പന്ന (മധ്യപ്രദേശ്)◾: മധ്യപ്രദേശിൽ പ്രാദേശിക ശിശുക്ഷേമ സമിതിയുടെ (സിഡബ്ല്യുസി) ഭാഗത്തുനിന്നുണ്ടായ ഗുരുതരമായ വീഴ്ചയിൽ, പീഡനത്തിനിരയായ പെൺകുട്ടി വീണ്ടും ബലാത്സംഗത്തിനിരയായി. ഈ വിഷയത്തിൽ സിഡബ്ല്യുസി ചെയർമാൻ, അംഗങ്ങൾ, മുതിർന്ന ഉദ്യോഗസ്ഥർ എന്നിവരുൾപ്പെടെ 10 പേർക്കെതിരെ ഛത്തർപൂർ പൊലീസ് എഫ്ഐആർ രജിസ്റ്റർ ചെയ്തു. വെറും 15 വയസ്സുള്ള പെൺകുട്ടിയാണ് അധികാരികളുടെ അനാസ്ഥ മൂലം വീണ്ടും പീഡനത്തിനിരയായത്.
സംഭവത്തെക്കുറിച്ച് പോലീസ് പറയുന്നത് ഇങ്ങനെ: 2025 ജനുവരി 16-ന് സ്കൂളിൽ നിന്ന് മടങ്ങുകയായിരുന്ന പെൺകുട്ടിയെ കാണാതായി. തുടർന്ന് നടത്തിയ അന്വേഷണത്തിൽ ഒരു മാസത്തിനു ശേഷം കുട്ടിയെ കണ്ടെത്തുകയായിരുന്നു. കുട്ടിയെ തട്ടിക്കൊണ്ടുപോയി പീഡിപ്പിച്ച പ്രതിയെ പോക്സോ നിയമപ്രകാരം അറസ്റ്റ് ചെയ്തു.
തുടർന്ന് പുനരധിവാസത്തിനായി അതിജീവിതയെ പന്ന സിഡബ്ല്യുസിക്ക് മുന്നിൽ ഹാജരാക്കുകയുണ്ടായി. എന്നാൽ, സിഡബ്ല്യുസി അധികൃതർ സുരക്ഷാ മാനദണ്ഡങ്ങൾ ലംഘിച്ച് പെൺകുട്ടിയെ പ്രതിയുടെ സഹോദര ഭാര്യയുടെ വീട്ടിലേക്ക് മാറ്റിയത് വീഴ്ചയായി. കുറച്ചുനാൾ പെൺകുട്ടി പന്നയിലെ ഒഎസ്സിയിൽ താമസിച്ചു.
ജയിലിൽ നിന്ന് പുറത്തിറങ്ങിയ പ്രതി വീട്ടിൽ തിരിച്ചെത്തി പെൺകുട്ടിയെ വീണ്ടും പീഡിപ്പിച്ചു. ഇതോടെ ഇയാൾ വീണ്ടും അറസ്റ്റിലായി. അതേസമയം, ഒഎസ്സി ജീവനക്കാരും ജില്ലാ വനിതാ-ശിശു വികസന ഓഫീസറും ഗുരുതരമായ ഈ വീഴ്ച മറച്ചുവെക്കാൻ ശ്രമിച്ചെന്നും റിപ്പോർട്ടുകളുണ്ട്.
അന്വേഷണത്തിൽ, ശിശുക്ഷേമ സമിതി ഉദ്യോഗസ്ഥർ കേസിൽ പാലിക്കേണ്ട മാനദണ്ഡങ്ങൾ ലംഘിച്ചതായും സുരക്ഷാ കാര്യത്തിൽ ഗുരുതരമായ വീഴ്ച വരുത്തിയതായും കണ്ടെത്തി. ഈ സംഭവം പുറത്തറിയുന്നത് പെൺകുട്ടിയെ തിരികെ സ്വന്തം വീട്ടിലെത്തിക്കാൻ കുടുംബം പന്ന കളക്ടറേറ്റ് പബ്ലിക് ഹിയറിംഗിൽ പരാതി നൽകിയപ്പോഴാണ്.
