Malayali pilot dies in helicopter crash near Pune, Maharashtra

മഹാരാഷ്ട്രയിലെ പൂനെയ്ക്ക് സമീപം ബവധൻ മേഖലയിൽ ഹെലികോപ്റ്റർ അപകടത്തിൽ മലയാളിയായ പൈലറ്റ് മരിച്ചു. കൊല്ലം കുണ്ടറ സ്വദേശിയായ ഗിരീഷ് പിള്ളയാണ് അപകടത്തിൽ കൊല്ലപ്പെട്ടത്. ഇന്ന് രാവിലെ ആറരയോടെയാണ് അപകടം സംഭവിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൈലറ്റുമാരും എഞ്ചിനീയറുമുൾപ്പെടെ മൂന്നുപേരാണ് ഹെലികോപ്റ്ററിൽ ഉണ്ടായിരുന്നത്. ഓക്സ്ഫോർഡ് ഗോൾഫ് ക്ലബ്ബിൻ്റെ ഹെലിപാഡിൽ നിന്ന് പറന്നുയർന്ന ഹെലികോപ്റ്റർ ബവധനിലെ ബറുക്ക് മേഖലയിലെ കുന്നിൻ മുകളിൽ തകർന്നുവീണ് പൂർണമായും കത്തിയമർന്നു. പ്രദേശത്തെ കനത്ത മൂടൽമഞ്ഞ് പൈലറ്റിന്റെ കാഴ്ച മറച്ചിരിക്കാമെന്നാണ് പ്രാഥമിക നിഗമനം.

മൃതദേഹങ്ങൾ പൂനെയിലെ ആശുപത്രിയിലാണ്. പോസ്റ്റുമോർട്ടം അടക്കമുള്ള നടപടിക്രമങ്ങൾ പുരോഗമിക്കുകയാണ്. വ്യോമസേനയിൽ ദീർഘകാലം പൈലറ്റായി സേവനമനുഷ്ഠിച്ചിട്ടുള്ളയാളാണ് മരിച്ച ഗിരീഷ് പിള്ള.

പിന്നീട് ഡൽഹി ആസ്ഥാനമാക്കിയുള്ള ഒരു കമ്പനിയുടെ ഹെലികോപ്റ്റർ പറത്തുകയായിരുന്നു. ചൊവ്വാഴ്ച എൻസിപി നേതാവ് സുനിൽ തറ്റ്ക്കറെ സഞ്ചരിച്ച അതേ ഹെലികോപ്ടറാണ് അപകടത്തിൽപ്പെട്ടത്. ഇന്നലെ രാത്രി നൈറ്റ് ഹോൾട്ടിനായി ഈ പ്രദേശത്ത് ഹെലികോപ്റ്റർ നിർത്തിയിരുന്നു.

ധീരജിനെ കുത്തിയ കത്തിക്ക് പുഷ്പചക്രം; യൂത്ത് കോൺഗ്രസിന് കെ.കെ. രാഗേഷിന്റെ മുന്നറിയിപ്പ്

Story Highlights: Helicopter crash in Pune claims life of Malayali pilot Gireesh Pillai from Kollam

ഉത്തരാഖണ്ഡിൽ ഹെലികോപ്റ്റർ അപകടം; 5 മരണം