മാളോല പ്രൊഡക്ഷന്‍സിന്റെ ബാനറില്‍ നിര്‍മിക്കുന്ന ‘ഇരുനിറം’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. സിജി മാളോല നിര്‍മിക്കുന്ന ഈ ചിത്രത്തിന്റെ തിരക്കഥ വിഷ്ണു കെ മോഹനാണ് രചിച്ചിരിക്കുന്നത്. സംവിധാനം ജിന്റോ തോമസ്. ലിജോ ജോസ് പെല്ലിശ്ശേരി, ഇന്ദ്രന്‍സ് എന്നിവരുടെ ഫേസ്ബുക് പേജിലൂടെയാണ് പോസ്റ്റര്‍ പുറത്തുവിട്ടത്.
ചിത്രത്തില്‍ കേന്ദ്ര കഥാപാത്രങ്ങളെ അവതരിപ്പിക്കുന്നത് തന്മയ സോളും ദിനീഷ് പിയുമാണ്. മികച്ച ബാലതാരത്തിനുള്ള സംസ്ഥാന പുരസ്‌കാരം നേടിയ തന്മയ സോള്‍ രജനികാന്തിന്റെ ‘വേട്ടയ്യന്‍’ എന്ന ചിത്രത്തില്‍ പ്രധാന കഥാപാത്രത്തെ അവതരിപ്പിച്ചിരുന്നു. ദിനീഷ് പി നിരവധി സിനിമകളില്‍ വില്ലന്‍ കഥാപാത്രങ്ങള്‍ ചെയ്തിട്ടുണ്ട്.
ചിത്രത്തിന്റെ ക്യാമറ റെജി ജോസഫ് നിര്‍വഹിക്കുന്നു. എഡിറ്റിംഗും ഡി ഐ യും പ്രഹ്ലാദൻ പുത്തഞ്ചേരി. അർജുൻ അബയ, ഷംസുദ്ദീൻ കുട്ടോത്ത് എന്നിവരുടെ വരികൾക്ക് സാന്റി സംഗീതം ഒരുക്കുന്നു. പ്രൊഡക്ഷൻ ഡിസൈനർ സിജോ മാളോല, ആർട്ട് ഡയറക്ടർ ബിജു ജോസഫ്, മേക്കപ്പ് രാജേഷ് ജയൻ, കോസ്റ്റ്യൂം പ്രീതി സിജോ എന്നിവരും ചിത്രത്തിന്റെ ഭാഗമാണ്. ചീഫ് അസോസിയേറ്റ് ഡയറക്ടർ ലിജിൻ ഈപ്പൻ, അസോസിയേറ്റ് ഡയറക്ടർ സിറാജ് പേരാമ്പ്ര, പ്രൊഡക്ഷൻ കൺട്രോളർ ജിക്കു കട്ടപ്പന എന്നിവരും ചിത്രത്തിന്റെ നിര്‍മാണത്തില്‍ പങ്കാളികളാണ്.
Story Highlights: First look poster of Malayalam film ‘Iruniram’ released, starring Thanmaya Sol and Dineesh P
