Lulu Retail's Record-Breaking IPO Listing on Abu Dhabi Exchange

യുഎഇയിലെ 2024ലെ ഏറ്റവും വലിയ റീട്ടെയ്ൽ ലിസ്റ്റിങ്ങായ ലുലുവിന്റെ ഓഹരി വ്യാപാരം വ്യാഴാഴ്ച അബുദാബി സെക്യൂരിറ്റീസ് എക്സ്ചേഞ്ചിൽ ആരംഭിക്കും. എഡിഎക്സിന്റെ ‘ബെല്ല് റിങ്ങിങ് സെറിമണി’യോടെ ലുലു റീട്ടെയ്ൽ ഔദ്യോഗികമായി ലിസ്റ്റ് ചെയ്യപ്പെടും. ഈ ലിസ്റ്റിങ് എഡിഎക്സിലെ നൂറാമത്തേതാണ്. ജിസിസിയിലെ രാജകുടുംബാംഗങ്ങൾ ഉൾപ്പെടെയുള്ളവരാണ് ലുലു റീട്ടെയ്ലിന്റെ നിക്ഷേപകർ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അബുദാബി സെക്യുരിറ്റീസ് എക്സ്ചേഞ്ചിന്റെ ചരിത്രത്തിലെ ഏറ്റവും മികച്ച നിക്ഷേപക പങ്കാളിത്തമാണ് ലുലു ഐപിഒയ്ക്ക് ലഭിച്ചത്. 25 ഇരട്ടി അധിക സമാഹരണത്തോടെ 3 ലക്ഷം കോടി രൂപയിലധികം സമാഹരിച്ചു. ഓഹരിക്ക് 2.04 ദിർഹം എന്ന മികച്ച ഇഷ്യൂ വിലയാണ് നിശ്ചയിച്ചത്. നവംബർ 12ന് ലുലു റീട്ടെയ്ലിന്റെ ഓഹരി അലോക്കേഷൻ പൂർത്തിയായിരുന്നു.

പ്രൊഫഷണൽ നിക്ഷേപക സ്ഥാപനങ്ങൾക്ക് പുറമേ, ഐപിഒ ആരംഭിച്ച് 16 ദിവസത്തിനുള്ളിൽ 50,000-ത്തിലധികം വ്യക്തിഗത നിക്ഷേപകർ ഓഹരി സബ്സ്ക്രൈബ് ചെയ്തു. വൻ ഡിമാൻഡ് കണക്കിലെടുത്ത് ഓഹരികൾ 30% വർധിപ്പിച്ചു. അബുദാബി പെൻഷൻ ഫണ്ട്, എമിറേറ്റ്സ് ഇന്റർനാഷണൽ ഇൻവെസ്റ്റ്മെന്റ് കമ്പനി, ബഹ്റൈൻ മുംതലകത്ത് ഹോൾഡിങ്സ്, ഒമാൻ ഇൻവെസ്റ്റ്മെന്റ് അതോറിറ്റി, കുവൈറ്റ് ഇൻവെസ്റ്റ്മെന്റ് അതോറിറ്റി, ഖത്തർ ഇൻവെസ്റ്റ്മെന്റ് അതോറിറ്റി എന്നിവയാണ് പ്രധാന നിക്ഷേപകർ.