Lulu Retail Sees Strong Start to 2025 with 16% Profit Growth

2025-ലെ ആദ്യ പാദത്തിൽ മികച്ച ലാഭവിഹിതം നേടി ലുലു റീട്ടെയിൽ. ഈ കാലയളവിൽ ലുലു ഗ്രൂപ്പ് 2.1 ബില്യൺ ഡോളർ വരുമാനം നേടി. കൂടാതെ റീട്ടെയിൽ സേവനം കൂടുതൽ വിപുലീകരിക്കാൻ ഒരുങ്ങുകയാണ് ലുലു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലുലു റീട്ടെയിലിന്റെ മികച്ച പ്രകടനത്തിന് പ്രധാന കാരണം ഇ-കൊമേഴ്സ് പ്ലാറ്റ്ഫോമുകളുടെ വളർച്ചയാണ്. ലുലുവിന്റെ ഇ-കൊമേഴ്സ് ഓൺലൈൻ പ്ലാറ്റ്ഫോമിലെ മികച്ച വളർച്ച നേട്ടത്തിന് കരുത്തേകി. 26 ശതമാനത്തോളം വളർച്ചയുമായി 93.4 മില്യൺ ഡോളറിന്റെ വിൽപ്പന ഇ-കൊമേഴ്സ് പ്ലാറ്റ്ഫോമുകളിലൂടെ നടന്നു. ഇത് മൊത്തം വരുമാനത്തിന്റെ 4.7 ശതമാനമാണ്.

ഈ സാമ്പത്തിക വർഷത്തിന്റെ ആദ്യ പാദത്തിൽ ലുലു 69.7 മില്യൺ ഡോളറിന്റെ ലാഭം നേടി. ഇത് മുൻ വർഷത്തെ അപേക്ഷിച്ച് 16 ശതമാനം കൂടുതലാണ്. 6.4 ശതമാനം വളർച്ചയോടെ 214.1 മില്യൺ ഡോളറാണ് EBITDA മാർജിൻ.

ലുലു ഗ്രൂപ്പിൽ നിക്ഷേപം നടത്തിയവരിൽ അർപ്പിച്ച വിശ്വാസത്തിന്റെ ഫലമാണ് ഈ മികച്ച ലാഭമെന്ന് ലുലു ഗ്രൂപ്പ് ചെയർമാൻ എം.എ. യൂസഫലി പറഞ്ഞു. റീട്ടെയിൽ സേവനം കൂടുതൽ വിപുലമാക്കി സുസ്ഥിരമായ വളർച്ച ഉറപ്പാക്കുമെന്നും അദ്ദേഹം കൂട്ടിച്ചേർത്തു. പ്രൈവറ്റ് ലേബൽ, ഇ-കൊമേഴ്സ് പ്ലാറ്റ്ഫോമുകളിൽ സജീവമായ സേവനമാണ് ലുലു നൽകുന്നത്.

ജിസിസിയിലെ കൂടുതൽ ഇടങ്ങളിലേക്ക് ലുലുവിന്റെ സാന്നിധ്യം വർദ്ധിപ്പിക്കുമെന്നും നിക്ഷേപകർക്ക് കൂടുതൽ മികച്ച റിട്ടേൺ ഉറപ്പാക്കുമെന്നും യൂസഫലി പ്രസ്താവിച്ചു. ആദ്യ സാമ്പത്തിക പാദത്തിൽ മാത്രം അഞ്ച് പുതിയ സ്റ്റോറുകൾ ലുലു തുറന്നു. പ്രതീക്ഷിച്ചതിലും അധികം ലാഭം ഉണ്ടായതുകൊണ്ട് കൂടുതൽ സ്ഥലങ്ങളിലേക്ക് റീട്ടെയിൽ സേവനം വ്യാപിപ്പിക്കാൻ ലുലു തീരുമാനിച്ചു.

യുഎഇയിൽ മാത്രം ആറ് ശതമാനത്തോളം വളർച്ച ലുലുവിന് നേടാനായി. സൗദി അറേബ്യയിലും മികച്ച പ്രതികരണമാണ് ലഭിച്ചത്. സൗദി അറേബ്യയിൽ 10 ശതമാനത്തിലേറെ വരുമാന വർധനവുണ്ടായി. ഇതിന്റെ ഭാഗമായി ജിസിസിയിലെ 20 പുതിയ സ്ഥലങ്ങളിൽ കൂടി പുതിയ സ്റ്റോറുകൾ തുറക്കും. ഫ്രഷ് ഫുഡ് സെഗ്മെന്റിൽ 15 ശതമാനത്തിലേറെയാണ് വളർച്ച.

story_highlight:2025-ൽ ആദ്യ പാദത്തിൽ 16% ലാഭ വർധനയോടെ 69.7 മില്യൺ ഡോളർ നേടി ലുലു റീട്ടെയിൽ.