകയാണ്.
