Mammootty congratulates state and national film award winners

സംസ്ഥാന, ദേശീയ ചലച്ചിത്ര പുരസ്കാര ജേതാക്കൾക്ക് അഭിനന്ദനം അറിയിച്ച് മെഗാസ്റ്റാർ മമ്മൂട്ടി രംഗത്തെത്തി. സോഷ്യൽ മീഡിയയിലൂടെയാണ് അദ്ദേഹം അഭിനന്ദനക്കുറിപ്പ് പങ്കുവെച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുരസ്കാര പ്രഖ്യാപനത്തിന് തൊട്ടുപിന്നാലെയായിരുന്നു മമ്മൂട്ടിയുടെ പ്രതികരണം. ‘ദേശീയ, സംസ്ഥാന ചലച്ചിത്ര പുരസ്കാരങ്ങൾ നേടിയ എല്ലാവർക്കും അഭിനന്ദനങ്ങൾ’ എന്നായിരുന്നു ഫെയ്സ്ബുക്കിലൂടെ അദ്ദേഹം പങ്കുവെച്ച കുറിപ്പ്.

ഈ വർഷത്തെ പുരസ്കാര മത്സരത്തിൽ മമ്മൂട്ടിയും പങ്കെടുത്തിരുന്നു. കാതൽ, കണ്ണൂർ സ്ക്വാഡ് എന്നീ ചിത്രങ്ങളിലെ പ്രകടനത്തിലൂടെയാണ് മമ്മൂട്ടി മികച്ച നടനുള്ള മത്സരത്തിൽ പങ്കെടുത്തത്.

ദേശീയ പുരസ്കാരത്തിൽ കാന്താര എന്ന ചിത്രത്തിലൂടെ റിഷഭ് ഷെട്ടിയും, സംസ്ഥാന പുരസ്കാരത്തിൽ ആടുജീവിതത്തിലെ പ്രകടനത്തിന് പൃഥ്വിരാജുമായിരുന്നു മമ്മൂട്ടിക്കൊപ്പം മത്സരത്തിനുണ്ടായിരുന്നത്. മമ്മൂട്ടിയുടെ അഭിനന്ദന കുറിപ്പിന് നിരവധി പ്രതികരണങ്ങളാണ് ലഭിച്ചത്.

‘ഞങ്ങൾ ആത്മാർഥമായി അങ്ങേയ്ക്ക് ലഭിയ്ക്കുമെന്ന് വിശ്വസിച്ചു, ഞങ്ങളുടെ മനസ്സിൽ അങ്ങ് തന്നെയാണ് മികച്ച അഭിനേതാവ്’ എന്നായിരുന്നു ഒരു ആരാധകന്റെ കമന്റ്. ജനങ്ങളുടെ സ്നേഹമാണ് മമ്മൂട്ടിക്ക് കിട്ടാവുന്ന ഏറ്റവും വലിയ പുരസ്കാരമെന്നും മറ്റൊരു ആരാധകൻ പ്രതികരിച്ചു.

കൈരളി രജത ജൂബിലി: മുഖ്യമന്ത്രി പിണറായി വിജയനുമായി സംവദിച്ച് മമ്മൂട്ടി

Story Highlights: Mammootty congratulates state and national film award winners through social media

മമ്മൂട്ടി കമ്പനിയുടെ ആദ്യ ഹ്രസ്വചിത്രം ‘ആരോ’ യൂട്യൂബിൽ റിലീസ് ചെയ്തു