'Loka Chapter 1: Chandra' Breaks Records as Top Malayalam Movie

മലയാള സിനിമയുടെ ചരിത്രത്തിൽ പുതിയ റെക്കോർഡ് കുറിച്ചുകൊണ്ട് ‘ലോക ചാപ്റ്റർ 1 : ചന്ദ്ര’ മുന്നേറുന്നു. ആഗോളതലത്തിൽ ഏറ്റവും കൂടുതൽ കളക്ഷൻ നേടുന്ന മലയാള സിനിമയായി ചിത്രം മാറി. ദുല്ഖര് സല്മാന്റെ വേഫെറര് ഫിലിംസാണ് ഈ സിനിമയുടെ നിർമ്മാണം നിർവഹിച്ചിരിക്കുന്നത്. ചിത്രത്തിലെ ഗാനങ്ങളും പശ്ചാത്തല സംഗീതവും ഇതിനോടകം തന്നെ വലിയ പ്രേക്ഷക പ്രശംസ നേടിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചിത്രം ഓഗസ്റ്റ് 28-ന് റിലീസ് ചെയ്തതിന് പിന്നാലെ ഇതിലെ ഗാനങ്ങൾ ശ്രദ്ധിക്കപ്പെട്ടിരുന്നു. ഇതിന്റെ ഭാഗമായി കഴിഞ്ഞ ദിവസം ചിത്രത്തിൻ്റെ ഒറിജിനൽ സൗണ്ട്ട്രാക്ക് പുറത്തിറക്കി. ഗാനത്തിൻ്റെ റെക്കോർഡിംഗ് സെഷനിലെ പിന്നാമ്പുറ ദൃശ്യങ്ങൾ സംഗീത സംവിധായകൻ ജേക്ക്സ് ബിജോയ് പങ്കുവെച്ചിട്ടുണ്ട്. ഹരിനാരായണൻ ബി കെയാണ് ഈ ഗാനത്തിലെ വരികൾ എഴുതിയിരിക്കുന്നത്.

തെലുങ്ക്, തമിഴ്, ഹിന്ദി പതിപ്പുകളിലും ചിത്രം മികച്ച പ്രതികരണം നേടുന്നുണ്ട്. ചിത്രത്തിൽ ദുൽഖറിന് പുറമെ ടൊവിനോ തോമസും മറ്റ് നിരവധി താരങ്ങളും അതിഥി വേഷങ്ങളിൽ എത്തുന്നുണ്ട്. ബിഗ് ബജറ്റിൽ ഒരുക്കിയ ഈ ഫാൻ്റസി ത്രില്ലർ സിനിമയ്ക്ക് ഗംഭീര ബുക്കിംഗും ബോക്സ് ഓഫീസ് കളക്ഷനുമാണ് ലഭിക്കുന്നത്.

അഭിനയരംഗത്തേക്ക് ചുവടുവെച്ച് വിസ്മയ മോഹൻലാൽ; 'തുടക്കം' സിനിമയുടെ പൂജ കൊച്ചിയിൽ നടന്നു

ജേക്സ് ബിജോയുടെ സംഗീതം ചിത്രത്തിൻ്റെ വിജയത്തിൽ വലിയ പങ്കുവഹിച്ചു. പ്രശസ്ത ഗായിക അനുരാധ ശ്രീറാം പാടുന്ന ഒരു വീഡിയോയും ഇതിനോടൊപ്പം പുറത്തിറക്കിയിട്ടുണ്ട്. സ്പോട്ടിഫൈ, ആമസോൺ പ്രൈം മ്യൂസിക്, യൂട്യൂബ്, ജിയോ സാവൻ, ഗാനാ, ആപ്പിൾ മ്യൂസിക് തുടങ്ങിയ പത്തോളം മ്യൂസിക് പ്ലാറ്റ്ഫോമുകളിൽ ഈ ഒറിജിനൽ സൗണ്ട് ട്രാക്ക് ലഭ്യമാണ്.

കല്യാണി പ്രിയദർശൻ നായികയായി എത്തിയ ഈ ചിത്രം സംവിധാനം ചെയ്തിരിക്കുന്നത് ഡൊമിനിക് അരുൺ ആണ്. ‘ലോക’യുടെ ഈ ഉജ്ജ്വല വിജയം എമ്പുരാന്റെ 268 കോടി രൂപയുടെ റെക്കോർഡിനെയാണ് മറികടന്നത്.

Story Highlights: ‘ലോക ചാപ്റ്റർ 1 : ചന്ദ്ര’ ആഗോളതലത്തിൽ ഏറ്റവും കൂടുതൽ കളക്ഷൻ നേടുന്ന മലയാള സിനിമയായി മാറി, എമ്പുരാന്റെ റെക്കോർഡ് മറികടന്നു.

സംസ്ഥാന ചലച്ചിത്ര പുരസ്കാരങ്ങൾ ഇന്ന് പ്രഖ്യാപിക്കും