M M Lawrence funeral: Daughter protests body's transfer to medical college

എറണാകുളം ടൗണ്ഹാളില് സിപിഐഎം നേതാവ് എം എം ലോറന്സിന്റെ അന്ത്യയാത്രക്കിടെ നാടകീയ രംഗങ്ങള് അരങ്ങേറി. പൊതുദര്ശനത്തിന് ശേഷം മൃതദേഹം മോര്ച്ചറിയിലേക്ക് കൊണ്ടുപോകാനിരിക്കെ ലോറന്സിന്റെ മകള് ആശാ ലോറന്സ് തടഞ്ഞു. ഫ്രീസറില് കെട്ടിപ്പിടിച്ച് കിടന്ന് പ്രതിഷേധിച്ച ആശയെയും മകന് മിലന് ലോറന്സിനെയും ബന്ധുക്കള് ബലം പ്രയോഗിച്ച് മാറ്റിയ ശേഷമാണ് മൃതദേഹം കൊണ്ടുപോയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹൈക്കോടതി നിര്ദേശപ്രകാരം മൃതദേഹം തത്കാലം വൈദ്യപഠനത്തിന് വിട്ടുനല്കരുതെന്നും മോര്ച്ചറിയില് സൂക്ഷിക്കണമെന്നുമാണ് തീരുമാനം. ഗാര്ഡ് ഓഫ് ഓണറിന് ശേഷം മുദ്രാവാക്യം വിളിച്ച സിപിഐഎം പ്രവര്ത്തകരോട് ആശ കയര്ത്തു. സിപിഐഎം മൂര്ദാബാദെന്ന് വിളിച്ചുപറഞ്ഞ ആശ മൃതദേഹം നീക്കുന്നത് തടയാന് ശ്രമിച്ചു.

ബന്ധുക്കള് ഇടപെട്ട് ആശയെ ബലമായി നീക്കിയെങ്കിലും അനുനയിപ്പിക്കാനുള്ള ശ്രമങ്ങള് വിഫലമായി. തര്ക്കത്തിനിടെ ഉന്തും തള്ളും ഉണ്ടായതോടെ ആശ നിലത്തുവീഴുന്ന സ്ഥിതിയുമുണ്ടായി. മൃതദേഹം മെഡിക്കല് കോളജിന് കൈമാറുമെന്ന് ജീവിച്ചിരുന്നപ്പോള് പിതാവ് പറഞ്ഞിട്ടില്ലെന്ന് ആശ വാദിച്ചു.

എന്നാല് പിതാവിന്റെ ആഗ്രഹപ്രകാരമാണ് ഈ തീരുമാനമെന്ന് മകന് സജീവ് പറഞ്ഞു. ലോറന്സ് ഇടവകയിലെ അംഗത്വം കളഞ്ഞിരുന്നില്ലെന്നും അദ്ദേഹത്തിന്റെ പിതാവിന്റെ അന്ത്യകര്മങ്ങള് ക്രിസ്തീയ ആചാരപ്രകാരമാണ് നടന്നതെന്നും ആശ ചൂണ്ടിക്കാട്ടി. പള്ളിയില് സംസ്കരിക്കണമെന്നാണ് ആശയുടെ ആവശ്യം.

എമ്പുരാനെതിരായ സൈബർ ആക്രമണങ്ങൾ ഡിവൈഎഫ്ഐ അപലപിച്ചു

Story Highlights: Dramatic scenes unfold at funeral of CPIM leader M M Lawrence as daughter protests body’s transfer to medical college

സിപിഐഎം സംഘടനാ റിപ്പോർട്ട് ഇന്ന് അവതരിപ്പിക്കും: സാധാരണക്കാരിലേക്ക് വേരുകൾ എത്താത്തതിൽ സ്വയം വിമർശനം