Maggie Smith, Two-Time Oscar Winner and Harry Potter Star, Dies at 89

പ്രശസ്ത നടിയും രണ്ട് തവണ ഓസ്കർ നേടിയ മാഗി സ്മിത്ത് (89) അന്തരിച്ചു. വാർധക്യ സഹജമായ അസുഖങ്ങളെ തുടർന്ന് ചികിത്സയിലായിരുന്ന നടി വെള്ളിയാഴ്ച പുലർച്ചെ ലണ്ടനിലെ ആശുപത്രിയിൽ വച്ചാണ് അന്ത്യശ്വാസം വലിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആറ് പതിറ്റാണ്ടിലേറെ നീണ്ടുനിന്ന അഭിനയ ജീവിതത്തിൽ നിരവധി സിനിമകളിൽ അഭിനയിച്ച മാഗി സ്മിത്ത് ലോക ശ്രദ്ധ നേടിയത് ഹാരി പോട്ടർ സീരിസിലൂടെയാണ്. 2001 മുതൽ 2011 വരെ പുറത്തിറങ്ങിയ എല്ലാ ഹാരി പോട്ടർ സീരീസുകളിലും പ്രൊഫസർ മിനർവ മക്ഗൊനാഗൽ എന്ന കഥാപാത്രമായി മാഗി വേഷമിട്ടിരുന്നു.

ബ്രിട്ടീഷ് ചരിത്ര ടെലിവിഷൻ പരമ്പരയായ ‘ഡൗണ്ടൺ ആബി’യിലെ ഡോവേജർ കൗണ്ടസ് ഓഫ് ഗ്രാന്ഥം എന്ന കഥാപാത്രവും ശ്രദ്ധേയമായി. രണ്ട് ഓസ്കർ അവാർഡും നാല് എമ്മി അവാർഡുകളുമുൾപ്പെടെ നിരവധി പുരസ്കാരങ്ങൾ മാഗി സ്മിത്തിന് ലഭിച്ചിട്ടുണ്ട്.

മുംബൈ ഭീകരാക്രമണക്കേസ്: തഹാവൂർ റാണയെ തൂക്കിലേറ്റണമെന്ന് സാക്ഷി

‘ദ് പ്രൈം ഓഫ് മിസ് ജീൻ ബ്രോഡി’ എന്ന ചിത്രത്തിലെ അഭിനയത്തിനാണ് മികച്ച നടിക്കുള്ള ആദ്യ ഓസ്കർ അവാർഡ് ലഭിച്ചത്. ‘കാലിഫോർണിയ സ്യൂട്ട്’ എന്ന ചിത്രത്തിലെ അഭിനയത്തിന് മികച്ച സഹനടിക്കുള്ള രണ്ടാമത്തെ ഓസ്കർ അവാർഡും മാഗി സ്മിത്തിന് ലഭിച്ചു.

ഇതോടെ രണ്ട് വ്യത്യസ്ത വിഭാഗങ്ങളിൽ ഓസ്കർ നേടിയ അപൂർവ്വം നടിമാരിൽ ഒരാളായി മാഗി സ്മിത്ത് മാറി.

Story Highlights: Maggie Smith, renowned actress and two-time Oscar winner, dies at 89 after a career spanning over six decades

ഗുജറാത്തിൽ 1,800 കോടിയുടെ മയക്കുമരുന്ന് വേട്ട

97ാമത് ഓസ്കർ പുരസ്കാരങ്ങൾ പ്രഖ്യാപിച്ചു