Prayagraj Mahakumbh Mela Stampede: Over 30 Dead, 60 Injured

പ്രയാഗ്രാജിലെ മഹാകുംഭമേളയിൽ ഉണ്ടായ ദാരുണമായ തിക്കിലും തിരക്കിലും 30 പേർക്ക് ജീവൻ നഷ്ടമായി. 60 പേർക്ക് പരിക്കേറ്റു. മരിച്ചവരിൽ 25 പേരെ തിരിച്ചറിഞ്ഞതായി യുപി സർക്കാർ സ്ഥിരീകരിച്ചു. മരിച്ചവരിൽ കർണാടകയിൽ നിന്നുള്ള നാല് പേരും അസമിൽ നിന്നും ഗുജറാത്തിൽ നിന്നും ഓരോരുത്തരും ഉൾപ്പെടുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അടിയന്തര സഹായത്തിനായി 1920 എന്ന ഹെൽപ്പ് ലൈൻ നമ്പർ സർക്കാർ പ്രഖ്യാപിച്ചു. ഇനിയും അഞ്ച് പേരെ തിരിച്ചറിയാനുണ്ടെന്ന് ഡിഐജി വൈഭവ് കൃഷ്ണ അറിയിച്ചു. മൗനി അമാവാസിയോടനുബന്ധിച്ച് പുണ്യസ്നാനത്തിനായി പതിനായിരങ്ങൾ തടിച്ചുകൂടിയതാണ് അപകടകാരണം. ആളുകളെ വേർതിരിക്കാൻ സ്ഥാപിച്ച ബാരിക്കേഡുകൾ തകർന്നാണ് ദുരന്തമുണ്ടായത്.

വിഐപി സന്ദർശനമാണ് തിരക്കിന് കാരണമെന്ന റിപ്പോർട്ടുകൾ പൊലീസ് നിഷേധിച്ചു. ലഗേജുമായി വന്ന ഭക്തർക്ക് സ്നാനശേഷം എങ്ങോട്ട് പോകണമെന്നറിയാതെ ബുദ്ധിമുട്ടി. ചവറ്റുകുട്ടകളിൽ വീണ് പലരും അപകടത്തിൽപ്പെട്ടതായി ദൃക്സാക്ഷികൾ പറഞ്ഞു. ചെറുപ്പക്കാർ മറ്റുള്ളവരെ തള്ളിയിട്ടതാണ് തിക്കിലും തിരക്കിലും കലാശിച്ചതെന്ന് പ്രയാഗ്രാജിലെ കണ്ടൻ്റ് ക്രിയേറ്ററായ വിവേക് മിശ്ര പറഞ്ഞു.

അപകടത്തിന് കാരണം സർക്കാരുകളുടെ കെടുകാര്യസ്ഥതയാണെന്ന് രാഹുൽ ഗാന്ധിയും അഖിലേഷ് യാദവും കുറ്റപ്പെടുത്തി. വ്യാജപ്രചാരണങ്ങൾ വിശ്വസിക്കരുതെന്നും ഔദ്യോഗിക അറിയിപ്പുകൾ മാത്രം പിന്തുടരണമെന്നും യോഗി ആദിത്യനാഥ് ആവശ്യപ്പെട്ടു. ഭക്തർ സ്വയം അച്ചടക്കം പാലിക്കണമെന്നും അദ്ദേഹം പറഞ്ഞു. കുംഭമേളയിലേക്കുള്ള സ്പെഷ്യൽ ട്രെയിനുകൾ താൽക്കാലികമായി നിർത്തിവച്ചു.

ഡൽഹിയിലെ കുരുത്തോല പ്രദക്ഷിണത്തിന് അനുമതി നിഷേധിച്ചതിൽ ബിജെപിക്ക് പങ്കില്ലെന്ന് എം ടി രമേശ്

ത്രിവേണി സംഗമത്തിലെ അഖാഡകളുടെ അമൃതസ്നാനം പുനരാരംഭിച്ചു. ഏറ്റവും അടുത്തുള്ള ഘട്ടത്തിൽ മാത്രം സ്നാനം നടത്താനും സംഗമത്തിലേക്ക് എല്ലാവരും പോകരുതെന്നും മുഖ്യമന്ത്രി അഭ്യർത്ഥിച്ചു.

Story Highlights: A stampede-like situation at the Mahakumbh Mela in Prayagraj resulted in over 30 deaths and 60 injuries.

പ്രയാഗ്രാജിലെ ദർഗയിൽ കാവി പതാക; പോലീസ് നടപടി