പ്രഭാസ് നായകനാകുന്ന ചിത്രമായ ‘രാധേശ്യാമിലെ’ ഗാനം പുറത്തുവിട്ടു.പ്രഭാസ് തന്നെയാണ് ഗാനത്തിന്റെ ലിറിക്കൽ വീഡിയോ സമൂഹ മാധ്യമങ്ങളിൽ പങ്കുവച്ചത്.
യുവൻ ശങ്കര്‍ രാജ,ഹരിനി ഇവതുരി എന്നിവരാണ് ഗാനം ആലപിച്ചിരിക്കുന്നത്.ചിത്രത്തിലെ ഗാനങ്ങള്‍ രചിച്ചിരിക്കുന്നത് കൃഷ്‍ണകാന്താണ്.
തമിഴ് സംഗീത സംവിധായകന്‍ ജസ്റ്റിന്‍ പ്രഭാകരനാണ് ചിത്രത്തിന്റെ സംഗീതം ഒരുക്കിയിരിക്കുന്നത്.
രാധാ കൃഷ്ണ സംവിധാനം ചെയ്യുന്ന രാധേശ്യാം എന്ന ഈ ചിത്രം ബഹുഭാഷാ ചിത്രമായാണ് പ്രേക്ഷകരിലേക്കെത്തുക.ചിത്രത്തില്‍ വേറിട്ടൊരു വേഷപ്പകർച്ചയുമായാണ് പ്രഭാസ് എത്തുന്നത്.
വി ക്രിയേഷന്‍സിന്റെ ബാനറില്‍ വംസിയും പ്രമോദും ചേര്‍ന്നാണ് ചിത്രത്തിന്റെ നിര്‍മ്മാണം നിര്‍വ്വഹിച്ചിരിക്കുന്നത്.
മലയാളത്തിന്റെ പ്രിയതാരമായ നടൻ ജയറാമും ചിത്രത്തില്‍ ഒരു പ്രധാന വേഷത്തെ അവതരിപ്പിക്കുന്നു.
story highlight : Lyrical song video of the movie ‘Radheshyam’ has been released.
