Lulu Opens New Express Store in Medina, Saudi Arabia

ലുലു ഗ്രൂപ്പ് മദീനയിൽ പുതിയ എക്സ്പ്രസ് സ്റ്റോർ തുറന്നു. ഹജ്ജ്, ഉംറ തീർത്ഥാടകർക്കും പ്രദേശവാസികൾക്കും ഉന്നത നിലവാരമുള്ള ഉത്പന്നങ്ങൾ ലഭ്യമാക്കുക എന്ന ലക്ഷ്യത്തോടെയാണ് പുതിയ സ്റ്റോർ പ്ര പ്രവർത്തനമാരംഭിച്ചത്. മദീന ചേംബർ ഓഫ് കോമേഴ്സ് ചെയർമാൻ മാസെൻ ബിൻ ഇബ്രാഹിം റജബ് ആണ് ഉദ്ഘാടനം നിർവഹിച്ചത്. ലുലു ഗ്രൂപ്പ് ചെയർമാൻ എം. എ യൂസഫലി ചടങ്ങിൽ സംബന്ധിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലുലുവിന്റെ പുതിയ സംരംഭം സൗദി അറേബ്യയുടെ വിഷൻ 2030 നെ ശക്തിപ്പെടുത്തുമെന്ന് എം. എ യൂസഫലി പറഞ്ഞു. മക്കയ്ക്ക് പിന്നാലെ മദീനയിലും ലുലു സാന്നിധ്യമുറപ്പിച്ചത് സന്തോഷകരമാണെന്നും അദ്ദേഹം കൂട്ടിച്ചേർത്തു. തീർത്ഥാടകർക്കും പ്രദേശവാസികൾക്കും മികച്ച സേവനം നൽകുക എന്നതാണ് ലുലുവിന്റെ ദൗത്യം. പുതിയ സ്റ്റോറിന്റെ പ്രവർത്തനം പ്രാദേശിക തൊഴിലവസരങ്ങൾ സൃഷ്ടിക്കുമെന്ന് യൂസഫലി ചൂണ്ടിക്കാട്ടി.

ലോകോത്തര ഉത്പന്നങ്ങൾ എല്ലാവർക്കും ലഭ്യമാക്കുക എന്നതാണ് ലുലുവിന്റെ ലക്ഷ്യം. സൗദി ഭരണകൂടത്തിന്റെ പിന്തുണയ്ക്ക് നന്ദിയുണ്ടെന്നും അദ്ദേഹം പറഞ്ഞു. മദീനയിൽ ഹൈപ്പർമാർക്കറ്റ് ഉൾപ്പെടെ മൂന്ന് സ്റ്റോറുകൾ കൂടി തുറക്കാനുള്ള പദ്ധതിയുണ്ടെന്ന് യൂസഫലി വ്യക്തമാക്കി. സൗദി അറേബ്യയിൽ വിവിധ പദ്ധതികൾ ഉടൻ യാഥാർത്ഥ്യമാകുമെന്നും അദ്ദേഹം കൂട്ടിച്ചേർത്തു. 23,000 ചതുരശ്രയടി വിസ്തീർണത്തിലാണ് പുതിയ ലുലു എക്സ്പ്രസ് സ്റ്റോർ പ്രവർത്തിക്കുന്നത്.

‘കളങ്കാവൽ’ ധീരമായ പരീക്ഷണം; മമ്മൂട്ടിയെ പ്രശംസിച്ച് മന്ത്രി വി. ശിവൻകുട്ടി

അൽ മനാഖ അർബൻ പ്രോജക്ട് ഡെവലപ്മെൻ്റ് കമ്പനിയുമായി സഹകരിച്ചാണ് പദ്ധതി നടപ്പിലാക്കിയത്. ദൈനംദിന ഉത്പന്നങ്ങൾ, ഫ്രഷ് ഫുഡ്, മൊബൈൽ, ഡിജിറ്റൽ ഇലക്ട്രോണിക്സ് ഉത്പന്നങ്ങൾ എന്നിവ സ്റ്റോറിൽ ലഭ്യമാണ്. പുലർച്ചെ ആറ് മുതൽ അർദ്ധരാത്രി പന്ത്രണ്ട് വരെയാണ് സ്റ്റോറിന്റെ പ്രവർത്തന സമയം. മക്കയിലെ ജബൽ ഒമറിൽ മസ്ജിദ് അൽ ഹറാമിന് സമീപവും ലുലു സ്റ്റോർ പ്രവർത്തിക്കുന്നുണ്ട്. ലുലു സൗദി ഡയറക്ടർ ഷെഹീം മുഹമ്മദ്, ബിസിനസ് ഡവലപ്പ്മെൻ്റ് ഡയറക്ടർ റഫീഖ് യാരത്തിങ്കൽ, ജിദ്ദ റീജിയണൽ ഡയറക്ടർ നൗഷാദ് എം.

എ തുടങ്ങിയവർ ഉദ്ഘാടന ചടങ്ങിൽ പങ്കെടുത്തു.

Story Highlights: Lulu Group expands its presence in Saudi Arabia with a new express store in Medina, catering to pilgrims and residents.

സുഡാനിലെ അതിക്രമം അവസാനിപ്പിക്കാൻ സൗദിയുമായി ചേർന്ന് പ്രവർത്തിക്കുമെന്ന് ട്രംപ്