Mammootty and Mohanlal collaboration hinted in viral post

മമ്മൂട്ടിയും മോഹൻലാലും ഒരുമിച്ച് സ്ക്രീനിൽ എത്തുന്നുവെന്ന അഭ്യൂഹങ്ങൾ ശരിയാണെന്ന് തെളിയിക്കുന്ന ഒരു പോസ്റ്റ് ആന്റണി പെരുമ്പാവൂർ തന്റെ ഫേസ്ബുക്ക് അക്കൗണ്ടിലൂടെ പുറത്തുവിട്ടിരിക്കുകയാണ്. ‘മമ്മൂട്ടി കമ്പനിയ്ക്ക് കൈ കൊടുത്ത് ആശിർവാദ് സിനിമാസ്’ എന്ന ക്യാപ്ഷനോടെയുള്ള ഈ പോസ്റ്റിൽ മമ്മൂട്ടിയും മോഹൻലാലും ആന്റണി പെരുമ്പാവൂരും ഒന്നിച്ചു നിൽക്കുന്ന ഫോട്ടോയും കാണാം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നിമിഷനേരം കൊണ്ട് ഈ ചിത്രങ്ങൾ വൈറലായി. ഇരു താരങ്ങളുടെയും ആരാധകർ ഏറെ ആവേശത്തിലാണ്.

ഇരുവരും ഒരുമിച്ച് ഒരു ചിത്രം ഉടൻ സംഭവിക്കുമെന്ന പ്രതീക്ഷയിലാണ് ആരാധകർ. ഏത് സംവിധായകന്റെ ചിത്രമാണെന്നും മലയാളത്തിലെ ഏറ്റവും വലിയ കൊളാബ്രേഷൻ ആണോ എന്നുമുള്ള സംശയങ്ങൾ കൊണ്ട് സമ്പന്നമാണ് കമന്റ്റ് ബോക്സ്.

മമ്മൂട്ടി കമ്പനി നിർമിക്കുന്ന ചിത്രത്തിൽ മോഹൻലാൽ പ്രധാന വേഷത്തിൽ അഭിനയിക്കുമെന്നും മോഹൻലാലിന്റെ ആശിർവാദ് സിനിമാസിന്റെ ചിത്രത്തിൽ മമ്മൂട്ടിയും അഭിനയിക്കാനൊരുങ്ങുന്നു എന്ന റിപ്പോർട്ടുകളും പുറത്തുവരുന്നുണ്ട്. 2008-ൽ പുറത്തിറങ്ങിയ ട്വന്റി-ട്വന്റിയാണ് ഇരുവരുടെയും അവസാന ഒരുമിച്ചുള്ള ചിത്രം.

വീണ്ടും കസ്റ്റംസ് ചോദ്യം ചെയ്യൽ; ഇടനില നിന്നിട്ടില്ലെന്ന് അമിത് ചക്കാലക്കൽ

ഇരുവരും വീണ്ടും ഒന്നിക്കുമ്പോൾ അതൊരു വലിയ ആവേശമായിരിക്കും എന്ന കാര്യത്തിൽ ഒരു തർക്കവും ഇല്ല. മലയാള സിനിമയിലെ രണ്ട് വമ്പന്മാരുടെ ഈ സഹകരണം ഏറെ പ്രതീക്ഷയോടെയാണ് ആരാധകർ കാത്തിരിക്കുന്നത്.

Story Highlights: Mammootty and Mohanlal collaboration hinted by Anthony Perumbavoor’s viral Facebook post

ദാദാ ഫാൽക്കെ പുരസ്കാരം മലയാളത്തിന് സമർപ്പിച്ച് മോഹൻലാൽ