Mammootty Shares Memories of Dulquer Buying Him Clothes

മലയാളികളുടെ പ്രിയ നടൻ മമ്മൂട്ടി ഫാഷൻ ലോകത്തും തന്റേതായ വ്യക്തിമുദ്ര പതിപ്പിച്ച താരമാണ്. മമ്മൂക്കയുടെ സ്റ്റൈൽ എപ്പോഴും ട്രെൻഡിംഗ് ആകാറുണ്ട്. ഇപ്പോഴിതാ മമ്മൂക്കയുടെ ഒരു പഴയകാല അഭിമുഖമാണ് സോഷ്യൽ മീഡിയയിൽ ശ്രദ്ധ നേടുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുടുംബമാണ് തന്റെ ഫാഷൻ സെൻസിന് പിന്നിലെന്നും, ഭാര്യയും മക്കളുമാണ് നന്നായി ഒരുങ്ങാൻ പ്രേരിപ്പിക്കുന്നതെന്നും മമ്മൂട്ടി പറയുന്നു. മമ്മൂട്ടി കൈരളി ടിവിക്ക് നൽകിയ അഭിമുഖത്തിലെ പ്രസക്ത ഭാഗങ്ങൾ വീണ്ടും വൈറലാവുകയാണ്.

ദുൽഖർ വിദേശത്ത് പഠിക്കുന്ന സമയത്ത് തനിക്ക് ഡ്രസ് വാങ്ങി നൽകാറുണ്ടെന്ന് മമ്മൂട്ടി ആ അഭിമുഖത്തിൽ ഓർത്തെടുത്തു. മകൻ പഠിക്കുമ്പോൾ അവന് നൽകുന്ന പൈസയിൽ നിന്നുമൊരു പങ്ക് തനിക്കുള്ള വസ്ത്രങ്ങൾക്കായി അവൻ മാറ്റി വെക്കുമായിരുന്നു.

ഷൂട്ടിംഗ് തിരക്കുകൾക്കിടയിലും കുടുംബത്തിന് വേണ്ടി സമയം കണ്ടെത്താറുണ്ടെന്ന് മമ്മൂട്ടി പറയുന്നു. എല്ലാ ദിവസവും രാത്രിയിൽ മക്കളുമായി ഇന്റർനെറ്റ് വഴി സംസാരിക്കാറുണ്ടെന്നും അദ്ദേഹം കൂട്ടിച്ചേർത്തു.

അഭിമുഖത്തിൽ മമ്മൂട്ടി തന്റെ കുടുംബത്തെക്കുറിച്ചും അവരുടെ ഇഷ്ടങ്ങളെക്കുറിച്ചും വാചാലനായി. കുടുംബാംഗങ്ങളുടെ പിന്തുണയാണ് തന്റെ ജീവിതത്തിലെ ഏറ്റവും വലിയ പ്രചോദനമെന്നും മമ്മൂട്ടി വ്യക്തമാക്കി.

ബാറ്റ്മാൻ 2: ചിത്രീകരണം 2026ൽ ആരംഭിക്കുമെന്ന് മാറ്റ് റീവ്സ്