മാധ്യമങ്ങൾ ഈ വിഷയം വാർത്തയാക്കിയതിനെ തുടർന്ന് പ്രതിഷേധം ശക്തമായി. ഇതോടെ കളക്ടറും പൊലീസും വിഷയത്തിൽ ഇടപെട്ടു. പ്രായപൂർത്തിയാകാത്ത ബലാത്സംഗ ഇരയെ പ്രതിയുടെ വീട്ടിലേക്ക് അയക്കാൻ തെറ്റായ തീരുമാനമെടുത്തവർക്കെതിരെയും അത് ഒളിപ്പിച്ചവർക്കെതിരെയും കേസ് രജിസ്റ്റർ ചെയ്തിട്ടുണ്ടെന്ന് എ എസ് പി നവീൻ ദുബെ മാധ്യമങ്ങളോട് പറഞ്ഞു.
ജില്ലാ പ്രോഗ്രാം ഓഫീസറും വൺ സ്റ്റോപ്പ് സെന്ററിലെ ജീവനക്കാരും കേസ് ഒതുക്കിത്തീർക്കാൻ ശ്രമിച്ചതായും അന്വേഷണത്തിൽ വ്യക്തമായിട്ടുണ്ട്. നിലവിൽ, ചൈൽഡ് വെൽഫെയർ കമ്മിറ്റി (സിഡബ്ല്യുസി) ചെയർമാൻ, അംഗങ്ങൾ, ഒഎസ്സിയുടെ അഡ്മിനിസ്ട്രേറ്റർ, ജില്ലാ വനിതാ-ശിശു വികസന ഓഫീസർ എന്നിവർക്കെതിരെ പോക്സോ അടക്കം ചുമത്തി പൊലീസ് കേസ് എടുത്തിരിക്കുകയാണ്.
Story Highlights: മധ്യപ്രദേശിൽ ശിശുക്ഷേമ സമിതിയുടെ അനാസ്ഥയിൽ പീഡനത്തിനിരയായ പെൺകുട്ടി വീണ്ടും ബലാത്സംഗത്തിനിരയായി; 10 പേർക്കെതിരെ കേസ്.
ബലാത്സംഗ കേസിൽ ഒളിവിൽ കഴിയുന്ന പാലക്കാട് എംഎൽഎ രാഹുൽ മാങ്കൂട്ടത്തിലിന്റെ പേഴ്സണൽ സ്റ്റാഫും Read more
ബലാത്സംഗ കേസിൽ തിരുവനന്തപുരം ജില്ലാ സെഷൻസ് കോടതി ജാമ്യം നിഷേധിച്ചതിനെ തുടർന്ന് രാഹുൽ Read more
റീൽ ചിത്രീകരണത്തിനിടെ മധ്യപ്രദേശിൽ 50 അടി ഉയരമുള്ള പാലത്തിൽ നിന്ന് വീണ് യുവാവ് Read more
മധ്യപ്രദേശിലെ ഗൗഹർഗഞ്ചിൽ ആറ് വയസ്സുകാരിയെ ബലാത്സംഗം ചെയ്ത പ്രതിക്ക് നേരെ പൊലീസ് വെടിയുതിർത്തു. Read more
രഞ്ജി ട്രോഫി ക്രിക്കറ്റിൽ മധ്യപ്രദേശിനെതിരെ കേരളം ശക്തമായ നിലയിൽ. രണ്ടാം ദിനം കളി Read more
മധ്യപ്രദേശിൽ സ്കൂൾ കുട്ടികൾക്ക് ഉച്ചഭക്ഷണം പത്ര കടലാസിൽ നൽകിയ സംഭവത്തിൽ വിമർശനവുമായി രാഹുൽ Read more
കോഴിക്കോട് എൻട്രി ഹോമിൽ നിന്ന് കാണാതായ പെൺകുട്ടി രണ്ടുതവണ പീഡനത്തിനിരയായതായി മെഡിക്കൽ റിപ്പോർട്ട്. Read more
മധ്യപ്രദേശിൽ ദീപാവലി ആഘോഷത്തിനിടെ കാർബൈഡ് ഗൺ പൊട്ടിത്തെറിച്ച് 14 കുട്ടികൾക്ക് കാഴ്ച നഷ്ടപ്പെട്ടു. Read more
മധ്യപ്രദേശിൽ ദീപാവലി ആഘോഷത്തിനിടെ കാർബൈഡ് ഗൺ പൊട്ടിത്തെറിച്ച് 30 കുട്ടികൾക്ക് കാഴ്ച നഷ്ടപ്പെട്ടു. Read more
കഴക്കൂട്ടത്ത് ഹോസ്റ്റലിൽ അതിക്രമിച്ചു കയറി ഐടി ജീവനക്കാരിയെ പീഡിപ്പിച്ച കേസിൽ പ്രതിയെ തിരിച്ചറിഞ്ഞു. Read more
